ក្រុមហ៊ុនសាប៊ូ T&L Natural បញ្ចេញផលិតផលសាប៊ូថ្មីបន្ថែម ដើម្បីឆ្លើយតបទៅនឹងតម្រូវការទីផ្សារស្របពេលដែលផលិតផលថែរក្សាសម្ពស្សរបស់ខ្លួន កំពុងមានសន្ទុះគាំទ្រខ្លាំងពីប្រជាពលរដ្ឋក្នុងស្រុក ។
នៅក្នុងពិធីជួបជុំតំណាងចែកចាយធំៗនៅទូទាំងប្រទេសនាយប់ថ្ងៃទី២៨ ខែវិច្ចិកានេះនៅខុនដូ លីហួត លោក ឌី ជោត អគ្គនាយកក្រុមហ៊ុន T&L Natural Product បានឲ្យដឹងថាការបន្ថែមនូវផលិតផលសាប៊ូថ្មីដែលផ្តោតសំខាន់ទៅលើស្បែកខ្លួននាពេលនេះ គឺដោយសារយើងបានមើលឃើញពីតម្រូវការនៃការប្រើប្រាស់សាប៊ូដុះខ្លួន បាននឹងកំពុងកើនឡើងខ្លាំងក្នុងទីផ្សារកម្ពុជា ហើយសាប៊ូមួយចំនួនធំគឺជាផលិតផលបរទេស ដូច្នេះការផលិតនូវសាប៊ូថ្មីរបស់ក្រុមហ៊ុនធារ៉ាលាងនូវពេលនេះជាការឆ្លើយតបទៅនឹងតម្រូវការទីផ្សារនិងជួយលើកស្ទួយផលិតផលខ្មែរផងដែរ។
លោកបន្តថា វត្តមានរបស់ T&L Natural ក្នុងទីផ្សារកម្ពុជាប៉ុន្មានឆ្នាំនេះក្រុមហ៊ុនអាចទទួលបានការគាំទ្រយ៉ាងខ្លាំងពីប្រជាពលក្នុងស្រុកនិងបរទេសមួយចំនួនផងដែរដោយការលក់បានកើនឡើងទេ្វដងបើធៀបទៅនឹងឆ្នាំមុន ។
លោកបន្ថែមថា ជាចក្ខុវិស័យរបស់ក្រុមហ៊ុននឹងបន្តពង្រីកនិងអភិវឌ្ឍន៍សាប៊ូយីហាខ្មែរ T&L Natural នេះឲ្យបានច្រើនប្រភេទបន្ថែមទៀតគឺរហូតដល់៣០មុខដែលផ្តោតសំខាន់ទៅលើតួខ្លួនពីចុងជើងដល់ចុងសក់ ខណៈបច្ចុប្បន្នសាប៊ូដែលកំពុងមានវត្តមាននៅលើទីផ្សារមានចំនួន៩មុខ ដូចជាសាប៊ូកកសក់ បន្ទន់សក់ និងអប់សក់ ជាឈុតៗរួមជាមួយផលិតផលដែលទើបនឹងចេញនាពេលថ្មីៗដូចជា CC Cream និងសាប៊ូដុះខ្លួនផងដែរ។
លោកបញ្ជាក់ថា ផលិតផលសាប៊ូដុះខ្លួននេះត្រូវបានផលិតឡើងដោយបានសិក្សាច្បាស់ពីបរិយាកាសនិងស្ថានភាពស្បែក របស់ប្រជាពលរដ្ឋខ្មែរ ដោយផលិតផលថ្មីនេះផលិតចេញពីទឹកដោះគោ គុជខ្យង់ និងសារធាតុចិញ្ចឹមសំខាន់ៗផ្សងទៀត ដែលរំពឹងថាអាចទទួលបានការគាំទ្រច្រើនពីអតិថិជន។
សូមបញ្ជាក់ថា សម្រាប់ឱកាសចុងឆ្នាំនេះ ក្រុមហ៊ុនក៏មានថែមជូននូវការបញ្ជុះតម្លៃពិសេសជាច្រើនផងដែរដោយរាល់អតិថិជនដែលទិញផលិតផល T&L Natural នឹងទទួលបានការបញ្ជុះតម្លៃចាំពី ១០ – ១៥% តាមមុខទំនិញជាក់ស្ដែង។
