មហាជននាំគ្នារិះគន់មន្រ្តីនគរបាលពាក់ស័ក្តិ៤ វាយធ្វើបាបមន្រ្តីនគរបាលចរាចរណ៍​ ផ្អើលពេញបណ្តាញសង្គមហ្វេសប៊ុក

(ភ្នំពេញ)៖ មហាជនដែលជាអ្នកប្រើប្រាស់បណ្តាញទំនាក់ទំនងសង្គមហ្វេសប៊ុក បានបង្ហាញនូវការខឹងសម្បារយ៉ាងខ្លាំងចំពោះទង្វើរបស់មន្រ្តីនគរបាលពាក់ស័ក្កិ៤មួយរូប ដែលបានប្រើអំពើហិង្សាទៅលើមន្រ្តីនគរបាលចរាចរណ៍ជាប់កិច្ចសន្យារបស់សាលារាជធានីភ្នំពេញ ដែលត្រូវបានគេថតជាប់ តាមរយៈកាមេរ៉ាសុវត្ថិភាព ហើយត្រូវបានចែកចាយបន្តនៅលើបណ្តាញទំនាក់ទំនងសង្គមហ្វេសប៊ុកនៅថ្ងៃទី៩ ខែមករានេះ។

យោងតាមកាមេរ៉ាសុវត្ថិភាពដែលថតជាប់សកម្មភាពមន្រ្តីនគរបាលស័ក្កិ៤ខាងលើនេះ បានបង្ហាញនូវអំពើ​យ៉ាងសាហាវព្រៃផ្សែងរបស់មន្រ្តីនគរបាលខាងលើនេះ ដែលបានចាប់កអាវ និងចង្អុលមុខ ហើយថែម​ទាំង​ប្រើអំពើហិង្សាដោយធាក់មន្រ្តីនគរបាលចរាចរណ៍ខាងលើនេះចំកណ្តាលទ្រូង បើទោះបីជាគ្នានេះ បានលុត​ជង្គង់គោរពដោយខ្លាចអំណាចមន្រ្តី   នគបាលស័ក្កិ៤នេះក៏ដោយ។

តាមរយៈសកម្មភាពសាហាវព្រៃផ្សៃខាងលើនេះ អ្នកប្រើប្រាស់បណ្តាញទំនាក់ទំនងសង្គមហ្វេសប៊ុកបានធ្វើការ​ចែក​ចាយនូវរូបភាពសកម្មភាពរបស់មន្រ្តីនគរបាលស័ក្កិ៤ខាងលើនេះ ដែលថតជាប់នឹងកាមេរ៉ាសុវត្ថិភាពនោះ ភ្ជាប់មកជាមួយនិងការរិះគន់ខ្លាំងៗ និងសំណូមពរអោយថ្នាក់ដឹកនាំជួយរកយុត្តិធម៌ជូនមន្រ្តីនគរបាល​ចរាចរណ៍ដែលរងនូវអំពើហិង្សានេះផងដែរ។

ភ្លាមៗក្រោយការរិះគន់របស់មហាជនចំពោះទង្វើរបស់មន្រ្តីនគរបាលស័ក្កិ៤រូបនេះ នាយឧត្តមសេនីយ៍ ជូន សុវណ្ណ អគ្គស្នងការរង និងស្នងការនគរបាលរាជធានីភ្នំពេញ បានអះអាងថា មន្រ្តីនគរបាលស័ក្កិ៤ខាងលើនេះ ត្រូវបានសមត្ថកិច្ចធ្វើការចាប់ខ្លួនរួចហើយ ហើយនឹងត្រូវបញ្ជូនទៅតុលាការនៅថ្ងៃស្អែកនេះ បន្ទាប់វីដេអូបង្ហាញ​ពី​សកម្មភាពរបស់មន្រ្តីរូបនេះ ដែលប្រើអំពើហិង្សាទៅលើមន្រ្តីនគរបាលចរាចរណ៍ជាប់កិច្ចសន្យារបស់សាលា​រាជធានីភ្នំពេញហើយនោះ។

ប្រាប់សារព័ត៌មាន Fresh News នៅយប់ថ្ងៃទី៩ ខែមករានេះ នាយឧត្តមសេនីយ៍ ជូន សុវណ្ណ បានអោយដឹងថា សម្រាប់ករណីនេះ យោងតាមបទបញ្ជាដ៏ម៉ឺងម៉ាត់របស់អគ្គស្នងការនគរបាលជាតិ គឺដាច់ខាតចាត់វិធានការណ៍តាមផ្លូវច្បាប់ គ្មានការលើកលែងនោះឡើយ ហើយនឹងបញ្ជូនទៅកាន់តុលាការនៅថ្ងៃស្អែក។

បើតាមនាយឧត្តមសេនីយ៍ ជូន សុវណ្ណ បានបញ្ជាក់ថា មន្រ្តីនគរបាលពាក់ស័ក្កិ៤ខាងលើនេះ មានឈ្មោះ សៅ បញ្ញា អាយុ៣៣ឆ្នាំ បម្រើការងារនៅការិយាល័យរដ្ឋបាលសរុប នៃនាយកដ្ឋានប្រឆាំបទល្មើសបច្ចេកវិទ្យា របស់អគ្គស្នងការដ្ឋាននគរបាលជាតិ។

