ភ្នំពេញ៖ រដ្ឋមន្រ្តីក្រសួងមហាផ្ទៃកម្ពុជា សម្តេច ស ខេង បានណែនាំឲ្យមេប៉ុស្តិ៍រដ្ឋបាលនៅទូទាំងប្រទេស បង្កើនការចុះពន្យល់ប្រជាពលរដ្ឋនៅតាមមូលដ្ឋានរបស់ខ្លួន ដើម្បីឲ្យពួក គាត់បានយល់ពីមូលហេតុនៃការរំលាយគណបក្សសង្រ្គោះជាតិ ខណៈដែលក្រោយការរំលាយមានប្រជាពលរដ្ឋមួយចំនួននៅតាមមូលដ្ឋានមិនទាន់ដឹងច្បាស់ពីការរំលាយនេះ។
សម្តេច ស ខេង បានលើកឡើងថា មេប៉ុស្តិ៍រដ្ឋបាល ត្រូវផ្សព្វផ្សាយឲ្យប្រជាពលរដ្ឋមូលដ្ឋានរបស់ខ្លួន បានឲ្យដឹងនូវឧបាយកលអាក្រក់ក្នុងការចង់ផ្គួលរំលំរដ្ឋាភិបាលកម្ពុជាស្របច្បាប់ ពីសំណាក់លោក កឹម សុខា អតីតប្រធានគណបក្សសង្រ្គោះជាតិ ដែលបច្ចុប្បន្នកំពុងជាប់ឃុំនៅក្នុងពន្ធនាគារ និងគណបក្សខ្លួន ដើម្បីជៀសវាងការយល់ច្រឡំរបស់ប្រជាព លរដ្ឋមកលើរដ្ឋាភិបាល។
ថ្លែងក្នុងសន្និបាតស្តីពីការពង្រឹងការងារប៉ុស្តិ៍នគរបាលរដ្ឋបាលទូទាំងប្រទេស លើកទី២ នៅព្រឹកទី១២ ធ្នូនេះ សម្តេច ស ខេង បានមានប្រសាសន៍ថា ការរំលាយបក្សប្រឆាំង និងការហាមឃាត់មន្រ្តីបក្សនេះមិនឲ្យធ្វើនយោបាយចំនួន៥ឆ្នាំ តាមអំណាចសាលដីការបស់ តុលាការកំពូលមានសាធារណជនជាច្រើនបានយល់ និងគាំទ្រចំពោះចំណាត់របស់រដ្ឋាភិបាល និងតុលាការ។
តែទោះបីជាយ៉ាងណាក៏ដោយ សម្តេច ថា ក៏នៅមានប្រជាពលរដ្ឋមួយចំនួនដែល នៅមិនទាន់យល់ ឬក៏យល់បានខ្លះដែរ ប៉ុន្តែអាស្រ័យនិន្នាការនយោបាយឋិតនៅម្ខាង ដែល បញ្ហានេះតម្រូវឲ្យមន្រ្តីនគរបាលជាតិនិយាយជារួម ហើយនិយាយដោយឡែកមន្រ្តីប៉ុស្តិ៍នគរបាលរដ្ឋបាលជួយធ្វើការបកស្រាយ ផ្សព្វផ្សាយ អប់រំ ឲ្យប្រជាពលរដ្ឋគ្រប់មូលដ្ឋានដឹងពីបញ្ហានេះ។
គួររំលឹកថា គណបក្សសង្រ្គោះជាតិ ត្រូវបានតុលាការកំពូលសម្រេចរំលាយកាលពីថ្ងៃទី១៦ ខែវិច្ឆិកា ឆ្នាំ២០១៧ តាមការទាមទាររបស់មេធាវីក្រសួងមហាផ្ទៃ បន្ទាប់ពីតុលាការរកឃើញថា ថ្នាក់ដឹកនាំគណបក្ស មួយនេះមានជាប់ពាក់ព័ន្ធនឹងផែនការចង់ធ្វើបដិវត្តន៍ពណ៍ផ្គួលរំលំរដ្ឋាភិបាលស្របច្បាប់ដែលដឹកនាំដោយ សម្តេច ហ៊ុន សែន នាយករដ្ឋមន្រ្តី។
មិនត្រឹមតែរំលាយគណបក្សសង្រ្គោះជាតិប៉ុណ្ណោះទេ តុលាការកំពូលរបស់កម្ពុជាក៏បានសម្រេចផ្អាកមិនឲ្យ មន្រ្តីជាន់ខ្ពស់គណបក្សនេះចំនួន១១៨រូប មិនឲ្យធ្វើនយោបាយចំនួន០៥ឆ្នាំផងដែរ៕ ដោយ៖ Rush News
