រយៈពេល៨ខែដើមឆ្នាំនេះភ្ញៀវទេសចរអន្តរជាតិជាង១,៧លាននាក់

ភ្នំពេញ៖ រយៈពេល៨ខែដើមឆ្នាំនេះភ្ញៀវទេសចរអន្តរជាតិជាង១,៧លាននាក់បានទិញសំបុត្រ ចូលទស្សនាតំបន់រមណីយដ្ឋានអង្គរដែលបាននាំចំណូលប្រមាណ៨០លានដុល្លារដល់សេដ្ឋកិច្ចកម្ពុជា។

របាយការណ៍ពីក្រសួងទេសចរណ៍ដែលបានចេញផ្សាយនាព្រឹកថ្ងៃទី១ ខែកញ្ញា បានបញ្ជាក់ថា គិតចាប់ពីខែមករា ដល់ខែសីហា ភ្ញៀវទេសចរអន្តរជាតិប្រមាណ ១លាន ៧សែននាក់ បានទិញប័ណ្ណចូលទស្សនារមណីដ្ឋានអង្គ កើនឡើង៨,៤៩% បើធៀបនឹងរយៈពេលដូចគ្នាកាលពីឆ្នាំមុន។

ក្នុងរយៈពេល៨ខែនេះ គ្រឹះស្ថានអង្គរអាចប្រមូលចំណូលពីការលក់ប័ណ្ណចូលទស្សនារមណីយដ្ឋានអង្គរ បានរហូតដល់ ជិត៨០លានដុល្លារ កើនឡើងប្រមាណ១៣% ដោយក្នុងនោះ ភ្ញៀវទេសចរចិន ឈរនៅលេខរៀងទី១ ដែលបានទិញសំបុត្រចូលទស្សនាច្រើនជាងគេ។

លោកជំទាវ ឆាយ ស៊ីវលីន ប្រធានសមាគមទីភ្នាក់ងារទេសចណ៍កម្ពុជា បានមានប្រសាសន៍ថា ការកើនឡើងនៃចំនួនភ្ញៀវទេសចរនាពេលនេះ គឺដោយសារភ្ញៀវទេសចរ កាន់តែមានទំនុកចិត្តមកលើកញ្ចប់សេវាកម្មទេសចរណ៍របស់កម្ពុជា ស្របពេលដែលក្រសួងទេសចរណ៍ និងស្ថាប័នពាក់ព័ន្ធ បាននឹងកំពុងខិតខំផ្សព្វផ្សាយពីសក្តានុពលតំបន់ទេសចរណ៍របស់កម្ពុជា។

លោកជំទាវបន្ថែមថា ដើម្បីសម្រេចអោយបាននូវគោលដៅទាក់ទាញភ្ញៀវទេសចរ អោយកាន់ដល់៧លាននាក់នៅឆ្នាំ២០២០ ក្រសួង បានស្នើអោយគ្រប់ស្ថាប័នពាក់ និងភាគីពាក់ព័ន្ធ បន្តចូលរួមអភិរក្ស និងរុករក តំបន់ទេសចរ ធម្មជាតិ និងវប្បធម៌បន្ថែម ខណៈកម្ពុជាបច្ចុប្បន្ន កំពុងស្ថិតក្នុងគោលដៅទេសចរបែបធម្មជាតិ និងវប្បធម៌ ពីភ្ញៀវទេសចរអន្តរជាតិក្នុងតំបន់ និងប៉ែកអ៉ឺរ៉ុប។

ឯកឧត្តម ថោង ខុន រដ្ឋមន្រី្ត ក្រសួងទេសចរណ៍ធ្លាប់បានញ្ជាក់ថា កំណើននៃភ្ញៀវទេសចរបរទេសមកកម្ពុជា បានផ្ដល់នូវឳកាសវិនិយោគយ៉ាងច្រើនដល់កម្ពុជា ក្នុងការជំរុញកំណើនសេដ្ឋកិច្ចជាតិ ដោយវិស័យនេះ បានចូលរួមចំណែកក្នុងផលទុនជាតិសរុបប្រមាណ១១% កាលពីឆ្នាំមុន។

