ពលរដ្ឋជាង ៣០០នាក់ មកពីតាមបណ្ដាខេត្ត ផ្សេងគ្នាបានឡើងមកស្នើសុំឲ្យសម្តេច ហ៊ុន សែន ជួយអន្តរាគមន៍រឿង ក្រុមហ៊ុន EBC ឆបោកប្រាក់របស់ពួកគាត់អស់ជាច្រើន។
តាមការចុះផ្សាយរបស់អគ្គស្នងការនគរបាលជាតិនៅព្រឹកថ្ងៃទី ១៩ ខែ កុម្ភៈនេះ ពលរដ្ឋ ៣០១ នាក់មកពី ១១ខេត្ត បានមកប្រមូលផ្តុំគ្នានៅត្រង់ចំណុចមុខវត្តបទុមវតីខុទ្ទកាល័យ សម្តេចហ៊ុន សែនដើម្បីស្នើសុំឲ្យសម្តេច ហ៊ុន សែន ជួយអន្តរាគមន៍ឲ្យពួកគាត់បានសំណងវិញ ករណីក្រុមហ៊ុន EBC ឆបោកប្រាក់របស់ពួកគាត់។
ការចុះផ្សាយដដែលបន្តថាប្រជាពលរដ្ឋដែលឡើងមករកការជួយ អន្តរាគមន៍រួមមាន ១១ខេត្ត មានខេត្តតាកែវចំនួន ០៣នាក់ ខេត្តឧត្តរមានជ័យចំនួន ៣២នាក់ កណ្តាល ចំនួន ៣៨នាក់ ព្រៃវែងចំនួន ០៥នាក់ បាត់ដំបង ចំនួន ៨៤នាក់ ពោធិ៍សាត់ចំនួន ២០នាក់ ស្វាយរៀងចំនួន ១៥នាក់ កំពង់ស្ពឺចំនួន ៥៥នាក់ ត្បូងឃ្មុំចំនួន ៣៥នាក់ ប៉ៃលិនចំនួន ១០នាក់ និងខេត្តកំពតចំនួន ០៤នាក់ សរុបចំនួន ៣០១នាក់។
តាមការចុះផ្សាយដដែលក្រោយពីមានការសម្របសម្រួល និងពន្យល់ណែនាំពីលោក ប៉ាល់ ច័ន្ទតារា ជាមេធាវីរបស់រាជរដ្ឋាភិបាល និងលោក ធូ សារឿន អនុប្រធាននាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែន ពួកគាត់ក៏បានយល់ និងរំសាយត្រឡប់ទៅតាមបណ្តារខេត្តវិញ៕