ស្នងការនគរបាលរាជធានីភ្នំពេញនឹងប្រើប្រាស់កម្លាំងអន្តរាគមន៍ពិសេសដើម្បីធ្វើការរឹតបន្តឹងច្បាប់ចរាចរណ៍

(ភ្នំពេញ)៖ នាយឧត្តមសេនីយ៍ ជួន សុវណ្ណ អគ្គស្នងការរង និងជាស្នងការនគរបាលរាជធានីភ្នំពេញ បានប្រកាសថា ស្នងការនគរបាលរាជធានីភ្នំពេញ នឹងប្រើប្រាស់កងកម្លាំង អន្តរាគមន៍ពិសេសធ្វើការចល័តក្នុងភូមិសាស្រ្តរាជធានីភ្នំពេញដើម្បីចូលរួមរឹតបណ្តឹងច្បាប់ចរាចរណ៍ផ្លូវគោកជាមួយនឹងមន្រ្តីនគរបាលចរាចរណ៍។

ប្រាប់ក្រុមអ្នកសារព័ត៌មានកាលពីថ្ងៃទី២៩ ខែធ្នូ នាយឧត្តមសេនីយ៍ ជួន សុវណ្ណ បានឲ្យដឹងថា កងកម្លាំងអន្តរាគមន៍ពិសេសនេះ នឹងត្រូវបែងចែកជា១៦ក្រុម ក្នុងការអនុវត្តរឹតបន្តឹងច្បាប់ចរាចរណ៍ ដោយក្នុងនោះមានការត្រួតពិនិត្យចំពោះម៉ូតូមិនមានស្លាកលេខ រថយន្ត មិនមានស្លាកលេខ និងជាពិសេសបើកបរម៉ូតូមិនពាក់មូកសុវត្ថិភាព។ នាយឧត្តមសេនីយ៍ ជួន សុវណ្ណ ថា ការងារនេះនឹងចាប់ផ្តើមអនុវត្តន៍នៅដើមឆ្នាំ២០១៨ខាងមុខនេះ។

នាយឧត្តមសេនីយ៍ ជួន សុវណ្ណ បន្តថា ដោយឡែកនៅពេលយប់វិញ កម្លាំងអន្តរាគមន៍ពិសេសនេះ ក៏នឹងចុះអនុវត្តន៍ធ្វើការរួមត្រួតពិនិត្យចំពោះអ្នកបើកបររថយន្ត ដែលឋិតនៅក្រោមឥទ្ធិពលនៃគ្រឿងស្រវឹងផងដែរ។

គួររំលឹកថា សម្តេច ស ខេង ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃ កាលពីថ្ងៃទី២៨ ខែធ្នូ ឆ្នាំ២០១៧ បានធ្វើការអំពាវនាវដល់សមត្ថកិច្ចទាំងអស់ ត្រូវតែរួមគ្នារឹតបន្តឹងចំពោះអ្នកជិះម៉ូតូគ្មានមួកសុវត្ថិភាពបន្ថែមទៀត ខណៈអត្រាគ្រោះថ្នាក់ចរាចរណ៍ដោយគ្មានមួកសុវត្ថិភាពមានការកើនឡើងគួរឲ្យព្រួយបារម្ភនោះ។

ក្នុងពិធីបិទមហាសន្និបាតសមាគមមិត្តនគរបាលជាតិកម្ពុជា អាណត្តិទី៤ នៅថ្ងៃទី២៨ ខែធ្នូ នេះ សម្តេច ស ខេង បានអោយដឹងថា អត្រាគ្រោះថ្នាក់ចរាចរណ៍នាពេលបច្ចុប្បន្នគឺមានការកើនឡើងជាបន្តបន្ទាប់ ហើយអ្នកដែលគ្រោះថ្នាក់ដល់ជីវិតច្រើនជាងគេនោះ គឺអ្នកដែលជិះម៉ូតូដោយគ្មានពាក់មួកសុវត្ថិភាពពោលគឺរហូតដល់៧៨ភាគរយ។

ឆ្លើយតបទៅនឹងបញ្ហាប្រឈមនេះ សម្តេចបានអំពាវនាវដល់សមត្ថកិច្ចគ្រប់អង្គភាពទាំងអស់ ត្រូវតែរឹតបន្តឹងបន្ថែមទៀត ដើម្បីធ្វើយ៉ាងណាឲ្យអត្រាគ្រោះថ្នាក់ចរាចណ៍នេះធ្លាក់មកនូវតិចតួចបំផុត ។ ប៉ុន្តែទន្ទឹមនឹងការរឹតបន្តឹងនេះដែរ សមត្ថកិច្ចទាំងអស់ក៏ត្រូវតែប្រកាន់ឥរិយាបទម៉ឺងម៉ាត់ តែទន់ភ្លន់ ជៀសវាងការថ្នាំងថ្នាក់ពីប្រជាពលរដ្ឋ៕

