(ភ្នំពេញ)៖ មន្រ្តីជាប់កិច្ចសន្យានៅតាមក្រសួងស្ថាប័នរដ្ឋទាំងអស់ ត្រូវបានប្រមុខរដ្ឋាភិបាលកម្ពុជា សម្រេចដំឡើងប្រាក់ខែពី៥០ម៉ឺនរៀល ទៅ៦០ម៉ឺនរៀល ដែលការដំឡើងនេះគឺនឹងត្រូវអនុវត្តចាប់ពីខែមករា ឆ្នាំ២០១៨នេះតទៅ។ នេះបើយោងតាមអនុក្រឹត្យចុះហត្ថលេខាដោយសម្តេច ហ៊ុន សែន នាយករដ្ឋមន្រ្តី នៅថ្ងៃទី៥ ខែមករានេះ។
អនុក្រឹត្យដដែលបានចែងថា ការដំឡើងនេះ ត្រូវអនុវត្តចំពោះមន្រ្តីជាប់កិច្ចសន្យាដែលបម្រើការងារនៅតាមក្រសួង ស្ថាប័នថ្នាក់ជាតិ និងថ្នាក់ក្រោមជាតិតាមបញ្ញាត្តិនៃអនុក្រឹត្យចុះថ្ងៃទី១០ ខែកុម្ភៈ ឆ្នាំ២០១៦ ស្តីពីការគ្រប់គ្រង និងការប្រើប្រាស់មន្រ្តីជាប់កិច្ចសន្យា៕