ភ្នំពេញ ៖ អគ្គនាយកក្រុមហ៊ុន Keller Williams Realty ដឹកនាំក្រុមការងារកម្ពុជាទៅចូលរួមកម្មវិធី MEGA CAMP 2018 ដើម្បីសិក្សាពីសក្ដានុពល និងឱកាសវិនិយោគ ពីទីផ្សារអចលនទ្រព្យនៅអាមេរិច សម្រាប់ជួយអភិវឌ្ឍធនធានមនុស្ស និងវិស័យអចលនទ្រព្យកម្ពុជា ។
ថ្លែងប្រាប់អ្នកសារព័ត៌មាន នាអាកាសយានដ្ឋានអន្ដរជាតិភ្នំពេញកាសពីចុងសប្ដាហ៍នេះ លោកបណ្ឌិត គីម ហ៊ាង បានមានប្រសាសន៍ថា ថ្នាក់ដឹកនាំក្រុមហ៊ុន KW-កម្ពុជា នឹងចូលរួមកម្មវិធីរបស់ក្រុមហ៊ុនយក្សអាមេរិកខាងលើ គឺដើម្បីសិក្សាឲ្យកាន់តែស៊ីជម្រៅពីសក្ដានុពល និងវិធីសាស្ដ្រក្រុមហ៊ុនលំដាប់កំពូលពិភពលោកនេះ សម្រាប់ជួយអភិវឌ្ឍធនធានមនុស្ស និងវិស័យអចលនទ្រព្យកម្ពុជា ព្រោះ Keller Williams Realty គឺជាក្រុមហ៊ុនមានគំរូអាជីវកម្មស័ក្តិសមជាមួយស្ថានភាពទីផ្សារប្រទេសកម្ពុជា ដែលសម្បូរប្រជាជនវ័យក្មេង ហើយភ្នាក់ងារជាច្រើន មិនទទួលបានការបណ្ដុះបណ្ដាល និងមានអាជ្ញាប័ណ្ណប្រកបអាជីវកម្ម ដើម្បីទទួលបានការបណ្ដុះបណ្ដាល និងការរកស៊ីក្រោមដំបូលដ៏ធំរបស់ក្រុមហ៊ុន ។
លោកថា ក្រោយ KW-កម្ពុជា នឹងបើកដំណើរនាឆ្នាំ២០១៩ នេះ ក្រុមហ៊ុននឹងបើកវគ្គបណ្ដុះបណ្ដាលដល់បុគ្គលិកខ្លួនជារៀងរាល់ខែ ហើយឆ្នាំ២០២២ ក្រុមហ៊ុននឹងបើកវិទ្យាស្ថានម័យ សម្រាប់បណ្ដុះបណ្ដាលមនុស្សទូទៅ ដើម្បីឈានទៅសម្រេចគោលដៅក្នុងរយៈពេល ១០ឆ្នាំ ។ លោកថា «គំរូអាជីវកម្ម ដែលយើងគ្រោងបង្កើត យើងបានកំណត់បង្កើតគ្រប់ខណ្ឌ ស្រុក និងខេត្ត មួយក្នុងរយៈពេល ១០ឆ្នាំក្រោយ ។ អាជីវកម្មយើងថ្ងៃក្រោយ រាល់ការទិញ-លក់ដីធ្លី យើងនឹងមានការិយាល័យគ្រប់ខេត្ត-ក្រុង ។ អញ្ចឹងយើងមានទស្សនៈវិស័យមួយ យើងចង់គ្រប់គ្រងចំណែកមួយ នៃអាជីវកម្មដីធ្លីស្រុកខ្មែរឲ្យបានយ៉ាងហោច ៣០% ក្នុងរយៈពេល ១០ឆ្នាំខាងមុខ» ។
កម្មវិធី MEGA CAMP 2018 ខាងលើ ក្រៅពីប្រតិភូ និងថ្នាក់ដឹកនាំក្រុមហ៊ុន Keller Williams Cambodia ទាំង ១០នាក់ ក៏មានសមាជិករបស់ក្រុមហ៊ុន Keller Williams Realty សរុបទាំង ៩,០០០នាក់ចូលរួមផងដែរ ដែលនឹងដំណើរផ្លូវការរយៈពេល ៥ថ្ងៃ ចាប់ពីថ្ងៃទី១៣-១៧ ខែសីហា