នយោបាយ

គណៈកម្មាធិការជាតិរៀប​ចំការបោះឆ្នោត បាន​ហាម​ឃាត់​មិន​ឲ្យគណបក្សនយោបាយ​ ​​ដង្ហែ​ក្បួន​​ឃោសនា​ ​អំឡុង​ពេល​បោះ​ឆ្នោត​ជ្រើស​តាំង​សមាជិក​ព្រឹទ្ធ​សភា​ចុងខែកុម្ភៈនេះ​​ នៅទីតាំងមួយចំនួនដោយថា ដើម្បី​បញ្ចៀស​ការកកស្ទះចរាចរណ៍។ ក្នុង​សេចក្តីប្រកាសព័ត៌មាន​ចុះផ្សាយនៅថ្ងៃនេះ គ.ជ.ប. បាន​​ជូនដំណឹងទៅសាលារាជធានីភ្នំពេញពីទីតាំងចំនួន ២២ចំណុច ដែលត្រូវ​បាន​ហាមឃាត់​មិនឲ្យ​គណបក្សនយោ​បាយធ្វើយុទ្ធនាការ​ដង្ហែ​ក្បួន​ឃោសនា​។ សេចក្ដីថ្លែងការណ៍ដដែលថាការហាមនៅ​តាម​ដង​ផ្លូវ និង​ទីតាំង​សាធារណៈ​ចំនួន ២២​កន្លែង​ផ្សេង​គ្នានោះ ដើម្បីធានាសន្តិសុខ សុវត្ថិភាព សណ្តាប់ធ្នាប់សាធារណៈ​ជូន​គណ​ប​ក្សនយោ​បាយ​ទាំង​អស់ឲ្យ​បានល្អប្រសើរ ​ជៀសវាង​ការ​ក​កស្ទះចរាចរ និង​រំខានដល់អ្នកធ្វើដំណើរជាដើម។ បើតាមសេចក្តីប្រកាសព័ត៌មាន​ដដែល​នោះ ផ្លូវ​ដែល​នឹង​ត្រូវ​ដាក់​ឲ្យ​ស្ថិត​ក្រោម​ការ​ហាម​ឃាត់​នា​ពេល​ខាង​មុខ​នោះ មាន​មហាវិថី​ព្រះ​នរោត្ដម​ចាប់​ពី​វិមាន​ឯករាជ្យ​រហូត​ដល់​ស្ដុប​មន្ទីរ​ពេទ្យ​​អង្គឌួង មហា​វិថី​សហព័ន្ធ​រុស្ស៊ី កំណាត់​មហាវិថី​ព្រះ​មុនីវង្ស កំណាត់​មហា​វិថី​ព្រះសីហនុ កំណាត់​មហាវិថី​មៅ សេទុង...

ប្រធានគណបក្ស​សង្គ្រោះ​ជាតិលោក កឹម​ សុខា​​ ត្រូវបានសមត្ថកិច្ចដឹកបញ្ជូនមកដល់សាលាឧទ្ធរណ៍ហើយ​នា​ព្រឹកព្រលឹមថ្ងៃ​ទី​០១​ ថ្ងៃ​កុម្ភៈ​ ឆ្នាំ​២០១៨​​នេះ​ ដើម្បី​ចូលរួម​សវនាការ​លើ​បណ្តឹង​សុំ​នៅ​ក្រៅ​ឃុំ​បណ្តោះអាសន្ន​។ នាព្រឹកថ្ងៃទី ០១ ខែ កុម្ភៈនេះសាលាឧទ្ធរណ៍បើកសវនាការអសាធារណៈ​ លើ​បណ្តឹង​សុំ​នៅ​ក្រៅ​ឃុំ​បណ្តោះអាសន្ន​របស់មេធាវីការពារក្ដីលោក កឹម សុខា ​ ប្រឆាំង​នឹង​ការ​សម្រេចមិន​ដោះលែង​របស់​ចៅក្រម​ស៊ើបសួរ​សាលាដំបូង​រាជធានី​ភ្នំពេញ​។ ជាមួយនឹងការនាំខ្លួនលោកកឹម សុខា មកកាន់សាលាឧទ្ធរណ៍ នាព្រឹកនេះ ក៏គេសង្កេតឃើញមានការដាក់របាំង​​ការពារ​យ៉ាងតឹងរឹង និងមានសមត្ថកិច្ចប្រមូលផ្តុំគ្នាការពារនៅទីនោះផងដែរ ចំណែកផ្លូវជុំវិញ និងក្បែរ​សាលា​ឧទ្ធរណ៍ក៏មានការបិទផងដែង ។ កន្លងមកតុលាការតែងតែបានបដិសេធ មិនអនុញ្ញាតឲ្យលោក...

