ព្រឹទ្ធសភាកម្ពុជា ហៅការសម្រេចរបស់សភាអឺរ៉ុប គឺជាការជ្រៀតជ្រែកចូលកិច្ចការផ្ទៃក្នុងកម្ពុជា

(ភ្នំពេញ)៖ បន្ទាប់ពីសភាអឺរ៉ុបកាលពីថ្ងៃទី១៣ ខែធ្នូ ឆ្នាំ២០១៧ ចេញសេចក្តីសម្រេចព្រមានផ្អាក​លែង​ផ្តល់​ទិដ្ឋាការ​និង​បង្កក​ទ្រព្យ​សម្បត្តិ​ដល់​មន្រ្តី​កម្ពុជា និង​ព្រមាន​ព្យួរ​ប្រព័ន្ធ​អនុ​គ្រោះ​​​ពន្ធ ​ប្រសិន​បើ​កម្ពុជា​នៅ​តែ​រំលោភ​បំពាន​សិទ្ធិ​មនុស្សនោះ។ ព្រឹទ្ធសភាកម្ពុជានៅថ្ងៃនេះ បានចេញសេចក្តីថ្លែងការណ៍សម្តែងការខកចិត្តចំពោះការសម្រេចរបស់សភាអឺរ៉ុប និងបានហៅការព្រមាននេះគឺជាការជ្រៀតជ្រែកចូលកិច្ចការផ្ទៃក្នុងកម្ពុជា។

នៅក្នុងសេចក្តីថ្លែងការណ៍របស់ព្រឹទ្ធសភាកម្ពុជា នៅថ្ងៃសុក្រ ទី១៥ ធ្នូនេះ ព្រឹទ្ធសភាកម្ពុជា បានចាត់ទុកសេចក្តីសម្រេចរបស់សភាអឺរ៉ុបថាមានលក្ខណៈលំអៀង មិនយុត្តិធម៌ និងមិនឆ្លុះបញ្ចាំងការពិតនៅកម្ពុជា ហើយសេចក្តីសម្រេចនេះទៀតសោត គឺជាការជ្រៀតជ្រែកក្នុង កិច្ចការផ្ទៃក្នុងរបស់កម្ពុជា ដែលជាប្រទេសតូច តែជារដ្ឋអធិបតេយ្យ និងឯករាជ្យ។

បន្ថែមពីនេះដែរ​ ព្រឹទ្ធសភាកម្ពុជា ក៏បានលើកឡើងថា ការសម្រេចរបស់តុលាការកំពូលក្នុង ការរំលាយគណបក្សសង្រ្គោះជាតិនេះ គឺត្រឹមត្រូវតាមអង្គហេតុ និងអង្គច្បាប់ ហើយការចាប់ខ្លួនលោក កឹម សុខា អតីតប្រធានគណបក្សសង្រ្គោះជាតិ ដោយរង់ចាំតុលាការកាត់ ទោសតាមច្បាប់នេះ ក៏ព្រោះតែតុលាការមានភ័ស្តុតាងថា លោក កឹម សុខា បានបម្រើបរទេស ប្រឆាំងជាតិ និងប្រជាជនកម្ពុជា។

ជាចុងបញ្ចប់នៃសេចក្តីថ្លែងការណ៍ ព្រឹទ្ធសភាកម្ពុជា ក៏បានអំពាវនាវឲ្យសភាអឺរ៉ុបពិចារណា ឡើងវិញ និងកុំធ្វើអ្វីដែលប៉ះពាល់ដល់ដំណើរការទៅមុខរបស់កម្ពុជា ដែលកំពុងរស់នៅ ដោយល្អប្រសើរក្នុងសុខសន្តិភាព ស្ថិរភាព និងការអភិវឌ្ឍតាមមាគ៍ានៃលទ្ធិប្រជាធិបតេយ្យ សេរីពហុបក្ស និងនីតិរដ្ឋពិតប្រាកដ។

សូម​បញ្ជាក់​ថា ដំណោះ​ស្រាយ​របស់​សភា​អឺរ៉ុប​នេះ គឺ​ជា​គំនាប​ថ្មី​មួយ​ទៀត​សម្រាប់​រដ្ឋាភិបាល​កម្ពុជា។ កាល​ពី​ពេលថ្មីៗនេះ សហភាព​អឺរ៉ុប​បាន​ប្រកាស​ព្យួរ​ជំនួយ​សម្រាប់​គណៈកម្មាធិការ​ជាតិ​រៀប​ចំ​ការ​បោះ​ឆ្នោត​កម្ពុជា ព្រោះ​រឿង​រំលាយ​គណបក្ស​សង្រ្គោះ​ជាតិ និងការហាមឃាត់មន្រ្តីជាន់ខ្ពស់គណបក្សនេះមិនអោយធ្វើនយោបាយ០៥ឆ្នាំ៕

