កូរ៉េខាងជើងមិនទាន់បានបង្ហាញពីប្រតិកម្មណាមួយ ចំពោះការស្នើសុំចរចាពីកូរ៉េខាងត្បូង

ក្រុមមន្ត្រីក្រុងសេអ៊ូលបាននិយាយថា កូរ៉េខាងជើងមិនទាន់ឆ្លើយតបទៅនឹងការស្នើសុំចុងក្រោយរបស់កូរ៉េខាងត្បូង សម្រាប់ការចរចាកម្រិតកំពូលនៅឡើយទេ បន្ទាប់ពីមេដឹកនាំរបស់ខ្លួនលោក គីម ជុងអ៊ុន បានបើកដំណើរការឡើងវិញនូវប្រព័ន្ធទូរស័ព្ទទំនាក់ទំនងទាន់ហេតុការណ៍ជាមួយទីក្រុងសេអ៊ូល។

កាលពីថ្ងៃអង្គារ ប្រទេសកូរ៉េខាងត្បូងបានស្នើសុំឲ្យមានកិច្ចចរចាអន្តរកូរ៉េ មួយសប្តាហ៍ក្រោយមកនៅឯតំបន់ព្រំដែន Panmunjom ដើម្បីពិភាក្សាអំពីការចូលរួមសក្តានុពលរបស់កូរ៉េខាងជើង នៅក្នុងការប្រកួតអូឡាំពិក PyeongChang និងវិធីដើម្បីពង្រឹងទំនាក់ទំនងរបស់ពួកគេឡើងវិញ ដើម្បីបន្ថយភាពតានតឹងនៅលើឧបទ្វីបកូរ៉េ។

មន្រ្តីសម្របសម្រួលរបស់កូរ៉េខាងត្បូងមួយរូប បានព្យាយាមទាក់ទងកូរ៉េខាងជើងតាមរយៈខ្សែទូរស័ព្ទមួយដែលបានដំឡើងនៅឯតំបន់គ្មានជម្លោះ ប៉ុន្តែមិនមាននរណាឆ្លើយតបទេ អស់រយៈពេល២ថ្ងៃជាប់ៗគ្នានេះ។ នេះបើយោងតាមក្រសួងបង្រួបបង្រួមរបស់ក្រុងសេអ៊ូល។ កូរ៉េខាងជើងបានកាត់ផ្តាច់បណ្តាញទំនាក់ទំនងអន្តរកូរ៉េប្រព័ន្ធខ្សែរទូរស័ព្ទពីរខ្សែ រួមទាំងខ្សែទូរស័ព្ទយោធានៅខែកុម្ភៈ ឆ្នាំ២០១៦ នៅក្នុងការតវ៉ាទៅនឹងការបិទតំបន់ឧស្សាហកម្មរួមគ្នាមួយរបស់ទីក្រុងសេអ៊ូល។

នៅថ្ងៃចូលឆ្នាំថ្មីមេដឹកនាំកូរ៉េខាងជើងលោកគីម បាននិយាយថា ប្រទេសរបស់លោកមានឆន្ទៈបញ្ជូនគណៈប្រតិភូទៅចូលរួមការប្រកួតកីឡាអូឡាំពិក ដែលនឹងត្រូវរៀបចំឡើងនៅកូរ៉េខាងត្បូង និងបើកចំហរការចរចារអន្តរកូរ៉េ ស្តីពីបញ្ហានេះ។ ក្នុងការឆ្លើយតបទៅនឹងសុន្ទរកថារបស់លោកគីម ក្រសួងការបរទេសអាមេរិក បានបង្ហាញពីភាពរីករាយតិចតួចណាស់ សម្រាប់កិច្ចចរចានេះ ដោយបង្ហាញពីការសង្ស័យអំពីភាពស្មោះត្រង់របស់លោកគីម៕