គណបក្សរាជានិយមហ៊្វុនស៊ិនប៉ិច បានសម្រេចដកតំណែងមន្រ្តីជាន់មន្រ្តី និង​មន្រ្តីជាន់ខ្ពស់ចំនួន ៤រូប ដែលបានបំផុសបំផុល​ទាមទារ​ឲ្យដកតំណែងអនុប្រធានបក្សលោក ប៉ោ ប៊ុនស្រ៊ឺ និងលោក យឹម សាវី អគ្គលេខាធិការបក្ស។ ក្នុងសេចក្ដីសម្រេចមួយចុះថ្ងៃទី ២៥ ខែ មករា គណបក្សរាជានិយមមួយនេះបានសម្រេចដកតំណែងមន្រ្តីជាន់​ខ្ពស់​ម្នាក់ និង​ មន្រ្តី៣រូបផ្សេងទៀត ដែលគណបក្សចាត់ទុកថា បានបំផុសបំផុលញត្តិទាមទារ ឲ្យដកតំណែងលោក ប៉ោ ប៊ុនស្រ៊ឺ អនុប្រធាន​គណបក្ស និងលោក...

រដ្ឋាភិបាលបានចេញសេចក្ដីណែនាំមិនឲ្យមានការប្រមូលផ្តុំ និងធ្វើក្បួនដង្ហែ តាមតំបន់សំខាន់ៗមួយចំនួន ក្នុងរាជធានីភ្នំពេញ សម្រាប់​ដំណើរការយុទ្ធនាការ ឃោសនាបោះឆ្នោត ជ្រើសតាំង នីតិកាលទី៤ ឆ្នាំ២០១៨ ខាងមុខនេះ។ រដ្ឋបាលសាលារាជធានីភ្នំពេញបានចេញសេចក្ដីណែនាំមួយចុះថ្ងៃទី ២៤ ខែមករា ដោយ​ពុំអនុញ្ញាតឲ្យ​មានការ​ប្រមូល​ផ្តុំ និង​ធ្វើ​ក្បួន​ដង្ហែ តាមតំបន់សំខាន់ៗមួយចំនួន ក្នុងរាជធានីភ្នំពេញ សម្រាប់យុទ្ធនាការ ឃោសនា​បោះ​ឆ្នោត ជ្រើសតាំងសមាជិក​ព្រឹទ្ធ​សភា នីតិកាលទី៤ ឆ្នាំ២០១៨ ដែលនឹងប្រព្រឹត្តទៅ ចាប់ពីថ្ងៃទី១០ រហូតដល់​ថ្ងៃទី​២៣...

