បុរសម្នាក់ដែលជាអ្នកនេសាទត្រូវបានរន្ទះបាញ់បណ្ដាលឲ្យស្លាប់នៅលើទូកក្នុងខេត្តកោះកុងកាលពីម្សិលមិញ។
បើតាមការចុះផ្សាយរបស់អគ្គស្នងការនគរបាលជាតិបានឲ្យដឹងថានៅថ្ងៃទី២៩ ខែមករា វេលាម៉ោង១២និង២០ថ្ងៃត្រង់ មានករណីរន្ទះបាញ់មួយបណ្ដាឲ្យមនុស្សម្នាក់ស្លាប់នៅលើទូក នៅចំណុចព្រែកពយពេច ស្ថិតក្នុងភូមិ កំពង់ស្តាំ ឃុំជ្រោយស្វាយ ស្រុកស្រែអំបិល ។
តាមការចុះផ្សាយដដែលបានឲ្យដឹងថាជនរងគ្រោះឈ្មោះ សិង្ហ ហឿន ភេទប្រុស អាយុ៤៩ឆ្នាំ មុខរបរ នេសាទ និង ជាអនុប្រធានប្រជាការពារ ត្រូវបានរន្ទះបាញ់ស្លាប់ពេលបើកទូកទៅលើកលបក្តាមពេលមេឃកំពុងភ្លៀងជាមួយកូនចំនួន ២នាក់។
តាមការចុះផ្សាយដដែលបានឲ្យដឹងថាក្រោយពេលកម្លាំងជំនាញធ្វើកោសល្យវិច្ច័យរួច សាកសពសមត្ថកិច្ចបានប្រគល់ជូនក្រុមគ្រួសារ រៀបចំធ្វើបុណ្យតាមប្រពៃណី ៕