នៅរដ្ឋ TEXAS ។ ចំពោះកម្មវិធីសិក្សាបែងចែកជា ២វគ្គ រួមទី១៖ វគ្គពិសេសសម្រាប់មនុស្សម្នាក់ តំណាងប្រទេសមួយ និងវគ្គទី២ ផ្ដោតលើដំណើរការអាជីវកម្មរបស់ Keller Williams Realty ដោយនិយាយពីបច្ចេកទេស និងវិធីសាស្ដ្រ នាំឲ្យក្រុមហ៊ុនដំណើរការបានជោគជ័យ ដោយអនុវត្តតាមស្ដង់ដាររបស់ក្រុមហ៊ុនរកបានចំណូលជាង ១,០០០លានដុល្លារកាលពីឆ្នាំ២០១៧ នេះ ៕
ព័ត៌មានផ្សេងទៀត
កម្ពុជានៅមានឱកាសច្រើនសម្រាប់ការវិនិយោគក្នុងឧស្សាហកម្មហិរញ្ញវត្ថុ
ចក្រភពអង់គ្លេសជាទឹកដីដែលពលរដ្ឋខ្លួនក្លាយជាមហាសេដ្ឋី
ក្រុមហ៊ុន Nissan ឈប់លក់រថយន្តប្រើប្រេងម៉ាស៊ូតនៅអឺរ៉ុប
ក្រសួងថាភ្ញៀវទេសចរជិត ១លាននាក់ដើរកំសាន្តថ្ងៃបុណ្យចូលឆ្នាំចិន
ត្រសក់រាប់តោនត្រូវបានពលរដ្ឋដឹកចាក់ចោលដោយសារគ្មានអ្នកទិញ
អគារលំដាប់ពិភពលោកកម្ពស់៦០០ម៉ែត្រគ្រោងនឹងជំនួសសណ្ឋាគារកាំបូឌីយ៉ាណា
រដ្ឋាភិបាលដាក់តំបន់កោះរ៉ុងជាឧទ្យានជាតិសមុទ្រ
សណ្ឋាគារ Intercontinental ភ្នំពេញប្តូរឈ្មោះទៅជាសណ្ឋាគារ The Great Duke
ប្រហិតវេចខ្ចប់ខុសបច្ចេកទេស និងខុសច្បាប់ជិតកន្លះតោនត្រូវសមត្ថកិច្ចបង្រ្កាប
រដ្ឋាភិបាលដាក់គោលដៅបង្កើនផលិតផលកៅស៊ូដល់ ២៩ម៉ឺនតោនក្នុងឆ្នាំ២០២០
រដ្ឋាភិបាលជំរុញឲ្យបង្កើនផលិតផលស្វាយចន្ទីដើម្បីនាំចេញទៅវៀតណាម
សមត្ថកិច្ចឲ្យពលរដ្ឋចូលរួមដើម្បីលុបបំបាត់ទំនិញ និងអាហារមានជាតិគីមី
ស្ករត្នោតជាច្រើនតោនសង្ស័យថាមានសាធាតុគីមី
ព្រលានយន្តហោះអន្តរជាតិថ្មីមួយគ្រោងនឹងសាងសងនៅក្រុងតាខ្មៅ
ចិនត្រៀមថវិកាជាង២រយលានដុល្លារសហរដ្ឋអាមេរិក សម្រាប់គម្រោងតូច-ធំ នៅកម្ពុជា
កម្ពុជា-ចិន ចុះកិច្ចព្រមព្រៀងជាមួយគ្នាលើគម្រោងបាញ់បង្ហោះផ្កាយរណប
កម្ពុជា-ចិន ឯកភាពគ្នាបង្កើតទំហំពាណិជ្ជកម្មទ្វេភាគីអោយបាន៦ប៊ីលានដុល្លារក្នុងឆ្នាំ២០២០
ក្រសួងទេសចរណ៍ថាភ្ញៀវទេសចរណ៍បរទេសកើនជិត ១២ ភាគរយ
ត្រឹមរយៈពេល ១សប្តាហ៍ខែមករា ឆ្នាំ ២០១៨នេះ រាជរដ្ឋាភិបាលសម្រេចអនុម័តលើគម្រោងវិនិយោគចំនួន ៥ផ្សេងគ្នា មានតម្លៃជិត ៤០លានដុល្លារ
ក្រសួងពាណិជ្ជកម្ម នឹងរៀបចំពិព័រណ៍ផលិតផល១ ខេត្ត១ នៅថ្ងៃទី១៥ ធ្នូខាងមុខនេះ