អង្គការសមាគមអភិរក្សសត្វព្រៃ WCS សម្ដែងការព្រួយបារម្ភចំពោះការបាញ់សម្លាប់វិរៈជនការពារបរិស្ថាន ៣រូបក្នុងពេលបំពេញបេក្ខកម្មឃ្លាំមើល និងទប់ស្កាត់បទល្មើសព្រៃឈើ។
អង្គការសមាគមអភិរក្សសត្វព្រៃ WCS បានចេញសេចក្ដីថ្លែងការណ៍មួយចុះថ្ងៃទី ០២ ខែ កុម្ភៈនេះ ស្ដីពីការបាញ់សម្លាប់ វិរៈជនអភិរក្សព្រៃឈើចំនួន ៣ រូបក្នុងដែនជម្រកសត្វព្រៃកែវសីមា ខេត្តមណ្ឌលគិរីកាលពីថ្ងៃទី ៣០ ខែមករាកន្លងទៅ។
អង្គការ WCS ក៏សម្ដែងការសោកស្ដាយយ៉ាងខ្លាំងចំពោះការបាត់បង់វិរៈជនដ៏ឆ្នើម និងកោតសរសើរចំពោះសេចក្ដីក្លាហាន ការស្រលាញ់ និងការប្ដេជ្ញាចិត្តក្នុងការការពារធនធានធម្មជាតិ។
អង្គការ WCSលើកឡើងថា៖«ជារៀងរាល់ថ្ងៃមន្រ្តីឧទ្យានុរក្ស និង ក្រុមអនុវត្តច្បាប់ បានប្រថុយជីវិតរបស់ខ្លួនដើម្បីការពារសត្វព្រៃ និងព្រៃឈើ។ យើងមិនត្រូវអនុញ្ញាតឲ្យឧក្រិដ្ឋជនកាប់បំផ្លាញ់ព្រៃនៅកម្ពុជា គម្រាមកំហែង និងបាញ់សម្លាប់អ្នកការពារសម្បត្តិធម្មជាតិកើតឡើងជាថ្មីទៀតឡើយ។ យើងទាំងអស់គ្នានឹងចងចាំលោក សុខណៃ លោក ខ្លា និងលោក វឌ្ឍនា ជាវិរៈជនអភិរក្សជារៀងរហូត។»
អង្គការសមាគមអភិរក្សសត្វព្រៃ WCS បានលើកឡើងពីភាពរន្ធត់ និងសោកស្ដាយ ចំពោះការបាត់បង់វិរៈជនអភិរក្សទាំង ០៣រូប ហើយជាការគោរព និង ឆ្លើយតបចំពោះឆន្ទៈ និង ការប្ដេជ្ញាចិត្តរបស់ពួកគាត់ អង្គការសមាគមអភិរក្សសត្វព្រៃ WCS នឹងបន្តគាំទ្រដល់រដ្ឋាភិបាលកម្ពុជា និងសហគមន៍ព្រៃឈើដើម្បីរួមគ្នាបញ្ឈប់ការកាប់ឆ្កាព្រៃ និង បរបាញ់សត្វព្រៃខុសច្បាប់ ព្រមទាំងស្វែងរកយុត្តិធម៌ជូនជនរងគ្រោះ និង ក្រុមគ្រួសារ។
វិរៈជនអភិរក្សទាំង ៣រូបនោះមានមន្ត្រីអាវុធហត្ថ លោក សេក វឌ្ឍនា មន្រ្តីឧទ្យានុរក្សនៃមន្ទីរបរិស្ថានលោក តើន សុខណៃ និង បុគ្គលិករបស់អង្គការ WCS លោក ថុល ខ្នា។
ក្រោយកើតហេតុរដ្ឋមន្រ្តីក្រសួងបរិស្ថាន និងរដ្ឋមន្រ្តីក្រសួងមហាផ្ទៃបានចេញសាររំលែកទុក្ខ ជាមួយស្ថាប័នអាវុធហត្ថ ឧទ្យាននុរក្សនៃមន្ទីរបរិស្ថាន និង អង្គការWCS ដែលបាត់បងមន្រ្តីក្នុងបុព្វហេតុការពារធនធានធម្មជាតិក្នុងខេត្តមណ្ឌលគិរី ហើយមន្រ្តីជាន់ខ្ពស់ក៏បានបញ្ជាឲ្យស្វែងរកជនដៃដល់ដើម្បីដាក់ទោសតាមច្បាប់។
