ស្នងការរាជធានីភ្នំពេញ ប្រកាសចាត់វិធានការក្តៅចំពោះការប្រើប្រាស់អាវុធដោយខុសច្បាប់

(ភ្នំពេញ)៖ ស្នងការនគរបាលរាជធានីភ្នំពេញ បានអះអាងថា ក្នុងឆ្នាំ២០១៨ខាងមុខនេះ សមត្ថកិច្ចនឹងធ្វើការរឹតបន្តឹងចំពោះការប្រើប្រាស់អាវុធដោយធ្វើការដកពីសមត្ថកិច្ចណាដែលប្រើប្រាស់ខុសម៉ោងបំពេញបេសកកម្ម និងគ្មានភារកិច្ចនាំយកអាវុធតាមខ្លួន ដើម្បីធានាសន្តិសុខសណ្តាប់ធ្នាប់នៅរាជធានីភ្នំពេញ។

ប្រាប់ក្រុមអ្នកសារព័ត៌មានកាលពីថ្ងៃទី២៩ ខែធ្នូម្សិលមិញនេះ នាយឧត្តមសេនីយ៍ ជួន សុវណ្ណ អគ្គស្នងការរង និងជាស្នងការនគរបាលរាជធានីភ្នំពេញ បានឲ្យដឹងថា វិធានការរឹត បន្តឹងអាវុធនេះ គឺបានទទួលការឯកភាពពីសម្តេច ស ខេង ឧបនាយករដ្ឋមន្រ្តី និងជារដ្ឋមន្រ្តី និងអភិបាលរាជធានីភ្នំពេញរួចហើយ មានន័យថា អ្នកដែលមិនមានសិទ្ធិក្នុងការនាំយកអាវុធតាមខ្លួននោះនឹងត្រូវបានដកហូត។

ជាមួយគ្នានេះ នាយឧត្តមសេនីយ៍ ជួន សុវណ្ណ បានអំពាវនាវអោយកងកម្លាំងសមត្ថកិច្ចទាំងអស់ដែលគ្មានសិទ្ធិប្រើប្រាស់អាវុធយកតាមខ្លួន នៅពេលចប់បេសកកម្មរបស់ខ្លួនប្រចាំថ្ងៃរួចហើយនោះ ត្រូវទុកនៅក្នុងអង្គភាពដើម្បីវិញ ដោយចាំនៅពេលចេញប្រតិបត្តិការទើប យកមកប្រើប្រាស់វិញ។

ការប្រកាសចាត់វិធានការក្តៅរបស់ស្នងការនគរបាលរាជធានីភ្នំពេញនេះ គឺធ្វើឡើងបន្ទាប់ពីមានករណីនៃការបាញ់បោះ និងផ្ទុះអាវុធដោយសេរីពីសំណាក់ជនមួយចំនួនដែលគ្មានសិទ្ធិក្នុងការយកអាវុធតាមខ្លួន និងខុសម៉ោងបំពេញ ការងារ បង្កគ្រោះថ្នាក់ដល់ប្រជាពលរដ្ឋ ដែលធ្វើអោយមហាជនរិះគន់ជាខ្លាំង។

ដោយឡែកនៅពេលដែលមានការប្រើប្រាស់អាវុធខុសម៉ោងរដ្ឋបាល និងក្រៅបេសកកម្មនោះ នៅពេលដែលសមត្ថកិច្ចធ្វើការត្រួតពិនិត្យរកឃើញ នឹងធ្វើការដកហូតតែម្តង។ នេះគឺជាការបញ្ជាក់របស់នាយឧត្តមសេនីយ៍ ជួន សុវណ្ណ៕