ដោយឡែកដើមចមដែលធ្វើអោយមន្រ្តីនគរបាលរូបនេះ ប្រើប្រាស់អំពើហិង្សាទៅលើមន្រ្តី នគរបាលចរាចរណ៍​នោះ គឺផ្តើមចេញពីមន្រ្តីនគរបាលខាងលើនេះ បានបើករថយន្ដម៉ាក Ford ពាក់ស្លាកលេខភ្នំពេញ ​២AC-៩០៩៩ ដោយខុសច្បាប់ចរាចរណ៍ ហើយក៏ត្រូវបានក្រុមមន្ដ្រីនគរបាលចរាចរណ៍ខាងលើនេះឃាត់​​ដើម្បីសួរនាំ៕

ព័ត៌មានផ្សេងទៀត

ស្ករត្នោតជាច្រើនតោនសង្ស័យថាមានសាធាតុគីមី ជនរងគ្រោះពីការជួញដូរ ២៩នាក់ត្រូវបានជួយឲ្យវិលមកកម្ពុជាវិញ ជនជាតិចិន ១២នាក់ត្រូវបានឃាត់ខ្លួនពីបទលួចឆ្លងដែន និងស្នាក់នៅធ្វើខុសច្បាប់ យ៉ាងហោចណាស់ផ្ទះ ១៦ ខ្នងត្រូវបានឆាប់ឆេះនៅសង្កាត់ទឹកថ្លា បេក្ខជន​ជិត​ ៤​ពាន់នាក់​ប្រលង ខណៈការជ្រើសរើសមន្ដ្រីក្របខ័ណ្ឌពន្ធនាគារតែ ៣៥០នាក់ មនុស្ស ១០នាក់ស្លាប់ និង១៥នាក់រងរបួសធ្ងន់ ស្រាលដោយគ្រោះថ្នាក់ចរាចរណ៍ សីតុណ្ហភាពចុះត្រជាក់ខ្លាំងដល់ ១៣ និង ១៥ អង្សា គយជប៉ុន នឹងផ្តល់នាវាល្បាតពីរគ្រឿង ជូនរដ្ឋបាលគយ និងរដ្ឋាករកម្ពុជា ពលករខ្មែរនៅក្រៅប្រទេស បានផ្ញើប្រាក់ឲ្យគ្រួសារប្រមាណជា៣៨០០លាន ដុល្លារក្នុងមួយឆ្នាំៗ អាកាសធាតុនៅកម្ពុជា នឹងចុះត្រជាក់នៅថ្ងៃទី១០ ខែមករាខាងមុខនេះ សម្រាប់ឆ្នាំ២០១៧នេះ មជ្ឈមណ្ឌលជាតិផ្តល់ឈាមទទួលបានការបរិច្ចាកឈាមពីវិស័យឯកជនចំនួន ២០ភាគរយប៉ុណ្ណោះ ទិន្នផលនេសាទបង្កងទឹកសាបនៅខេត្តតាកែវ កើនឡើងជិត២០ភាគរយ ក្នុងឆ្នាំ២០១៧នេះ សាលារាជធានីភ្នំពេញគ្រោងសាងសង់ទីតាំងចំនួន៦ សម្រាប់ធ្វើស្ថានីយ៍អ្នកដំណើរសេវាដឹកជញ្ជូនផ្លូវទឹកតាមដងទន្លេ EDC បង្កើតប្រព័ន្ធទូរស័ព្ទពិសេស ១២៩៨ ដើម្បីដោះស្រាយបញ្ហាដល់អ្នកប្រើប្រាស់ ភ្លៀងនឹងធ្លាក់ក្នុងក្របខណ្ឌទូទាំងប្រទេសចាប់ពីថ្ងៃទី២៦ ធ្នូខាងមុខនេះតទៅ ធនាគារពិភពលោក៖ ការរីកចម្រើនដ៏ឆាប់រហ័សនៃរាជធានីភ្នំពេញ បានចូលរួមបង្កើតការងារ និងកាត់បន្ថយភាពក្រីក្រ ម្ចាស់ជ័យលាភីធ្វើឡូហ្គោខួបអនុស្សាវរីយ៍៦៥ឆ្នាំនៃទំនាក់ទំនងមិត្តភាពជប៉ុន-កម្ពុជា គឺបានទៅលើអ្នកសៀមរាប រដ្ឋមន្រ្តីក្រសួងព័ត៌មានហាមមិនអោយវិទ្យុ ទូរទស្សន៍ក្នុងស្រុកទាំងអស់ចាក់ផ្សាយ​ចម្រៀង​«គ្រូបង្រៀនស្រវឹងស្រា»របស់ផលិតកម្មថោន ចាប់ពីថ្ងៃទី១៨ ធ្នូខាងមុខនេះតទៅ អាកាសធាតុនឹងចុះត្រជាក់ខ្លាំងនៅតាមតំបន់ និងខេត្តមួយចំនួនរបស់កម្ពុជា របាយការណ៍ក្រសួងសាធារណការ៖ រថយន្តដឹកលើសទម្ងន់ជាង៣០០គ្រឿង ចាប់បានក្នុងខែ វិច្ឆិកា ឆ្នាំ២០១៧