សាលាដំបូងរាជធានីភ្នំពេញ បានបើកសវនាការកាត់ក្តីលើសំណុំរឿងលោក លឺ ឡាយស្រេង​ ដែលប្តឹងដោយលោក គី តិច មេធាវីតំណាងរបស់នាយករដ្ឋមន្រ្តីសម្តេច ហ៊ុន សែន ដោយបានសម្រេចផ្តន្ទទោសអតីតមន្ត្រីជាន់ខ្ពស់គណបក្សហ៊្វុនស៊ិនប៉ិចរូបនោះឲ្យសងជំងឺចិត្តជាង ១០ម៉ឺនដុល្លារ។ នៅព្រឹកថ្ងៃទី២៥ ខែមករា ឆ្នាំ២០១៨នេះលោក​ គី​ តិច​ មេធាវី​តំណាង​ដោយ​អាណត្តិ​របស់​ប្រមុខ​រាជរដ្ឋាភិបាល​កម្ពុជា​បានឲ្យដឹងថាតុលាការបានសម្រេចផ្តន្ទទោស ឲ្យលោក លឺ ឡាយស្រេង សងសំណងជំងឺចិត្តដល់ដើមបណ្តឹងគឺ សម្តេចតេជោ ហ៊ុន សែន...

សាលាដំបូងរាជធានីភ្នំពេញបានកោះហៅជាលើកទី ២ ឲ្យអតីតប្រធានសហជីពសេរីកម្មករលោកជា មុន្នី ចូល​ខ្លួន​បំភ្លឺនៅដើមខែកុម្ភៈ ជំវិញបណ្ដឹងប្ដឹងដោយសហជីពចំនួន១២០ ពីបទញុះញង់។ ក្នុងដីការកោះចុះថ្ងៃទី ២៣ ខែ មករា ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ លោក សៀង សុខ បានចេញដីកាកោះជាលើកទី២ កោះហៅឱ្យលោក ជា មុន្នី ចូលបំភ្លឺជូនតុលាការ នៅព្រឹកថ្ងៃទី០៩ ខែ​កុម្ភៈ ឆ្នាំ២០១៨។ លោកជាមុន្នី ដែលជាអតីតប្រធានសហជីពសេរីកម្មករ និង...

រដ្ឋមន្ដ្រីក្រសួងការពារជាតិសម្ដេចពិជ័យសេនា ទៀ បាញ់ ព្រមានកម្ទេចចលនាសង្គ្រោះ ដោយថា​បើសិន​ជា​ចលនា​ដែលប្រកាសបង្កើតឡើងដោយលោក សម រង្ស៊ី ​កើតមាននៅកម្ពុជា ។ សម្តេចពិជ័យសេនា ទៀ បាញ់ ព្រមានបែបនេះនៅព្រឹកថ្ងៃទី២៣ ខែមករា ក្នុងពិធី​បិទសន្និបាតបូក​សរុប​លទ្ធ​ផល ការងារកងរាជអាវុធហត្ថប្រចាំឆ្នាំ២០១៧ និងទិសដៅការងារឆ្នាំ២០១៨ ដែលរៀបចំធ្វើឡើង​នៅ​ក្នុងទី​បញ្ជា​ជាការដ្ឋាន កងរាជអាវុធហត្ថលើផ្ទៃប្រទេស។នេះបើតាមការចុះផ្សាយរបស់ Freshnews។ ការចុះផ្សាយដដែលប្រមុខការពារជាតិសម្ដេច ទៀ បាញ់ បានលើកឡើងថា៖ «អាលូវនឹងចលនាសង្គ្រោះជាតិ​ចុង​ក្រោយ វា​ថារៀបចំឲ្យមានហិង្សានៅកម្ពុជាតែម្ដង...