ព័ត៌មានផ្សេងទៀត

ការចូលរួមកូរ៉េខាងជើងនៅក្នុងកីឡាអូឡាំពិក នឹងមើលឃើញពីតំលៃនៃការលុបបំបាត់ចោលអាវុធនុយក្លេអ៊ែរ កូរ៉េខាងជើងយល់ស្របដើម្បីរៀបចំកិច្ចពិភាក្សាយោធា និងបញ្ជូនគណៈប្រតិភូអូឡាំពិកទៅកូរ៉េខាងត្បូង អាមេរិកស្វាគមន៍កិច្ចប្រជុំអន្តរកូរ៉េ ស្តីពីកីឡាអូឡាំពិក ប៉ុន្តែអះអាងថា ការដាក់ទណ្ឌកម្មនៅតែបន្តធ្វើ ភ្នាក់ងារចារកម្មកូរ៉េខាងត្បូង បានរាយការណ៍ជាប្រចាំនូវក្រសួងសន្ដិសុខកូរ៉េខាងជើង កូរ៉េខាងជើងរិះគន់អាមេរិក ខណៈដែលលោកត្រាំប្រើពាក្យសំដីពាក់ព័ន្ធបញ្ហាកូរ៉េខាងជើង លោក Pence កោតសរសើរដល់លោកត្រាំ ដែលបានរៀបចំឱ្យមានកិច្ចចរចាអន្តរកូរ៉េ ប្រធានាធិបតីកូរ៉េខាងត្បូងសង្ឃឹមថា ការចូលរួមរបស់កូរ៉េខាងជើង នឹងជួយបន្ធូរបន្ថយភាពតានតឹងលើឧបទ្វីប កូរ៉េទាំងពីរចាប់ផ្តើមការចរចាកម្រិតកំពូល ដោយផ្តោតទៅលើកីឡាអូឡាំពិករដូវរងារ ប្រព័ន្ធផ្សព្វផ្សាយកូរ៉េខាងជើង អំពាវនាវឱ្យមានកិច្ចសហប្រតិបត្តិការអន្តរកូរ៉េរឹងមាំ មុនកិច្ចចរចាទ្វេភាគី កូរ៉េទាំងពីរនឹងបន្តការពិភាក្សាលម្អិតបន្ថែមទៀត ស្តីពីកិច្ចពិភាក្សាកម្រិតកំពូលនៅសប្តាហ៍ក្រោយនេះ មន្ត្រីជាន់ខ្ពស់ចិនបានមកដល់ទីក្រុងសេអ៊ូល សម្រាប់កិច្ចពិភាក្សាលើបញ្ហានុយក្លេអ៊ែរកូរ៉េខាងជើង លោក Cheong Wa Dae៖ កីឡាអូឡាំពិក Pyeongchang គឺជារបៀបវារៈសំខាន់ៗសម្រាប់កិច្ចសន្ទនាអន្តរកូរ៉េ កូរ៉េខាងបងប្អូនទាំងពីរយល់ព្រមបើកកិច្ចចរចាកម្រិតកំពូល នៅសប្តាហ៍ក្រោយនេះ កូរ៉េខាងត្បូងនិងអាមេរិក នឹងចាប់ផ្តើមសមយុទ្ធយោធារួមគ្នា នៅចុងខែមេសា អគ្គលេខាធិការយូអិន ស្វាគមន៍ចំពោះការបើកដំណើរឡើងវិញ នូវខ្សែរទូរស័ព្ទទំនាក់ទំនងអន្តរកូរ៉េ កូរ៉េខាងជើងចាប់ផ្តើមបើកដំណើរការខ្សែទូរស័ព្ទទាន់ហេតុការណ៍ជាមួយកូរ៉េខាងត្បូងឡើងវិញ លោកត្រាំនិយាយថា កូរ៉េខាងជើងចង់ចរចាជាមួយកូរ៉េខាងត្បូងអាចជាដំណឹងល្អ កូរ៉េខាងត្បូងរឹបអូសយកនាវាប៉ាណាម៉ា ដោយសង្ស័យថា បាននាំប្រេងទៅកាន់កូរ៉េខាងជើង មេដឹកនាំកូរ៉េខាងជើង បើកចំហរដើម្បីពិភាក្សាជាមួយក្រុងសេអ៊ូល ប៉ុន្តែមិនបោះបង់កម្មវិធីនុយក្លេអ៊ែរ ទីក្រុងតូក្យូជឿជាក់ថា សង្គ្រាមរវាងកូរ៉េខាងជើងនិងកូរ៉េខាងត្បូង អាចកើតមានឡើង