ក្រសួងធនធានទឹក និង ឧតុនិយមបានឲ្យដឹងថាសីតុណ្ហភាពនៅកម្ពុជាកំពុងចុះត្រជាក់ខ្លាំងរហូតដល់ ១០ អង្សានៅតំបន់ខ្លះនាសប្ដាហ៍នេះ ។
ក្រសួងធនធានទឹក និងឧតុនិយម បានឲ្យដឹងតាមរយៈសេចក្ដីជូនដំណឹងមួយនៅថ្ងៃនេះ រហូតដល់ថ្ងៃទី ០៩ ខែ កុម្ភៈ សីតុណ្ហភាពតំបន់ខ្លះអាចចុះដល់ ១០ អង្សា ដែលជំរុញឲ្យពលរដ្ឋមានការប្រុងប្រយត្នចំពោះសុខភាព។
ក្រសួងបានបន្តថាសីតុណ្ហភាពចុះត្រជាក់នេះចែកចេញជា ៣ តំបន់ផ្សេងគ្នា គឺតំបន់ជួរភ្នំដងរែកចុះត្រជាក់ដល់ ១០ ទៅ ១២ អង្សា ចំណែកតំបន់ខ្ពង់រាបចុះត្រជាក់ដល់ ១៣ទៅ ១៤,៥ អង្សា ហើយទំនាបកណ្ដាលចុះត្រជាក់ដល់ ១៥ ទៅ ១៩,៥ អង្សា។
ការចុះត្រជាក់ខ្លាំងនេះក្រសួងជំរុញឲ្យពលរដ្ឋមានការប្រុងប្រយត្នជាពិសេសកងទ័ព ដែលកំពុងឈរជើងនៅតាមបន្ទាត់ព្រំដែន៕