ក្នុងពិធីជួបសំណេះសំណាលជាមួយអ្នកសារព័ត៌មានប្រមាណជាង ៣ពាន់នាក់ល្ងាចនេះ សម្ដេចហ៊ុន សែន ស្នើឲ្យអ្នកសារព័ត៌មានជួយរិៈគន់ ដោយលោកថាដើម្បីស្ថាបនារាល់កំហុសឆ្គង។ នៅល្ងាចថ្ងៃទី ២១ ខែមករានេះជាខួបលើកទី ២ ដែលសម្ដេចសម្តេចតេជោ ហ៊ុន សែន អញ្ជើញជួប​សំណេះ​សំណាល​ជាមួយអ្នកសារព័ត៌មានជាតិ ដែលក្នុងនោះមានការចូលរួមពីអ្នកសារព័ត៌មាន​ចំនួន ៣,៤០០នាក់ នៅមជ្ឈមណ្ឌលសន្និបាត និង ពិពរណ៌កោះពេជ្រ។ ក្រោយពិធីជួបសំណេះសំណាល និង​ពិសារអាហារសាមគ្គីជាមួយអ្នកសារព័ត៌មាននេះសម្ដេចបានសរសេរ​នៅ​លើទំព័រហ្វេសប៊ុករបស់ខ្លួនដោយស្នើដល់​អ្នកសារព័ត៌មានជួយរិៈគន់ ដើម្បីស្ថាបនារាល់កំហុសឆ្គង និង​ផែនការដែលបានដាក់ចេញ នៃក្រសួង​ស្ថាប័ន​នានា ដើម្បីធ្វើការកែលំអរ។ សម្ដេចបានលើកឡើងថា៖ «ស្នើអោយសារព័ត៌មានត្រូវចេះចូលរួមជួយរិះគន់ដើម្បីស្ថាបនារាល់កំហុសឆ្គង...

អតីតសមាជិកគណកម្មាធិការជាតិរៀបចំការបោះឆ្នោត គ.ជ.ប លោក រ៉ុង ឈុន ត្រូវបានតែងតាំង ជាទី ប្រឹក្សា សមាគមគ្រូបង្រៀនកម្ពុជាឯករាជ្យ។ សមាគមគ្រូបង្រៀនកម្ពុជាឯករាជ្យបានចេញសេចក្ដីជូនដំណឹងមួយចុះថ្ងៃទី ២១ ខែ មករា បានឲ្យដឹងថាគណៈកម្មាធិការនាយកនៃសមាគមនេះ បានសម្រេចតែងតាំង លោក រ៉ុង ឈុន អតីតសមាជិក គ.ជ.ប ជាទីប្រឹក្សាសមាគមគ្រូបង្រៀនកម្ពុជាឯករាជ្យ។ ក្នុងសេចក្ដីជូនដំណឹងនោះបន្តថាក្រៅពីតួនាទីជាទីប្រឹក្សាលោក រ៉ុង ឈុន ក៏នឹងទទួលបន្ទុកការទំនាក់ទំនងកិច្ចការជាតិ និងអន្តរជាតិ...

លោក កឹម សុខា ត្រូវបានស្រង់សំដីថាប្រធាន​អតីតគណបក្ស​សង្គ្រោះ​ជាតិរូបនេះបញ្ជាក់​ជំហរ​ មិន​ចូលរួម​ជាមួយ​ចលនា​សង្គ្រោះជាតិនោះទេ​។ ចលនាសង្គ្រោះជាតិថ្មីនេះត្រូវបានប្រកាសបង្កើតឡើងដោយលោក សម រង្ស៊ី អតីតប្រធានគណបក្ស​សង្គ្រោះជាតិ កាលពីថ្ងៃទី ១២ ខែ មករា ដើម្បីគៀងគរឲ្យ​មានចលនាមួយដែលមានការចូលរួមពីគ្រប់​មជ្ឈដ្ឋាន ក្នុងការដាក់សម្ពាធលើរដ្ឋាភិបាលកម្ពុជា និងឈានទៅរកការដឹកនាំប្រទេសនាពេលខាងមុខ។ ការបង្កើតចលនាសង្គ្រោះជាតិថ្មីនេះឡើងបន្ទាប់ពីគណបក្ស CNRP ត្រូវបានរំលាយ ហើយ​មន្ត្រីជាន់​ខ្ពស់​​ ១១៨​នាក់ត្រូវបានហាមឃាត់មិនឲ្យធ្វើ​សិទ្ធិ​នយោបាយរយៈពេល ៥ឆ្នាំ។ ដោយឡែកក្រោយបង្កើតចលនានេះមានមន្ត្រី និង សកម្មជន អតីតបក្សសង្គ្រោះជាតិមួយចំនួន​បដិសេធមិនចូលរួម ជាមួយគ្នានោះលោកកឹមសុខា...