គួរបញ្ជាក់ថា T&L Natural Product គឺជាផលិតផលសាប៊ូខ្មែរដែលបានចុះបញ្ជី និងមានការទទួលស្គាល់ត្រឹមត្រូវពីក្រសួង និងស្ថាប័នព័ន្ធ ដើម្បីផលិតនិងចែកចាយលក់នៅក្នុងទីផ្សារកម្ពុជា និងតាមបណ្ដាលប្រទេសជិតខាងមួយចំនួនផ្សេងទៀតផងដែរ ដោយជំហ៊ានដំបូង សាប៊ូនេះ ត្រូវបានធ្វើការផលិតនៅប្រទេសជប៉ុន និងវេចខ្ចប់នៅចិន ហើយនាំចូលមកលក់នៅកម្ពុជា ហើយក្រុមហ៊ុន នឹងឈានទៅតំឡើងរោងចក្រក្នុងស្រុកឆាប់ៗខាងមុខនេះ៕
ព័ត៌មានផ្សេងទៀត
គោលនយោបាយខ្សែក្រវ៉ាត់មួយផ្លូវមួយ ធ្វើឲ្យវិស័យអចលនទ្រព្យនៅកម្ពុជាបន្តឆ្ពោះទៅមុខ
មន្ទីទេសចរណ៍ខេត្តព្រះសីហនុជំរុញអោយមាន ការវិនិយោគកន្លែងស្នាក់នៅបែបប្រណិតបន្ថែមក្នុងខេត្ត
ធនាគារកូរ៉េទិញភាគហ៊ុន ១០០% ពីគ្រឹះស្ថានមីក្រូហិរញ្ញវត្ថុ សាមិក ភីអិលស៊ីនៅកម្ពុជា
កំណើនផ្សារទំនើបក្នុងរាជធានីភ្នំពេញ បាននឹងកំពុងបន្តកើនឡើងជាបន្តបន្ទាប់
រយៈពេល៨ខែដើមឆ្នាំនេះភ្ញៀវទេសចរអន្តរជាតិជាង១,៧លាននាក់
ក្រុមហ៊ុន កាហុកភីធីអ៊ី និង ក្រុមហ៊ុនស្មាត អាស្យាតា បានចុះហត្ថលេខាជាដៃគូពាណិជ្ជកម្ម ក្នុងនាមជាប្រតិបត្តិករទូរគមនាគមន៍តែមួយគត់
ក្រសួងទេសចរណ៍ជំរុញឲ្យមានការបង្កើនបរិមាណជំនាញមគ្គុទ្ទេសក៍ទេសចរណ៍បន្ថែម
UNDP ចុះអនុស្សរណៈជាមួយក្រុមហ៊ុនវើលប្រ៊ីដ ដើម្បីផ្តល់ការគាំទ្រលើគម្រោងស្នាក់នៅតម្លៃសមរម្យ
ម្ចាស់អាជីវកម្ម KW-កម្ពុជាដឹកនាំក្រុមការងារកម្ពុជាទៅចូលរួមកម្មវិធី MEGA CAMP 2018
កម្ពុជានៅមានឱកាសច្រើនសម្រាប់ការវិនិយោគក្នុងឧស្សាហកម្មហិរញ្ញវត្ថុ
ក្រុមហ៊ុន Nissan ឈប់លក់រថយន្តប្រើប្រេងម៉ាស៊ូតនៅអឺរ៉ុប
ក្រសួងថាភ្ញៀវទេសចរជិត ១លាននាក់ដើរកំសាន្តថ្ងៃបុណ្យចូលឆ្នាំចិន
រដ្ឋាភិបាលដាក់គោលដៅបង្កើនផលិតផលកៅស៊ូដល់ ២៩ម៉ឺនតោនក្នុងឆ្នាំ២០២០
សមត្ថកិច្ចឲ្យពលរដ្ឋចូលរួមដើម្បីលុបបំបាត់ទំនិញ និងអាហារមានជាតិគីមី
ព្រលានយន្តហោះអន្តរជាតិថ្មីមួយគ្រោងនឹងសាងសងនៅក្រុងតាខ្មៅ
ចិនត្រៀមថវិកាជាង២រយលានដុល្លារសហរដ្ឋអាមេរិក សម្រាប់គម្រោងតូច-ធំ នៅកម្ពុជា
កម្ពុជា-ចិន ចុះកិច្ចព្រមព្រៀងជាមួយគ្នាលើគម្រោងបាញ់បង្ហោះផ្កាយរណប
កម្ពុជា-ចិន ឯកភាពគ្នាបង្កើតទំហំពាណិជ្ជកម្មទ្វេភាគីអោយបាន៦ប៊ីលានដុល្លារក្នុងឆ្នាំ២០២០
ក្រសួងទេសចរណ៍ថាភ្ញៀវទេសចរណ៍បរទេសកើនជិត ១២ ភាគរយ
ក្រសួងពាណិជ្ជកម្ម នឹងរៀបចំពិព័រណ៍ផលិតផល១ ខេត្ត១ នៅថ្ងៃទី១៥ ធ្នូខាងមុខនេះ