ព័ត៌មានផ្សេងទៀត

រដ្ឋាភិបាលគ្រោងធ្វើវិសោធនកម្មច្បាប់ស្តីពីអន្តោប្រវេសន៍ និងច្បាប់ស្តីពីសញ្ជាតិ ពលរដ្ឋម្នាក់ត្រូវបានបាញ់ស្លាប់នៅពេលនគរបាលចុះបង្ក្រាបសង្វៀនជល់មាន់ ជនជាតិចិន ១២នាក់ត្រូវបានឃាត់ខ្លួនពីបទលួចឆ្លងដែន និងស្នាក់នៅធ្វើខុសច្បាប់ យ៉ាងហោចណាស់ផ្ទះ ១៦ ខ្នងត្រូវបានឆាប់ឆេះនៅសង្កាត់ទឹកថ្លា បុរស ៣ នាក់ត្រូវបានកាប់ឲ្យរងរបួសក្នុងទំនាស់វង់ផឹកស៊ី មនុស្ស ១០នាក់ស្លាប់ និង១៥នាក់រងរបួសធ្ងន់ ស្រាលដោយគ្រោះថ្នាក់ចរាចរណ៍ ចិនត្រៀមថវិកាជាង២រយលានដុល្លារសហរដ្ឋអាមេរិក សម្រាប់គម្រោងតូច-ធំ នៅកម្ពុជា កម្ពុជា-ចិន ចុះកិច្ចព្រមព្រៀងជាមួយគ្នាលើគម្រោងបាញ់បង្ហោះផ្កាយរណប កម្មករ ៥៥ រងរបួសធ្ងន់ស្រាលដោយសារគ្រោះថ្នាក់ចរាចរណ៍នៅកំពង់ស្ពឺ អាកាសធាតុនៅកម្ពុជា នឹងចុះត្រជាក់នៅថ្ងៃទី១០ ខែមករាខាងមុខនេះ សម្តេច ហ៊ុន សែន បញ្ជាអោយសមត្ថកិច្ចបង្កើនការរក្សាសន្តិសុខនៅថ្ងៃចូលឆ្នាំសកល លោក ខៀវ សុភ័គ៖ សម្តេច ហ៊ុន សែន ឯកភាពអោយក្រសួងមហាផ្ទៃរៀបចំមាត្រាច្បាប់បន្ថែមដើម្បីដាក់ទោសអ្នកប្រមាថព្រះមហាក្សត្រ ស្នងការនគរបាលរាជធានីភ្នំពេញនឹងប្រើប្រាស់កម្លាំងអន្តរាគមន៍ពិសេសដើម្បីធ្វើការរឹតបន្តឹងច្បាប់ចរាចរណ៍ រដ្ឋមន្រ្តីក្រសួងដែនដី៖ រាល់ផ្ទាំងគំនូរសំណង់ត្រូវសរសេរអក្សរខ្មែរធំជាងអក្សរបរទេស ទិន្នផលនេសាទបង្កងទឹកសាបនៅខេត្តតាកែវ កើនឡើងជិត២០ភាគរយ ក្នុងឆ្នាំ២០១៧នេះ សាលារាជធានីភ្នំពេញគ្រោងសាងសង់ទីតាំងចំនួន៦ សម្រាប់ធ្វើស្ថានីយ៍អ្នកដំណើរសេវាដឹកជញ្ជូនផ្លូវទឹកតាមដងទន្លេ ជប៉ុន ថា ឆ្នាំ២០១៧នេះ ទំនាក់ទំនងរវាងជប៉ុន និងកម្ពុជា គឺមានការវិឌ្ឍន៍លើគ្រប់វិស័យ អ្នកនាំពាក្យ​​គណបក្ស​ប្រជាជន​​ថា ការដោះស្រាយ​​បញ្ហា​ព្រំដែន ​មិនមែន​​ដើម្បី​​ប្រជាប្រិយ​ទេ​​ ក្រុង​/​ខណ្ឌ​ចំនួន​​៣៨​តម្រូវឱ្យ​មាន​បង្គន់​​សាធារណៈ​​ស្របតាម​​ស្ដង់ដារ​ត្រឹម​​ឆ្នាំ2017 ក្រុង​/​ខណ្ឌ​ចំនួន​​៣៨​តម្រូវឱ្យ​មាន​បង្គន់​​សាធារណៈ​​ស្របតាម​​ស្ដង់ដារ​ត្រឹម​​ឆ្នាំ2017