បេក្ខជនដែលបានប្រលងចូលបម្រើការងារនៅក្នុងក្របខ័ណ្ឌមន្រ្តីពន្ធនាគាសម្រាប់ឆ្នាំ ២០១៧ មានរហូតដល់ទៅជិត ៤ពាន់នាក់ ខណៈដែលការជ្រើសរើសយកត្រឹមតែចំនួន ៣៥០នាក់ប៉ុនណោះ។
ក្នុងលិខិតរបស់លោក ប៉ាវ ហមផាន រដ្ឋលេខាធិការក្រសួងមហាផ្ទៃ និងជាប្រធានគណៈកម្មការកណ្ដាលរៀបចំការប្រឡងនៅថ្ងៃទី ១៤ ខែ មករានេះបានឲ្យដឹងថាការប្រលងជ្រើសរើស បេក្ខជន បេក្ខនារី ចំនួន ៣៥០នាក់ ឲ្យចូលបម្រើការក្នុងក្របខ័ណ្ឌមន្រ្តីពន្ធនាគាទាំង ៩ ទូទាំងប្រទេស ហើយបេក្ខជនដែលបានចូលប្រលងមានរហូតទៅដល់៣,៧៥៧នាក់។
ក្នុងលិខិតដដែលនោះបន្តថាមន្ដ្រីក្របខ័ណ្ឌពន្ធនាគារនៃក្រសួងមហាផ្ទៃ ដែលត្រូវជ្រើសរើសសម្រាប់ឆ្នាំ២០១៧ នឹងត្រូវបំពេញឲ្យចូលបម្រើការងារនៅ មណ្ឌលអប់រំកែប្រែទី១, ទី២, ទី៣, ទី៤, ពន្ធនាគារខេត្តកណ្ដាល, ខេត្តកំពង់ចាម, ខេត្តបាត់ដំបង, ខេត្តសៀមរាប និងខេត្តបន្ទាយមានជ័យ។
លិខិតដដែលនោះបន្ថែថាការប្រលងមានមុខវិជ្ជាដូចជា វិញ្ញាសារចំណេះដឹងទូទៅ, ចំណេះដឹង លើវិស័យពន្ធនាគារ និងគណិតវិជ្ជា ហើយវិជ្ជាសារទី២ តែងសេចក្ដី ឬការសរសេរលិខិតរដ្ឋបាល៕