គួរបញ្ជាក់ថា ក្នុងរយៈពេលប៉ុន្មានឆ្នាំចុងក្រោយនេះ វិស័យទេសចរណ៍ មានការអភិវឌ្ឍគួរអោយគត់សំគាល់ ហើយសម្រាប់គោលដៅទៅ៥ឆ្នាំបន្ត ក្រសួងនឹងបន្តទាក់ទាញភ្ញៀវទេសចរមកកម្ពុជា អោយកើនដល់១៥លាននាក់នៅឆ្នាំ២០៣០៕

ព័ត៌មានផ្សេងទៀត

គម្រោងព្រីនស៍ អ៊ីនធឺណាសិនណល ផ្លាហ្សា ផ្លូវសហព័ន្ធរុស្សី បើកអោយអតិថិជនអាចចូលទស្សនាបន្ទប់គំរូជាផ្លូវការ ក្រុមហ៊ុន កាហុកភីធីអ៊ី និង ក្រុមហ៊ុនស្មាត អាស្យាតា បានចុះហត្ថលេខាជាដៃគូពាណិជ្ជកម្ម ក្នុងនាមជាប្រតិបត្តិករទូរគមនាគមន៍តែមួយគត់ ក្រសួងទេសចរណ៍ជំរុញឲ្យមានការបង្កើនបរិមាណជំនាញមគ្គុទ្ទេសក៍ទេសចរណ៍បន្ថែម តម្រូវការប្រើប្រាស់រថយន្តក្នុងវិស័យទេសចរណ៍ និងក្នុងលក្ខណៈគ្រួសារមានកំណើនក្នុងទីផ្សារកម្ពុជា UNDP ចុះអនុស្សរណៈជាមួយក្រុមហ៊ុនវើលប្រ៊ីដ ដើម្បីផ្តល់ការគាំទ្រលើគម្រោងស្នាក់នៅតម្លៃសមរម្យ ការវិនិយោគដោយផ្ទាល់ពីបរទេស វិស័យសំណង់មានកំណើនខ្ពស់ជាងគេ ម្ចាស់អាជីវកម្ម KW-កម្ពុជាដឹកនាំក្រុមការងារកម្ពុជាទៅចូលរួមកម្មវិធី MEGA CAMP 2018 កម្ពុជានៅមានឱកាសច្រើនសម្រាប់ការវិនិយោគក្នុងឧស្សាហកម្មហិរញ្ញវត្ថុ ក្រុមហ៊ុន Nissan ឈប់លក់រថយន្តប្រើប្រេងម៉ាស៊ូតនៅអឺរ៉ុប ក្រសួងថាភ្ញៀវទេសចរជិត ១លាននាក់ដើរកំសាន្តថ្ងៃបុណ្យចូលឆ្នាំចិន រដ្ឋាភិបាលដាក់តំបន់កោះរ៉ុងជាឧទ្យានជាតិសមុទ្រ ប្រហិតវេចខ្ចប់ខុសបច្ចេកទេស និងខុសច្បាប់ជិតកន្លះតោនត្រូវសមត្ថកិច្ចបង្រ្កាប រដ្ឋាភិបាលដាក់គោលដៅបង្កើនផលិតផលកៅស៊ូដល់ ២៩ម៉ឺនតោនក្នុងឆ្នាំ២០២០ សមត្ថកិច្ចឲ្យពលរដ្ឋចូលរួមដើម្បីលុបបំបាត់ទំនិញ និងអាហារមានជាតិគីមី ព្រលានយន្តហោះអន្តរជាតិថ្មីមួយគ្រោងនឹងសាងសងនៅក្រុងតាខ្មៅ ចិនត្រៀមថវិកាជាង២រយលានដុល្លារសហរដ្ឋអាមេរិក សម្រាប់គម្រោងតូច-ធំ នៅកម្ពុជា កម្ពុជា-ចិន ចុះកិច្ចព្រមព្រៀងជាមួយគ្នាលើគម្រោងបាញ់បង្ហោះផ្កាយរណប កម្ពុជា-ចិន ឯកភាពគ្នាបង្កើតទំហំពាណិជ្ជកម្មទ្វេភាគីអោយបាន៦ប៊ីលានដុល្លារក្នុងឆ្នាំ២០២០ ក្រសួងទេសចរណ៍ថាភ្ញៀវទេសចរណ៍បរទេសកើនជិត ១២ ភាគរយ ក្រសួងពាណិជ្ជកម្ម​ នឹងរៀបចំពិព័រណ៍ផលិតផល១ ខេត្ត១ នៅថ្ងៃទី១៥ ធ្នូខាងមុខនេះ