សមត្ថកិច្ចបង្រ្កាបទីតាំងផលិតប្រេងម៉ាស៊ីនក្លែងក្លាយបានរាប់តោន

សមត្ថកិច្ចខេត្តកំពតបានចុះបង្រ្កាបទីតាំងផលិតប្រេងម៉ាស៊ីនក្លែងក្លាយមួយកន្លែង ដោយដកហូតបានប្រេង ម៉ាស៊ី​ក្លែងក្លាយរាប់តោន។

ស្នងការនគរបាលខេត្តកំពតលោក ម៉ៅ ច័ន្ទមធុរិទ្ធ បានឲ្យដឹងថានៅរសៀលថ្ងៃទី២៦ ខែមករា ឆ្នាំ២០១៨នេះ កម្លាំង​ជំនាញខេត្តកំពត បានសហការជាមួយកម្លាំងអធិការស្រុកឈូក បានចុះបង្ក្រាបករណីផលិតប្រេងម៉ាស៊ីន ក្លែង​ក្លាយមួយកន្លែង នៅភូមិឈើទាល ឃុំឈូក ស្រុកឈូក និងដកហូតបានប្រេងក្លែងក្លាយរាប់តោន។​នេះបើតាមការចុះផ្សាយរបស់ Freshnews។

ការចុះផ្សាយដដែលនោះ លោក ម៉ៅ ច័ន្ទមធុរិទ្ធបានបន្តថាក្នុងយុទ្ធនាការដកហូត និង បង្ក្រាបនេះមាន សំបក កំប៉ុង ១លីត្រមានចំនួន ១៣​ធុង ស្មើនឹង ២២,០២២កំប៉ុង សំបកកំប៉ុង០.៨លីត្រ និង០.៧លីត្រ មានចំនួន ២៨ ធុង ស្មើនឹង ៥៤,២០៨ សំបក​កំប៉ុង និងម៉ាស៊ីនវេចខ្ចប់រួចចំនួន៩៥ កេសស្មើនឹង២,២៨០កំប៉ុង។

លោកបន្តថាជាមួយគ្នានោះដែរក៏មានហ្វ៊យប្រេងម៉ាកសូគីម៉ិច មានចំនួន ១០ហ្វ៊យ មិនទាន់​ប្រើប្រាស់​២,២០០​លីត្រ​ គម្របកំប៉ុងមានចំនួន៣០កេស ក្នុង០១ កេសមាន១៥ដុំ ស្មើនឹង ៦៣,០០០គម្រប គម្របកេះម៉ាក DEMEX ២០០ដុំ ម៉ាស៊ីនសម្រាប់វេចខ្ចប់ និងផលិត០១គ្រឿង និងម៉ាស៊ីនអ៊ុតរង្វាន់០១គ្រឿងផងដែរ។

លោកស្នងការរូបនោះបានឲ្យដឹងដែរថានៅពេលកម្លាំងសមត្ថកិច្ចចុះទៅបង្ក្រាម្ចាស់ទីតាំងឈ្មោះ អ៊ូច ង៉ុយ ភេទ​ប្រុស អាយុ៤៤ឆ្នាំ បាន​រត់​គេច​ខ្លួន​បាត់ ហើយបច្ចុប្បន្នកម្លាំងជំនាញ កំពុងកសាងសំណុំរឿង ដើម្បីចាត់​ការតាម​នីតិវិធី​៕

ព័ត៌មានផ្សេងទៀត

សមត្ថកិច្ចឲ្យពលរដ្ឋចូលរួមដើម្បីលុបបំបាត់ទំនិញ និងអាហារមានជាតិគីមី អភិបាលខេត្តបង្ហាញពីផលប៉ះពាល់នៃជនបរទេសដែលស្នាក់នៅខេត្តព្រះសីហនុ ជនជាតិវៀតណាម ៨នាក់ត្រូវឃាត់ខ្លួនពីបទគ្មានឯកសារផ្លូវច្បាប់ រដ្ឋាភិបាលគ្រោងធ្វើវិសោធនកម្មច្បាប់ស្តីពីអន្តោប្រវេសន៍ និងច្បាប់ស្តីពីសញ្ជាតិ កម្មកររោងចក្រជិត ១០០ នាក់ដួលសន្លប់ជាបន្តបន្ទាប់ក្នុងតំបន់សេដ្ឋកិច្ចពិសេសកោះកុង ពលរដ្ឋម្នាក់ត្រូវបានបាញ់ស្លាប់នៅពេលនគរបាលចុះបង្ក្រាបសង្វៀនជល់មាន់ សមត្ថកិច្ចរកឃើញឈើក្រញូងរាប់ពាន់ដុំ បង្កប់ក្នុងស៊ីទែនរថយន្តដឹកសាំង អគ្គិភ័យឆាបឆេះអស់ផ្ទះ៤ខ្នងនៅសង្កាត់ព្រែកប្រា ដំរីព្រៃមួយក្បាលឆ្លងដែន ជាន់ស្រ្តីម្នាក់ឲ្យរបួសធ្ងន់នៅភ្នំព្រឹក កូនប្រសារសម្ដេច ហ៊ុន សែន ត្រូវបានតែងតាំងជាអគ្គស្នងការរង ស្ករត្នោតជាច្រើនតោនសង្ស័យថាមានសាធាតុគីមី ជនជាតិចិន ១២នាក់ត្រូវបានឃាត់ខ្លួនពីបទលួចឆ្លងដែន និងស្នាក់នៅធ្វើខុសច្បាប់ យ៉ាងហោចណាស់ផ្ទះ ១៦ ខ្នងត្រូវបានឆាប់ឆេះនៅសង្កាត់ទឹកថ្លា បុរស ៣ នាក់ត្រូវបានកាប់ឲ្យរងរបួសក្នុងទំនាស់វង់ផឹកស៊ី មនុស្ស ១០នាក់ស្លាប់ និង១៥នាក់រងរបួសធ្ងន់ ស្រាលដោយគ្រោះថ្នាក់ចរាចរណ៍ កម្មករ ៥៥ រងរបួសធ្ងន់ស្រាលដោយសារគ្រោះថ្នាក់ចរាចរណ៍នៅកំពង់ស្ពឺ ស្នងការរាជធានីភ្នំពេញ ប្រកាសចាត់វិធានការក្តៅចំពោះការប្រើប្រាស់អាវុធដោយខុសច្បាប់ សម្តេច ហ៊ុន សែន បញ្ជាអោយសមត្ថកិច្ចបង្កើនការរក្សាសន្តិសុខនៅថ្ងៃចូលឆ្នាំសកល ស្នងការនគរបាលរាជធានីភ្នំពេញនឹងប្រើប្រាស់កម្លាំងអន្តរាគមន៍ពិសេសដើម្បីធ្វើការរឹតបន្តឹងច្បាប់ចរាចរណ៍ រដ្ឋមន្រ្តីក្រសួងដែនដី៖ រាល់ផ្ទាំងគំនូរសំណង់ត្រូវសរសេរអក្សរខ្មែរធំជាងអក្សរបរទេស