បុរសម្នាក់ខឹងសុំលុយម្តាយមិនបាន ក៏បានដុតផ្ទះខ្លួនឯងចោល បណ្តាលឲ្យឆេះជញ្ជាំងស័ង្កសី និងសម្ភារៈក្នុងផ្ទះមួយចំនួន ។
បើតាមការឲ្យដឹងពីអគ្គស្នងការនគរបាលជាតិករណីនេះបានកើតឡើងនៅវេលាម៉ោង១២ថ្ងៃត្រង់ ថ្ងៃទី១ ខែកុម្ភៈ ឆ្នាំ២០១៨ បង្កដោយឈ្មោះ លឹម សីហា ហៅកែវ សីហា ភេទប្រុស អាយុ៣២ឆ្នាំ មានម្តាយឈ្មោះ លឹម ក្រិច អាយុ៦៣ឆ្នាំ រស់នៅក្នុងភូមិ៦ សង្កាត់កំពង់លាវ ក្រុងព្រៃវែង ខេត្តព្រៃវែង ។
តាមការចុះផ្សាយដដែលបន្តថាក្រោយកើតហេតុ កម្លាំងសមត្ថកិច្ចបានចុះជួយអន្តរាគមន៍បាញ់ទឹកពន្លត់ មិនឲ្យមានការឆេះរាលដាលដល់ផ្ទះអ្នកជិតខាង ។
តាមការចុះផ្សាយឲ្យដឹងថាជនសង្ស័យជាមនុស្សមានសារធាតុញៀនក្នុងខ្លួន ត្រូវបានសមត្ថកិច្ចឃាត់ខ្លួនផងដែរ ៕