អគ្គិភ័យកើតឡើងចំនួន ៥១៤លើក សម្លាប់មនុស្ស ២២នាក់

អគ្គិភ័យបានកើតឡើងចំនួន ៥១៤ លើកនៅក្នុងឆ្នាំ ២០១៧ សម្លាប់មនុស្សអស់ ២២នាក់ (ស្រី១៣នាក់) និង​បង្ករ​បួសមនុស្ស ១២៨នាក់ តែចំនួននេះបានថយចុះរហូតដល់ ១៩ ភាគរយ បើ​ប្រៀប​ធៀបករណីអគ្គិភ័យកើត​ឡើងកាលពីឆ្នាំ ២០១៦។

នេះបើតាមការចុះផ្សាយរបស់អគ្គស្នងការនគរបាលជាតិកាលពីថ្ងៃទី ១៨ ខែ មករា ម្សិលមិញ ក្នុងពីធី​ប្រជុំ​ផ្សព្វ​ផ្សាយ​​​លិខិតបទដ្ឋានគតិយុត្តិ ផែនការយុទ្ធសាស្រ្តរយៈពេល ៣ឆ្នាំ (២០១៨-២០២០) របស់នាយក​ដ្ឋាន​នគរ​បាល​បង្ការ​ពន្លត់អគ្គិភ័យ និងសង្រ្គោះបន្ទាន់។

ការចុះផ្សាយលើកឡើងថាគ្រោះអគ្គិភ័យក្នុងឆ្នាំ២០១៧ កន្លងទៅនេះ កើតឡើងចំនួន៥១៤ លើកបង្កឲ្យស្លាប់ ២២នាក់ និងរបួស ១២៨នាក់ ដែលឆេះផ្ទះអស់ ៤៨០ខ្នង ហើយឆេះប្រាក់រៀលចំនួន ១ ០៦១​ ៦៧៥ ​៥០០​រៀល និងប្រាក់ដុល្លារអស់ ២.១៣៩.៦២៩សុល្លារ និងខូចខាតទ្រព្យសម្បត្តិប្រើប្រាស់មួយចំនួនទៀត។

ការចុះផ្សាយដដែលបន្តថាករណីនេះបានថយចុះរហូតដល់ទៅ៩៨លើក ស្មើនឹង ១៩ភាគរយ ដែលក្នុង​ឆ្នាំ​២០១៦ ​មានអគ្គិភ័យ​ កើតឡើងរហូតដល់ ៦១២លើក។

ក្នុងពីធី​ប្រជុំ​ផ្សព្វ​ផ្សាយ​​​លិខិតបទដ្ឋានគតិយុត្តិ ផែនការយុទ្ធសាស្រ្តរយៈពេល ៣ឆ្នាំ (២០១៨-២០២០) របស់​នាយក​​ដ្ឋាន​នគរ​បាល​បង្ការ​ពន្លត់អគ្គិភ័យ និងសង្រ្គោះបន្ទាន់ នាយឧត្តមសេនីយ៍ សួស អង្គារ៍ លើកឡើងថា នគរ​បាលពន្លត់អគ្គិភ័យត្រូវប្រកាន់ខ្ជាប់នូវក្រមសីលធម៌ វិជ្ជាជីវៈ ជានគរបាលជាតិ មិនត្រូវយកតួនាទី ឋានន្តរស័ក្តិ ទៅសំឡុតគម្រាមកំហែងបរជាពលរដ្ឋស្លូតត្រង់ ដើម្បីផលប្រយោជន៍ផ្ទាល់ខ្លួនឡើយ ។

នាយឧត្តមសេនីយ៍ សួស អង្គារ៍ មានប្រសាសន៍ទៀតថា ដើម្បីឲ្យការងារពន្លត់អគ្គិភ័យទទួលបានជោគជ័យ និង​ទទួល​បានការជឿជាក់ពីប្រជាពលរដ្ឋ នគរបាលត្រូវត្រៀមខ្លួនជានិច្ច ដើម្បីជួយសង្រ្គោះអាយុជីវិត ទ្រព្យសម្បត្តិ ឲ្យ​បាន​ទាន់ពេលវេលា និងប្រកាន់ខ្ជាប់នូវអនុសាសន៍របស់ សម្តេច ស ខេង រដ្ឋមន្រ្តីក្រសួងមហាផ្ទៃ ៤ឃ្លាគឺ​ «លឿន​រហ័ស ប្រសិទ្ធភាព យុត្តិធម៌ និងតម្លាភាព» ៕