ព័ត៌មានផ្សេងទៀត

ខឹងសុំលុយម្ដាយមិនបានបុរសម្នាក់ដុតផ្ទះ មន្រ្តីព្រំដែនផ្ទុះអាវុធបណ្ដាលឲ្យមនុស្ស ៣នាក់ស្លាប់ រដ្ឋាភិបាលគ្រោងធ្វើវិសោធនកម្មច្បាប់ស្តីពីអន្តោប្រវេសន៍ និងច្បាប់ស្តីពីសញ្ជាតិ ពលរដ្ឋម្នាក់ត្រូវបានបាញ់ស្លាប់នៅពេលនគរបាលចុះបង្ក្រាបសង្វៀនជល់មាន់ ជនជាតិចិន ១២នាក់ត្រូវបានឃាត់ខ្លួនពីបទលួចឆ្លងដែន និងស្នាក់នៅធ្វើខុសច្បាប់ បុរស ៣ នាក់ត្រូវបានកាប់ឲ្យរងរបួសក្នុងទំនាស់វង់ផឹកស៊ី មនុស្ស ១០នាក់ស្លាប់ និង១៥នាក់រងរបួសធ្ងន់ ស្រាលដោយគ្រោះថ្នាក់ចរាចរណ៍ ចិនត្រៀមថវិកាជាង២រយលានដុល្លារសហរដ្ឋអាមេរិក សម្រាប់គម្រោងតូច-ធំ នៅកម្ពុជា កម្ពុជា-ចិន ចុះកិច្ចព្រមព្រៀងជាមួយគ្នាលើគម្រោងបាញ់បង្ហោះផ្កាយរណប កម្មករ ៥៥ រងរបួសធ្ងន់ស្រាលដោយសារគ្រោះថ្នាក់ចរាចរណ៍នៅកំពង់ស្ពឺ អាកាសធាតុនៅកម្ពុជា នឹងចុះត្រជាក់នៅថ្ងៃទី១០ ខែមករាខាងមុខនេះ ស្នងការរាជធានីភ្នំពេញ ប្រកាសចាត់វិធានការក្តៅចំពោះការប្រើប្រាស់អាវុធដោយខុសច្បាប់ សម្តេច ហ៊ុន សែន បញ្ជាអោយសមត្ថកិច្ចបង្កើនការរក្សាសន្តិសុខនៅថ្ងៃចូលឆ្នាំសកល រដ្ឋមន្រ្តីក្រសួងដែនដី៖ រាល់ផ្ទាំងគំនូរសំណង់ត្រូវសរសេរអក្សរខ្មែរធំជាងអក្សរបរទេស ទិន្នផលនេសាទបង្កងទឹកសាបនៅខេត្តតាកែវ កើនឡើងជិត២០ភាគរយ ក្នុងឆ្នាំ២០១៧នេះ សាលារាជធានីភ្នំពេញគ្រោងសាងសង់ទីតាំងចំនួន៦ សម្រាប់ធ្វើស្ថានីយ៍អ្នកដំណើរសេវាដឹកជញ្ជូនផ្លូវទឹកតាមដងទន្លេ ជប៉ុន ថា ឆ្នាំ២០១៧នេះ ទំនាក់ទំនងរវាងជប៉ុន និងកម្ពុជា គឺមានការវិឌ្ឍន៍លើគ្រប់វិស័យ អ្នកនាំពាក្យ​​គណបក្ស​ប្រជាជន​​ថា ការដោះស្រាយ​​បញ្ហា​ព្រំដែន ​មិនមែន​​ដើម្បី​​ប្រជាប្រិយ​ទេ​​ ក្រុង​/​ខណ្ឌ​ចំនួន​​៣៨​តម្រូវឱ្យ​មាន​បង្គន់​​សាធារណៈ​​ស្របតាម​​ស្ដង់ដារ​ត្រឹម​​ឆ្នាំ2017 ក្រុង​/​ខណ្ឌ​ចំនួន​​៣៨​តម្រូវឱ្យ​មាន​បង្គន់​​សាធារណៈ​​ស្របតាម​​ស្ដង់ដារ​ត្រឹម​​ឆ្នាំ2017