សមត្ថកិច្ចបានចុះអនុវត្តច្បាប់បង្រ្កាបបទល្មើសនេសាទខុសច្បាប់ ចាប់ព្រួលស្បៃ និង លូស្បៃរាប់រយម៉ែត្រនៅកំពុងចាម។
អគ្គស្នងការនគរបាលជាតិបានចុះផ្សាយឲ្យដឹងថាកាលពីថ្ងៃទី២៨ ខែមករា ឆ្នាំ២០១៨ ក្រោយទទួលបានព័ត៌មានអំពីបទល្មើសនេសាទ ខុសច្បាប់ លោកឧត្តមសេនីយ៍ត្រី ឯម កុសល បានឲ្យលោកអធិការនគរបាលស្រុកស្ទឹងត្រង់ និងកំលាំងប៉ុស្តិ៍ នគរបាលរដ្ឋបាលទួលព្រះឃ្លាំង និងជំនាញជលផលខេត្ត ចុះបង្ក្រាប បទល្មើសនេសាទខុសច្បាប់ នៅចំណុចខ្នាច ស្ថិតក្នុងឃុំ ទួលព្រះឃ្លាំង ស្រុកស្ទឹងត្រង់។
តាមការចុះផ្សាយដដែលឲ្យដឹងថាក្រោយចុះបង្រ្កាបសមត្ថកិច្ចចាប់បានលូស្បៃមុងចំនួន ៥២ ព្រួលស្បៃ ប្រវែង ១៥៦៥ម៉ែត្រ បង្គោលឬស្សីចំនួន៧៨២ដើម។
ការចុះផ្សាយដដែលបានឲ្យដឹងថាសមត្ថកិច្ចបានយកសម្ភារៈជាវត្ថុតាងទាំងនោះទៅដុតកំទេចចោលនៅហ្នឹងកន្លែង ចំណែក កូនត្រីចំរុះចំនួន ៨២ គីឡូក្រាមត្រូវបានចាក់លែងទៅវិញ៕