រដ្ឋមន្រ្តីក្រសួងព័ត៌មានហាមមិនអោយវិទ្យុ ទូរទស្សន៍ក្នុងស្រុកទាំងអស់ចាក់ផ្សាយ​ចម្រៀង​«គ្រូបង្រៀនស្រវឹងស្រា»របស់ផលិតកម្មថោន

(ភ្នំពេញ)៖ រដ្ឋមន្រ្តីក្រសួងព័ត៌មាន លោក ខៀវ កាញារីទ្ធ តាមរយៈលិខិតចុះថ្ងៃទី១៩ ធ្នូ បានធ្វើ ការហាមប្រាមវិទ្យុ និងទូរទស្សន៍ក្នុងស្រុកទាំងអស់ចាក់ផ្សាយបទចម្រៀងដែលមាន ចំណង​ជើង​ថា«គ្រូបង្រៀនស្រវឹងស្រា» ដែលច្រៀងដោយលោកស្រី ចេន សាយថៃ របស់​ផលិត​កម្មថោន។ លោក ខៀវ កាញារីទ្ធ ចាត់ទុកចម្រៀងមួយបទនេះ គឺជាមានខ្លឹមសារបន្តុះ​បង្គាប់ គ្រូបង្រៀន។

ក្នុងលិខិតរបស់លោករដ្ឋមន្រ្តីក្រសួងព័ត៌មាន បានលើកឡើងថា ខ្លឹមសារនៃបទចម្រៀងនេះ បានប្រាសចាកអំពីអកប្បកិរិយា និងសីលធម៌ថ្លៃថ្នូររបស់គ្រូបង្រៀនទូទៅធ្វើឲ្យប៉ះពាល់យ៉ាង ធ្ងន់ធ្ងរដល់កិត្តិយស និងសេចក្តីថ្លៃថ្នូររបស់គ្រូបង្រៀន។ លោក ថា បទចម្រៀងមួយបទនេះ បានធ្វើឲ្យមានប្រតិកម្មពីសំណាក់​មហា​​ជនទូទៅ និងជិះឥទ្ធិពលមិនល្អដល់សង្គមទាំងមូល ហើយខ្លឹមសារនៃបទចម្រៀងនេះ បានដក់ជាប់នឹងអារម្មណ៍របស់កុមារ ដែលពុំទាន់មានមូល ដ្ឋាននៃការពិចារណា​ច្បាស់​លាស់​នៅ​ឡើយ។

លោក យឹម តាស្រង់ អ្នកនិពន្ធ និងទំនុកច្រៀនៃបទ«គ្រូបង្រៀនស្រវឹងស្រា» របស់ផលិតកម្ម​ថោន បានឲ្យដឹង​ថា បទចម្រៀងនេះ គឺមិនមែនអត្ថន័យសំដៅលើលោកគ្រូ​បង្រៀនទាំង​អស់​នោះ​ទេ​។ ប៉ុន្តែគ្រាន់តែ​សំដៅលើលោកគ្រូបង្រៀនមួយចំនួននៅ​តាមស្រុកស្រែជនបទ​ដែល​លោក​ធ្លាប់ដឹង។

លោករដ្ឋមន្រ្តីក្រសួងព័ត៌មាន បានបញ្ជាក់នៅក្នុងលិខិតថា ដើម្បីជៀសវាងផលអវិជ្ជមាន និង ប៉ះពាល់ដល់អារម្មណ៍ កិត្តិយស និងសេចក្តីថ្លៃថ្នូរបស់គ្រូបង្រៀនទូទៅពីការផ្សព្វផ្សាយ​ចម្រៀង​​នេះ ក្រសួងស្នើឲ្យម្ចាស់ស្ថានីយ៍វិទ្យុ និងទូរទស្សន៍ក្នុងស្រុកទាំងអស់ចាក់ផ្សាយ បទចម្រៀងនេះចាប់ពីថ្ងៃចេញលិខិតនេះតទៅ៕