ព័ត៌មានផ្សេងទៀត

តុលាការសម្រេចផ្តន្ទាទោសឲ្យលោក លឺ ឡាយស្រេងបង់ជំងឺចិត្តជាង ១០ម៉ឺនដុល្លារទៅរដ្ឋាភិបាល រដ្ឋាភិបាលព្រមានកម្ទេចចលនាសង្គ្រោះជាតិបើកើតមាននៅកម្ពុជា អង្គការឃ្លាំមើលសិទ្ធិមនុស្សអន្តរជាតិជំរុញឲ្យតុលាការទម្លាក់បទចោទលើលោក ជា មុន្នី រដ្ឋាភិបាល​ដាក់​ចេញ​ផ្សព្វផ្សាយ​នូវ​គោល​នយោបាយ​មនុស្ស​ចាស់​ឆ្នាំ​ ២០១៧-២០៣០ ឯកសារសំខាន់ៗចំនួន១៩ ត្រូវចុះហត្ថលេខារវាងរាជរដ្ឋាភិបាលកម្ពុជា និងរដ្ឋាភិបាលចិន សម្តេច ហ៊ុន សែន៖ ថ្ងៃនេះ គឺជាថ្ងៃប្រវត្តិសាស្រ្ត ដែលខ្មែរគ្រប់និន្នាការ​នយោ​បាយឈ្នះ​ទាំង​អស់គ្នា អង្គបោះឆ្នោតព្រឹទ្ធសភានីតិកាលទី៤ ឆ្នាំ២០១៨ខាងមុខនេះ មានចំនួនជាង១ម៉ឺននាក់ តុលាការឲ្យមេធាវីសហជីពចូលមកបំភ្លឺជុំវិញបណ្តឹងប្តឹងលោក ជា មុន្នី នៅថ្ងៃទី៩ ខែមករា ខាងមុខនេះ គ.ជ.ប ទាត់ចោលការលើកឡើងថា ការបោះឆ្នោតខាងមុខនឹងមិនស្របច្បាប់ ពេលគ្មានវត្តមានបក្សប្រឆាំង កម្ពុជាចង់ឲ្យវៀតណាមជួយចែករំលែកបទពិសោធន៍ និងការងារប្រយុទ្ធប្រឆាំងបដិវត្តន៍ពណ៍ សម្តេច ហ៊ុន សែន ណែនាំមន្រ្តីរដ្ឋាភិបាលកុំអោយឆ្លងឆ្លើយជាមួយអតីតបក្សប្រឆាំង កម្ពុជា បង្ហាញការមិនពេញចិត្ត​ចំពោះការរៀបចំវេទិកាស្តីពីការធ្លាក់ចុះប្រជាធិបតេយ្យ​នៅ​កម្ពុជា​​នៅ​យូអិន​ពីសំណាក់​អាមេរិក លោក ជា មុន្នី រងការប្តឹងពីបទញុះញង់ បន្ទាប់ពីអំពាវនាវឲ្យសហគមន៍អឺរ៉ុបដាក់ទណ្ឌកម្មមកលើរដ្ឋាភិបាល ប្រធានបក្សកាន់អំណាចចង់ឲ្យអតីតសមាជិកបក្សប្រឆាំងបង្កើតបក្សថ្មីដើម្បីចូលរួមប្រកួតការបោះឆ្នោតខាងមុខ គ.ជ.ប អះអាងថា ដំណើរការរៀបចំការបោះឆ្នោតនៅតែទៅមុខ បើទោះបី EU ព្បួរជំនួយក៏​ដោយ កម្ពុជា ចាត់ទុកការ​រឹតបន្តឹង​ទិដ្ឋាការ​របស់​អាមេរិក ថា​ពុំបានពិចារណាលើអង្គហេតុ និងអង្គច្បាប់ជុំវិញការវិឌ្ឍនយោបាយនៅកម្ពុជា បារាំងចង់ឲ្យរដ្ឋាភិបាលកម្ពុជា អនុញ្ញាតឲ្យបក្សប្រឆាំង និងសង្គមស៊ីវិល ដំណើរការដោយគ្មានការរារាំង អគ្គមេបញ្ជាការកងទ័ព ប្រកាសប្តឹងលោក សម រង្ស៊ី ពីបទប្រកាសឲ្យកងទ័ពប្រឆាំងរដ្ឋាភិបាល លោក កែវ រ៉េមី៖ ការចង់ឲ្យមានការចរចាគ្នារវាងបក្សកាន់អំណាច និងបក្សប្រឆាំងគឺមិន​អាច​ទៅ​រួច លោក រ៉ុង ឈុន សុំការអនុញ្ញាតពីតុលាការដើម្បីជួបលោក កឹម សុខា នៅពន្ធនាគារ