គ.ជ.ប ទាត់ចោលការលើកឡើងថា ការបោះឆ្នោតខាងមុខនឹងមិនស្របច្បាប់ ពេលគ្មានវត្តមានបក្សប្រឆាំង

(ភ្នំពេញ)៖ ក្រុមការងារប្រតិកម្មព័ត៌មានរបស់គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប បានធ្វើការច្រានចោលចំពោះការលើកឡើងដែលថា ការបោះឆ្នោតជ្រើសរើសតាំងតំណាង រាស្រ្តនីតិកាលទី៦ ឆ្នាំ២០១៨ ខាងមុខនេះនឹងមានលក្ខណៈស្របច្បាប់។ គ.ជប ចាត់ទុកការលើកឡើងបែបនេះគឺជាការធ្វើការវិនិច្ឆ័យនៅពេលការបោះឆ្នោតមិនទាន់ដំណើរការហើយក៏ជាការខុសទៅនឹងច្បាប់ស្តីពីបោះឆ្នោតជ្រើសតាំងតំណាងរាស្រ្តផងដែរ។

ការលើកឡើងរបស់ស្ថាប័នបោះឆ្នោតមួយនេះ គឺធ្វើឡើងស្របពេលដែលមន្រ្តីជាន់ខ្ពស់អតីតគណបក្សសង្រ្គោះជាតិ និងប្រទេសនៃសហគមន៍អន្តរជាតិមួយចំនួន ដែលរួមមាន សហរដ្ឋអាមេរិក និងសហភាពអឺរ៉ុប បានលើកឡើងពីភាពស្របច្បាប់នៃការបោះឆ្នោតជ្រើសតាំងតំណាងរាស្រ្តនីតិកាលទី៦ របស់កម្ពុជាក្នុងពេលខាងមុខនេះ ថានឹងមិនអាចទទួលយកបាន និងមិនភាពស្របច្បាប់នៅពេលអវត្តមានគណបក្សប្រឆាំង។

ក្នុងសេចក្តីបំភ្លឺក្រោមចំណងជើងថា គ.ជ.ប គឺជាស្ថាប័នកំពូលរបស់ជាតិ និងប្រជាជនកម្ពុជា ចុះថ្ងៃទី២១ ធ្នូនេះ ស្ថាប័នបោះឆ្នោតមួយនេះ បានលើកយកច្បាប់បោះឆ្នោតជ្រើសតាំង តំណាងរាស្រ្តមកធ្វើការបញ្ជាក់ថា គ្មានមាត្រាណាមួយនៅក្នុងច្បាប់មួយនេះ ចែងពីការបោះឆ្នោតត្រូវតែមានការចូលរួមពីគណបក្សប្រឆាំង ហើយបើគណបក្សប្រឆាំងមិនចូលរួម ការបោះឆ្នោតនោះនឹងមិនមានលក្ខណៈស្របច្បាប់នោះទេ។

ជាមួយគ្នានេះ ក្នុងដំណើរចុះបញ្ជីគណបក្សនយោបាយឈរឈ្មោះបោះឆ្នោត គ.ជ.ប មិន ដែលបានធ្វើចំណាត់ថ្នាក់ប្រភេទគណបក្សនយោបាយឈរឈ្មោះបោះឆ្នោតទាល់តែសោះ ពោល គឺការចុះបញ្ជីគណបក្សនយោបាយទាំងឡាយណា ដែលបានចុះបញ្ជីយ៉ាងត្រឹមត្រូវ ស្របច្បាប់ស្តីពីគណបក្សនយោបាយនៅក្រសួងមហាផ្ទៃ។

គ.ជ.ប ក៏បានលើកយកមាត្រា ១៥០ (ពីរ) ត្រង់ជំពូក ១៥ថ្មី (ពីរ) នៃរដ្ឋធម្មនុញ្ញកម្ពុជា ដែលចែងថា ស្ថាប័ន គ.ជ.ប គឺជាស្ថាប័នតែមួយគត់ ដែលមានសមត្ថកិច្ចរៀបចំ ចាត់ចែង និងគ្រប់គ្រងការបោះឆ្នោតជ្រើសតាំងសមាជិកព្រឹទ្ធសភ និងការបោះឆ្នោតជ្រើសតាំងតំណាង រាស្រ្ត ព្រមទាំងការបោះឆ្នោតផ្សេងៗទៀត តាមការកំណត់នៃច្បាប់។

ត្រង់ចំណុចនេះ គ.ជ.ប ថា ខ្លួនគ្មានជម្រើសអ្វីក្រៅតែពីការអនុវត្តភារកិច្ចរបស់ខ្លួនស្របទៅ តាមច្បាប់ដោយឯករាជ្យ និងអព្យាក្រឹត្យដើម្បីធានាថា ការបោះឆ្នោតមួយលើកៗប្រព្រឹត្តទៅដោយសេរី ត្រឹមត្រូវ និងយុត្តិធម៌។ គ.ជ.ប ថា គ្មានអ្វីដែលត្រូវរាំងស្ទះនោះទេសម្រាប់ដំណើរការបោះឆ្នោតជ្រើសតាំងតំណាងរាស្រ្តក្នុងពេលខាងមុខ ដែលនឹងប្រព្រឹត្តទៅតាម ការគ្រោង គឺនៅថ្ងៃទី២៩ ខែកក្កដា ឆ្នាំ២០១៨៕