ព័ត៌មានផ្សេងទៀត
តុលាការសម្រេចផ្តន្ទាទោសឲ្យលោក លឺ ឡាយស្រេងបង់ជំងឺចិត្តជាង ១០ម៉ឺនដុល្លារទៅរដ្ឋាភិបាល
រដ្ឋាភិបាលព្រមានកម្ទេចចលនាសង្គ្រោះជាតិបើកើតមាននៅកម្ពុជា
អង្គការឃ្លាំមើលសិទ្ធិមនុស្សអន្តរជាតិជំរុញឲ្យតុលាការទម្លាក់បទចោទលើលោក ជា មុន្នី
រដ្ឋាភិបាលដាក់ចេញផ្សព្វផ្សាយនូវគោលនយោបាយមនុស្សចាស់ឆ្នាំ ២០១៧-២០៣០
ឯកសារសំខាន់ៗចំនួន១៩ ត្រូវចុះហត្ថលេខារវាងរាជរដ្ឋាភិបាលកម្ពុជា និងរដ្ឋាភិបាលចិន
សម្តេច ហ៊ុន សែន៖ ថ្ងៃនេះ គឺជាថ្ងៃប្រវត្តិសាស្រ្ត ដែលខ្មែរគ្រប់និន្នាការនយោបាយឈ្នះទាំងអស់គ្នា
អង្គបោះឆ្នោតព្រឹទ្ធសភានីតិកាលទី៤ ឆ្នាំ២០១៨ខាងមុខនេះ មានចំនួនជាង១ម៉ឺននាក់
តុលាការឲ្យមេធាវីសហជីពចូលមកបំភ្លឺជុំវិញបណ្តឹងប្តឹងលោក ជា មុន្នី នៅថ្ងៃទី៩ ខែមករា ខាងមុខនេះ
គ.ជ.ប ទាត់ចោលការលើកឡើងថា ការបោះឆ្នោតខាងមុខនឹងមិនស្របច្បាប់ ពេលគ្មានវត្តមានបក្សប្រឆាំង
កម្ពុជាចង់ឲ្យវៀតណាមជួយចែករំលែកបទពិសោធន៍ និងការងារប្រយុទ្ធប្រឆាំងបដិវត្តន៍ពណ៍
សម្តេច ហ៊ុន សែន ណែនាំមន្រ្តីរដ្ឋាភិបាលកុំអោយឆ្លងឆ្លើយជាមួយអតីតបក្សប្រឆាំង
កម្ពុជា បង្ហាញការមិនពេញចិត្តចំពោះការរៀបចំវេទិកាស្តីពីការធ្លាក់ចុះប្រជាធិបតេយ្យនៅកម្ពុជានៅយូអិនពីសំណាក់អាមេរិក
លោក ជា មុន្នី រងការប្តឹងពីបទញុះញង់ បន្ទាប់ពីអំពាវនាវឲ្យសហគមន៍អឺរ៉ុបដាក់ទណ្ឌកម្មមកលើរដ្ឋាភិបាល
ប្រធានបក្សកាន់អំណាចចង់ឲ្យអតីតសមាជិកបក្សប្រឆាំងបង្កើតបក្សថ្មីដើម្បីចូលរួមប្រកួតការបោះឆ្នោតខាងមុខ
គ.ជ.ប អះអាងថា ដំណើរការរៀបចំការបោះឆ្នោតនៅតែទៅមុខ បើទោះបី EU ព្បួរជំនួយក៏ដោយ
កម្ពុជា ចាត់ទុកការរឹតបន្តឹងទិដ្ឋាការរបស់អាមេរិក ថាពុំបានពិចារណាលើអង្គហេតុ និងអង្គច្បាប់ជុំវិញការវិឌ្ឍនយោបាយនៅកម្ពុជា
បារាំងចង់ឲ្យរដ្ឋាភិបាលកម្ពុជា អនុញ្ញាតឲ្យបក្សប្រឆាំង និងសង្គមស៊ីវិល ដំណើរការដោយគ្មានការរារាំង
អគ្គមេបញ្ជាការកងទ័ព ប្រកាសប្តឹងលោក សម រង្ស៊ី ពីបទប្រកាសឲ្យកងទ័ពប្រឆាំងរដ្ឋាភិបាល
លោក កែវ រ៉េមី៖ ការចង់ឲ្យមានការចរចាគ្នារវាងបក្សកាន់អំណាច និងបក្សប្រឆាំងគឺមិនអាចទៅរួច
លោក រ៉ុង ឈុន សុំការអនុញ្ញាតពីតុលាការដើម្បីជួបលោក កឹម សុខា នៅពន្ធនាគារ