កម្មករចំនួន ៥៥ នាក់បានរងរបួសធ្ងន់ និងស្រាល ក្នុងហេតុការណ៍គ្រោះថ្នាក់ចរាចរណ៍មួយនៅខេត្តកំពង់ស្ពឺកាលពីល្ងាចម្សិលមិញ។
តាមគេហទំព័រអគ្គស្នងការនគរបាលជាតិបានឲ្យដឹងថារថយន្តដឹកម្មករមួយគ្រឿងវ៉ាងជែងគ្នាក្នុងស្ថានភាពគ្រោះ ថ្នាក់បណ្តាលឲ្យជួបគ្រោះថ្នាក់ចរាចរណ៍ក្រឡាប់ដោយខ្លួនឯងធ្វើឲ្យកម្មករ ៥៥នាក់របួសធ្ងន់ស្រាល នៅថ្ងៃទី៩ ខែមករា ម្សិលមិញ។
អគ្គស្នងការនគរបាលជាតិបានបន្ថែមថាហេតុការនេះបានកើតឡើងកាលពីវេលាម៉ោង១៦និង៥០នាទី នៅលើផ្លូវជាតិលេខ៥១ ចន្លោះគីឡូម៉ែត្រលេខ១៦-១៧ នៅក្នុងភូមិតាឡាក់ ឃុំក្សេមក្សាន្ត ស្រុកឧដុង្គ ខេត្តកំពង់ស្ពឺ។
អគ្គស្នងការនគរបាលជាតិបានដកស្រងសំដីលោក តាប់ លន ស្នងការរងខេត្តកំពង់ស្ពឺថាមុនពេលកើតហេតុមានរថយន្តដឹកកម្មករមួយគ្រឿង ម៉ាក HYUNDAI PORTER ពណ៌ សពាក់ស្លាកលេខ កំពង់ស្ពឺ 2A-4216 ធ្វើដំណើរក្នុងទិសដៅពីត្បូងទៅជើង ដឹកកម្មករចំនួន ៥៥នាក់ (ប្រុស ២នាក់) លុះមកដល់ចំណុចខាងលើ បានវ៉ាប្រជែងរថយន្តមួយគ្រឿងដែលកំពុងធ្វើដំណើរស្របទិសគ្នាហើយបានក្រឡាប់គ្រោះថ្នាក់ដោយខ្លួនឯងនឹងបណ្តាលឲ្យរបួសមនុស្សចំនួន ៥៥នាក់ (ប្រុស២នាក់) ក្នុងនោះរបួសធ្ងន់៤នាក់ (ប្រុសម្នាក់)។
អគ្គស្នងការនគរបាលជាតិបន្តថាក្រោយកើតហេតុកម្លាំងមូលដ្ឋានបានចុះដល់កន្លែងកើតហេតុនិងបានបញ្ជូនជនរងគ្រោះទៅសង្គ្រោះនៅមន្ទីរ និងបានយករថយន្តពាក់ព័ន្ធមករក្សាទុកនៅអធិការដ្ឋានដើម្បីដោះស្រាយតាមផ្លូវច្បាប់ ៕
ព័ត៌មានផ្សេងទៀត
មនុស្ស ១០នាក់ស្លាប់ និង១៥នាក់រងរបួសធ្ងន់ ស្រាលដោយគ្រោះថ្នាក់ចរាចរណ៍
ឃាត់ខ្លួនមនុស្ស១៩នាក់ បន្ទាប់ពីក្លែងបន្លំធ្វើជាសង្ឃដើរបិណ្ឌបាត្រតាមទីផ្សារនៅខេត្តសៀមរាប
ស្នងការរាជធានីភ្នំពេញ ប្រកាសចាត់វិធានការក្តៅចំពោះការប្រើប្រាស់អាវុធដោយខុសច្បាប់
សម្តេច ហ៊ុន សែន បញ្ជាអោយសមត្ថកិច្ចបង្កើនការរក្សាសន្តិសុខនៅថ្ងៃចូលឆ្នាំសកល
ស្នងការនគរបាលរាជធានីភ្នំពេញនឹងប្រើប្រាស់កម្លាំងអន្តរាគមន៍ពិសេសដើម្បីធ្វើការរឹតបន្តឹងច្បាប់ចរាចរណ៍
រដ្ឋមន្រ្តីក្រសួងដែនដី៖ រាល់ផ្ទាំងគំនូរសំណង់ត្រូវសរសេរអក្សរខ្មែរធំជាងអក្សរបរទេស
ក្រុង/ខណ្ឌចំនួន៣៨តម្រូវឱ្យមានបង្គន់សាធារណៈស្របតាមស្ដង់ដារត្រឹមឆ្នាំ2017
ក្រុង/ខណ្ឌចំនួន៣៨តម្រូវឱ្យមានបង្គន់សាធារណៈស្របតាមស្ដង់ដារត្រឹមឆ្នាំ2017