ព័ត៌មានផ្សេងទៀត

អង្គការឃ្លាំមើលសិទ្ធិមនុស្សអន្តរជាតិជំរុញឲ្យតុលាការទម្លាក់បទចោទលើលោក ជា មុន្នី រដ្ឋាភិបាល​ដាក់​ចេញ​ផ្សព្វផ្សាយ​នូវ​គោល​នយោបាយ​មនុស្ស​ចាស់​ឆ្នាំ​ ២០១៧-២០៣០ ឯកសារសំខាន់ៗចំនួន១៩ ត្រូវចុះហត្ថលេខារវាងរាជរដ្ឋាភិបាលកម្ពុជា និងរដ្ឋាភិបាលចិន ក្រសួងការបរទេសចេញសេចក្តីប្រកាសព័ត៌មានក្រោយបញ្ចប់កិច្ចប្រជុំកំពូលមេគង្គ-ឡានឆាង លើកទី២ សម្តេច ហ៊ុន សែន៖ ថ្ងៃនេះ គឺជាថ្ងៃប្រវត្តិសាស្រ្ត ដែលខ្មែរគ្រប់និន្នាការ​នយោ​បាយឈ្នះ​ទាំង​អស់គ្នា អង្គបោះឆ្នោតព្រឹទ្ធសភានីតិកាលទី៤ ឆ្នាំ២០១៨ខាងមុខនេះ មានចំនួនជាង១ម៉ឺននាក់ ចិនផ្តល់ជំនួយជាសម្ភារ បរិក្ខារ ចំនួន៣០មុខ ដល់គ.ជ.ប សម្រាប់ដំណើរការបោះឆ្នោតជាតិ​ខាង​មុខនេះ តុលាការឲ្យមេធាវីសហជីពចូលមកបំភ្លឺជុំវិញបណ្តឹងប្តឹងលោក ជា មុន្នី នៅថ្ងៃទី៩ ខែមករា ខាងមុខនេះ កម្ពុជាចង់ឲ្យវៀតណាមជួយចែករំលែកបទពិសោធន៍ និងការងារប្រយុទ្ធប្រឆាំងបដិវត្តន៍ពណ៍ កម្ពុជា បង្ហាញការមិនពេញចិត្ត​ចំពោះការរៀបចំវេទិកាស្តីពីការធ្លាក់ចុះប្រជាធិបតេយ្យ​នៅ​កម្ពុជា​​នៅ​យូអិន​ពីសំណាក់​អាមេរិក លោក ជា មុន្នី រងការប្តឹងពីបទញុះញង់ បន្ទាប់ពីអំពាវនាវឲ្យសហគមន៍អឺរ៉ុបដាក់ទណ្ឌកម្មមកលើរដ្ឋាភិបាល លោក អេង ឆៃអ៊ាង អះអាងថា អតីតបក្សប្រឆាំងមិនបង្កើតបក្សថ្មី តាមការចង់បានរបស់​បក្ស​កាន់អំណាចនោះទេ ប្រធានបក្សកាន់អំណាចចង់ឲ្យអតីតសមាជិកបក្សប្រឆាំងបង្កើតបក្សថ្មីដើម្បីចូលរួមប្រកួតការបោះឆ្នោតខាងមុខ ព្រឹទ្ធសភាកម្ពុជា ហៅការសម្រេចរបស់សភាអឺរ៉ុប គឺជាការជ្រៀតជ្រែកចូលកិច្ចការផ្ទៃក្នុងកម្ពុជា គ.ជ.ប អះអាងថា ដំណើរការរៀបចំការបោះឆ្នោតនៅតែទៅមុខ បើទោះបី EU ព្បួរជំនួយក៏​ដោយ កម្ពុជា ចាត់ទុកការ​រឹតបន្តឹង​ទិដ្ឋាការ​របស់​អាមេរិក ថា​ពុំបានពិចារណាលើអង្គហេតុ និងអង្គច្បាប់ជុំវិញការវិឌ្ឍនយោបាយនៅកម្ពុជា បារាំងចង់ឲ្យរដ្ឋាភិបាលកម្ពុជា អនុញ្ញាតឲ្យបក្សប្រឆាំង និងសង្គមស៊ីវិល ដំណើរការដោយគ្មានការរារាំង អគ្គមេបញ្ជាការកងទ័ព ប្រកាសប្តឹងលោក សម រង្ស៊ី ពីបទប្រកាសឲ្យកងទ័ពប្រឆាំងរដ្ឋាភិបាល លោក កែវ រ៉េមី៖ ការចង់ឲ្យមានការចរចាគ្នារវាងបក្សកាន់អំណាច និងបក្សប្រឆាំងគឺមិន​អាច​ទៅ​រួច លោក រ៉ុង ឈុន សុំការអនុញ្ញាតពីតុលាការដើម្បីជួបលោក កឹម សុខា នៅពន្ធនាគារ