ក្រសួងមហាផ្ទៃថាពលករចំណាកស្រុកទៅថៃជាង ៤០ភាគរយខុសច្បាប់

ក្រសួងមហាផ្ទៃបានឲ្យដឹងថាពលករចំណាកស្រុកទៅធ្វើការនៅប្រទេសថៃចំនួនជាងមួយលាននាក់មានពលករជាង ៤០ ភាគរយពុំទាន់មាន​លិខិតស្នាមនៅប្រទេសខ្លួនឯងត្រឹមត្រូវនៅឡើយ។

នេះតាមការចុះផ្សាយរបស់អគ្គស្នងការនគរបាលជាតិនៅថ្ងៃទី ២២ ខែ មករានេះដោយបានដកស្រង់សំដី​រដ្ឋ​លេខា​ធិកា​រ​​ក្រ​សួង​​មហាផ្ទៃលោក ព្រំ សុខា ដែលបានថ្លែងនៅក្នុង​ពិធីបើកសន្និបាតបូកសរុបលទ្ឋផលការងារ​អត្តសញ្ញាណកម្ម​ឆ្នាំ២០១៤ ដល់ឆ្នាំ២០១៧។

លោក ព្រំ សុខា បានអះអាងថា នាពេលបច្ចុប្បន្ននេះមានពលករខ្មែរប្រមាណជាងមួយ លាននាក់ នៅប្រទេស ថៃ ហើយ​ក្នុងនោះពលករខ្មែរដែលមានលិខិតធ្វើដំណើរត្រឹមតែ ៣៩៧.៨៣៨ក្បាលប៉ុណ្ណោះ ចំណែកជាង ៤០ ភាគរយ ទៀត​ពុំទាន់មានលិខិតស្នាមនៅប្រទេសខ្លួនឯងត្រឹមត្រូវនៅឡើយ ។

លោកព្រំ សុខា អះអាងថា៖ « នាពេលបច្ចុប្បន្ននេះពលករខ្មែរដែលកំពុងធ្វើការនៅប្រទេសថៃ ហើយពុំទាន់​មាន​លិខិត​ស្មាមត្រឹមត្រូវ ជាង ៤០ភាគរយ ក្នុងចំណោមពលករប្រមាណជាងមួយលាននាក់នោះ ។ តែយ៉ាងណាក្តីរាជ​រដ្ឋាភិបាល​នៅពីក្រោយខ្នងពួកគេជានិច្ច រាជ រដ្ឋាភិបាល ការពារសិទ្ធិរបស់ពួកគេជានិច្ច ហើយរាជរដ្ឋាភិបាលនឹង​ខិតខំ​ធ្វើយ៉ាងណាឲ្យពួកគេធ្វើការដោយស្របច្បាប់ និងមានលិខិត ស្មាម​ត្រឹមត្រូវផងដែរ » ។

ការចុះផ្សាយដដែលបន្តថាបើយោងតាមអគ្គនាយក នៃអគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ បាន​លើក​ឡើងថា ចាប់ពីឆ្នាំ២០១៤ រហូតដល់ឆ្នាំ២០១៧នេះ ក្រសួងមហាផ្ទៃបានផ្តល់លិខិតឆ្លងដែន​ដល់​ពលរដ្ឋ​ខ្មែរ​​ប្រ​មាណ១.០៨២.៩១៦នាក់ និង​លិខិត​ធ្វើដំណើរជូនពលករកម្ពុជាទៅធ្វើការនៅបរទេស​ចំនួន​៣៩៧.៨៣៨​នាក់។

ការចុះផ្សាយនោះក៏លើកឡើងដែរថាដើម្បីផ្តល់ភាពងាយស្រួលដល់បងប្អូនប្រជាពលរដ្ឋខ្មែរបន្ថែមទៀត ក្រ​សួង​​មហាផ្ទៃ បាននឹងកំពុងរៀបចំបើកកន្លែងផ្តល់លិខិតឆ្លងដែនចំនួនបួនកន្លែងទៀត ដូចជានៅ​ខេត្តបាត់​ដំបង ខេត្តបន្ទាយមានជ័យ ខេត្តកោះកុង និងផ្សារអ៊ីអនទី២៕