តាមការឲ្យដឹងពីមន្រ្តីនគរបាលបានឲ្យដឹងថានៅព្រឹកថ្ងៃទី ០២ ខែ កុម្ភៈនេះសមត្ថកិច្ចបានរកឃើញ និង ចាប់បានជនដៃដល់នេះ ឈ្មោះផល ពេញ ជានាយប៉ុស្ត៍របុំង អូររលែ ខេត្តមណ្ឌលគិរី៕ 
ព័ត៌មានផ្សេងទៀត
ជនជាតិវៀតណាម ២០នាក់ត្រូវបានឃាត់ខ្លួន
ខឹងសុំលុយម្ដាយមិនបានបុរសម្នាក់ដុតផ្ទះ
មន្រ្តីព្រំដែនផ្ទុះអាវុធបណ្ដាលឲ្យមនុស្ស ៣នាក់ស្លាប់
សមត្ថកិច្ចបង្រ្កាបកន្លែងរាំអាសអាភាស ឃាត់ខ្លួនជនបរទេសជាច្រើននាក់
សមត្ថកិច្ចបង្រ្កាបទីតាំងផលិតប្រេងម៉ាស៊ីនក្លែងក្លាយបានរាប់តោន
សមត្ថកិច្ចឲ្យពលរដ្ឋចូលរួមដើម្បីលុបបំបាត់ទំនិញ និងអាហារមានជាតិគីមី
អភិបាលខេត្តបង្ហាញពីផលប៉ះពាល់នៃជនបរទេសដែលស្នាក់នៅខេត្តព្រះសីហនុ
រដ្ឋាភិបាលគ្រោងធ្វើវិសោធនកម្មច្បាប់ស្តីពីអន្តោប្រវេសន៍ និងច្បាប់ស្តីពីសញ្ជាតិ
កម្មកររោងចក្រជិត ១០០ នាក់ដួលសន្លប់ជាបន្តបន្ទាប់ក្នុងតំបន់សេដ្ឋកិច្ចពិសេសកោះកុង
ពលរដ្ឋម្នាក់ត្រូវបានបាញ់ស្លាប់នៅពេលនគរបាលចុះបង្ក្រាបសង្វៀនជល់មាន់
សមត្ថកិច្ចរកឃើញឈើក្រញូងរាប់ពាន់ដុំ បង្កប់ក្នុងស៊ីទែនរថយន្តដឹកសាំង
អគ្គិភ័យឆាបឆេះអស់ផ្ទះ៤ខ្នងនៅសង្កាត់ព្រែកប្រា
ស្ករត្នោតជាច្រើនតោនសង្ស័យថាមានសាធាតុគីមី
ជនជាតិចិន ១២នាក់ត្រូវបានឃាត់ខ្លួនពីបទលួចឆ្លងដែន និងស្នាក់នៅធ្វើខុសច្បាប់
យ៉ាងហោចណាស់ផ្ទះ ១៦ ខ្នងត្រូវបានឆាប់ឆេះនៅសង្កាត់ទឹកថ្លា
បុរស ៣ នាក់ត្រូវបានកាប់ឲ្យរងរបួសក្នុងទំនាស់វង់ផឹកស៊ី
មនុស្ស ១០នាក់ស្លាប់ និង១៥នាក់រងរបួសធ្ងន់ ស្រាលដោយគ្រោះថ្នាក់ចរាចរណ៍
កម្មករ ៥៥ រងរបួសធ្ងន់ស្រាលដោយសារគ្រោះថ្នាក់ចរាចរណ៍នៅកំពង់ស្ពឺ
សម្តេច ហ៊ុន សែន បញ្ជាអោយសមត្ថកិច្ចបង្កើនការរក្សាសន្តិសុខនៅថ្ងៃចូលឆ្នាំសកល
រដ្ឋមន្រ្តីក្រសួងដែនដី៖ រាល់ផ្ទាំងគំនូរសំណង់ត្រូវសរសេរអក្សរខ្មែរធំជាងអក្សរបរទេស