ព័ត៌មានផ្សេងទៀត

ជនជាតិវៀតណាម ២៥នាក់ត្រូវបានឃាត់ខ្លួនពីបទស្នាក់នៅខុសច្បាប់ សមត្ថកិច្ចឲ្យពលរដ្ឋចូលរួមដើម្បីលុបបំបាត់ទំនិញ និងអាហារមានជាតិគីមី រដ្ឋាភិបាលថាមួយខែចំណាយអស់ ១៥ម៉ឺនដុល្លារលើសេវារថយន្តក្រុង រដ្ឋាភិបាលគ្រោងធ្វើវិសោធនកម្មច្បាប់ស្តីពីអន្តោប្រវេសន៍ និងច្បាប់ស្តីពីសញ្ជាតិ ក្រសួងមហាផ្ទៃថាពលករចំណាកស្រុកទៅថៃជាង ៤០ភាគរយខុសច្បាប់ ពលរដ្ឋម្នាក់ត្រូវបានបាញ់ស្លាប់នៅពេលនគរបាលចុះបង្ក្រាបសង្វៀនជល់មាន់ អគ្គិភ័យឆាបឆេះអស់ផ្ទះ៤ខ្នងនៅសង្កាត់ព្រែកប្រា រដ្ឋាភិបាល​ដាក់​ចេញ​ផ្សព្វផ្សាយ​នូវ​គោល​នយោបាយ​មនុស្ស​ចាស់​ឆ្នាំ​ ២០១៧-២០៣០ ជនរងគ្រោះពីការជួញដូរ ២៩នាក់ត្រូវបានជួយឲ្យវិលមកកម្ពុជាវិញ ជនជាតិចិន ១២នាក់ត្រូវបានឃាត់ខ្លួនពីបទលួចឆ្លងដែន និងស្នាក់នៅធ្វើខុសច្បាប់ យ៉ាងហោចណាស់ផ្ទះ ១៦ ខ្នងត្រូវបានឆាប់ឆេះនៅសង្កាត់ទឹកថ្លា បេក្ខជន​ជិត​ ៤​ពាន់នាក់​ប្រលង ខណៈការជ្រើសរើសមន្ដ្រីក្របខ័ណ្ឌពន្ធនាគារតែ ៣៥០នាក់ មនុស្ស ១០នាក់ស្លាប់ និង១៥នាក់រងរបួសធ្ងន់ ស្រាលដោយគ្រោះថ្នាក់ចរាចរណ៍ សីតុណ្ហភាពចុះត្រជាក់ខ្លាំងដល់ ១៣ និង ១៥ អង្សា ពលករខ្មែរនៅក្រៅប្រទេស បានផ្ញើប្រាក់ឲ្យគ្រួសារប្រមាណជា៣៨០០លាន ដុល្លារក្នុងមួយឆ្នាំៗ អាកាសធាតុនៅកម្ពុជា នឹងចុះត្រជាក់នៅថ្ងៃទី១០ ខែមករាខាងមុខនេះ សម្រាប់ឆ្នាំ២០១៧នេះ មជ្ឈមណ្ឌលជាតិផ្តល់ឈាមទទួលបានការបរិច្ចាកឈាមពីវិស័យឯកជនចំនួន ២០ភាគរយប៉ុណ្ណោះ ទិន្នផលនេសាទបង្កងទឹកសាបនៅខេត្តតាកែវ កើនឡើងជិត២០ភាគរយ ក្នុងឆ្នាំ២០១៧នេះ ភ្លៀងនឹងធ្លាក់ក្នុងក្របខណ្ឌទូទាំងប្រទេសចាប់ពីថ្ងៃទី២៦ ធ្នូខាងមុខនេះតទៅ ធនាគារពិភពលោក៖ ការរីកចម្រើនដ៏ឆាប់រហ័សនៃរាជធានីភ្នំពេញ បានចូលរួមបង្កើតការងារ និងកាត់បន្ថយភាពក្រីក្រ