ព័ត៌មានផ្សេងទៀត

ពលរដ្ឋម្នាក់ត្រូវបានបាញ់ស្លាប់នៅពេលនគរបាលចុះបង្ក្រាបសង្វៀនជល់មាន់ សមត្ថកិច្ចរកឃើញឈើក្រញូងរាប់ពាន់ដុំ បង្កប់ក្នុងស៊ីទែនរថយន្តដឹកសាំង រដ្ឋាភិបាល​ដាក់​ចេញ​ផ្សព្វផ្សាយ​នូវ​គោល​នយោបាយ​មនុស្ស​ចាស់​ឆ្នាំ​ ២០១៧-២០៣០ ជនជាតិចិន ១២នាក់ត្រូវបានឃាត់ខ្លួនពីបទលួចឆ្លងដែន និងស្នាក់នៅធ្វើខុសច្បាប់ សម្ដេច ស ខេង ស្នើរជប៉ុនឲ្យបន្តទទួលយកពលករជំនាញទៅធ្វើការ បេក្ខជន​ជិត​ ៤​ពាន់នាក់​ប្រលង ខណៈការជ្រើសរើសមន្ដ្រីក្របខ័ណ្ឌពន្ធនាគារតែ ៣៥០នាក់ មនុស្ស ១០នាក់ស្លាប់ និង១៥នាក់រងរបួសធ្ងន់ ស្រាលដោយគ្រោះថ្នាក់ចរាចរណ៍ សីតុណ្ហភាពចុះត្រជាក់ខ្លាំងដល់ ១៣ និង ១៥ អង្សា ពលករខ្មែរនៅក្រៅប្រទេស បានផ្ញើប្រាក់ឲ្យគ្រួសារប្រមាណជា៣៨០០លាន ដុល្លារក្នុងមួយឆ្នាំៗ អាកាសធាតុនៅកម្ពុជា នឹងចុះត្រជាក់នៅថ្ងៃទី១០ ខែមករាខាងមុខនេះ សម្រាប់ឆ្នាំ២០១៧នេះ មជ្ឈមណ្ឌលជាតិផ្តល់ឈាមទទួលបានការបរិច្ចាកឈាមពីវិស័យឯកជនចំនួន ២០ភាគរយប៉ុណ្ណោះ ទិន្នផលនេសាទបង្កងទឹកសាបនៅខេត្តតាកែវ កើនឡើងជិត២០ភាគរយ ក្នុងឆ្នាំ២០១៧នេះ សាលារាជធានីភ្នំពេញគ្រោងសាងសង់ទីតាំងចំនួន៦ សម្រាប់ធ្វើស្ថានីយ៍អ្នកដំណើរសេវាដឹកជញ្ជូនផ្លូវទឹកតាមដងទន្លេ EDC បង្កើតប្រព័ន្ធទូរស័ព្ទពិសេស ១២៩៨ ដើម្បីដោះស្រាយបញ្ហាដល់អ្នកប្រើប្រាស់ ភ្លៀងនឹងធ្លាក់ក្នុងក្របខណ្ឌទូទាំងប្រទេសចាប់ពីថ្ងៃទី២៦ ធ្នូខាងមុខនេះតទៅ ធនាគារពិភពលោក៖ ការរីកចម្រើនដ៏ឆាប់រហ័សនៃរាជធានីភ្នំពេញ បានចូលរួមបង្កើតការងារ និងកាត់បន្ថយភាពក្រីក្រ ម្ចាស់ជ័យលាភីធ្វើឡូហ្គោខួបអនុស្សាវរីយ៍៦៥ឆ្នាំនៃទំនាក់ទំនងមិត្តភាពជប៉ុន-កម្ពុជា គឺបានទៅលើអ្នកសៀមរាប រដ្ឋមន្រ្តីក្រសួងព័ត៌មានហាមមិនអោយវិទ្យុ ទូរទស្សន៍ក្នុងស្រុកទាំងអស់ចាក់ផ្សាយ​ចម្រៀង​«គ្រូបង្រៀនស្រវឹងស្រា»របស់ផលិតកម្មថោន ចាប់ពីថ្ងៃទី១៨ ធ្នូខាងមុខនេះតទៅ អាកាសធាតុនឹងចុះត្រជាក់ខ្លាំងនៅតាមតំបន់ និងខេត្តមួយចំនួនរបស់កម្ពុជា របាយការណ៍ក្រសួងសាធារណការ៖ រថយន្តដឹកលើសទម្ងន់ជាង៣០០គ្រឿង ចាប់បានក្នុងខែ វិច្ឆិកា ឆ្នាំ២០១៧