ព័ត៌មានផ្សេងទៀត

ដំរីព្រៃមួយក្បាលឆ្លងដែន ជាន់ស្រ្តីម្នាក់ឲ្យរបួសធ្ងន់នៅភ្នំព្រឹក អាជ្ញាធរអប្សរាថាមិនទទួលខុសត្រូវចំពោះអ្នកទិញដីនៅអង្គរឃ្យុងយូប៉ះដីរដ្ឋ ស្ករត្នោតជាច្រើនតោនសង្ស័យថាមានសាធាតុគីមី ជនជាតិចិន ១២នាក់ត្រូវបានឃាត់ខ្លួនពីបទលួចឆ្លងដែន និងស្នាក់នៅធ្វើខុសច្បាប់ យ៉ាងហោចណាស់ផ្ទះ ១៦ ខ្នងត្រូវបានឆាប់ឆេះនៅសង្កាត់ទឹកថ្លា បុរស ៣ នាក់ត្រូវបានកាប់ឲ្យរងរបួសក្នុងទំនាស់វង់ផឹកស៊ី សម្ដេច ស ខេង ស្នើរជប៉ុនឲ្យបន្តទទួលយកពលករជំនាញទៅធ្វើការ មនុស្ស ១០នាក់ស្លាប់ និង១៥នាក់រងរបួសធ្ងន់ ស្រាលដោយគ្រោះថ្នាក់ចរាចរណ៍ កម្មករ ៥៥ រងរបួសធ្ងន់ស្រាលដោយសារគ្រោះថ្នាក់ចរាចរណ៍នៅកំពង់ស្ពឺ សម្តេច ហ៊ុន សែន បញ្ជាអោយសមត្ថកិច្ចបង្កើនការរក្សាសន្តិសុខនៅថ្ងៃចូលឆ្នាំសកល ទិន្នផលនេសាទបង្កងទឹកសាបនៅខេត្តតាកែវ កើនឡើងជិត២០ភាគរយ ក្នុងឆ្នាំ២០១៧នេះ សាលារាជធានីភ្នំពេញគ្រោងសាងសង់ទីតាំងចំនួន៦ សម្រាប់ធ្វើស្ថានីយ៍អ្នកដំណើរសេវាដឹកជញ្ជូនផ្លូវទឹកតាមដងទន្លេ EDC បង្កើតប្រព័ន្ធទូរស័ព្ទពិសេស ១២៩៨ ដើម្បីដោះស្រាយបញ្ហាដល់អ្នកប្រើប្រាស់ ភ្លៀងនឹងធ្លាក់ក្នុងក្របខណ្ឌទូទាំងប្រទេសចាប់ពីថ្ងៃទី២៦ ធ្នូខាងមុខនេះតទៅ ម្ចាស់ជ័យលាភីធ្វើឡូហ្គោខួបអនុស្សាវរីយ៍៦៥ឆ្នាំនៃទំនាក់ទំនងមិត្តភាពជប៉ុន-កម្ពុជា គឺបានទៅលើអ្នកសៀមរាប រដ្ឋមន្រ្តីក្រសួងព័ត៌មានហាមមិនអោយវិទ្យុ ទូរទស្សន៍ក្នុងស្រុកទាំងអស់ចាក់ផ្សាយ​ចម្រៀង​«គ្រូបង្រៀនស្រវឹងស្រា»របស់ផលិតកម្មថោន ចាប់ពីថ្ងៃទី១៨ ធ្នូខាងមុខនេះតទៅ អាកាសធាតុនឹងចុះត្រជាក់ខ្លាំងនៅតាមតំបន់ និងខេត្តមួយចំនួនរបស់កម្ពុជា របាយការណ៍ក្រសួងសាធារណការ៖ រថយន្តដឹកលើសទម្ងន់ជាង៣០០គ្រឿង ចាប់បានក្នុងខែ វិច្ឆិកា ឆ្នាំ២០១៧ ក្រុង​/​ខណ្ឌ​ចំនួន​​៣៨​តម្រូវឱ្យ​មាន​បង្គន់​​សាធារណៈ​​ស្របតាម​​ស្ដង់ដារ​ត្រឹម​​ឆ្នាំ2017 ក្រុង​/​ខណ្ឌ​ចំនួន​​៣៨​តម្រូវឱ្យ​មាន​បង្គន់​​សាធារណៈ​​ស្របតាម​​ស្ដង់ដារ​ត្រឹម​​ឆ្នាំ2017