តុលាការឲ្យមេធាវីសហជីពចូលមកបំភ្លឺជុំវិញបណ្តឹងប្តឹងលោក ជា មុន្នី នៅថ្ងៃទី៩ ខែមករា ខាងមុខនេះ

(ភ្នំពេញ)៖ ព្រះរាជអាជ្ញារងសាលាដំបូងរាជធានីភ្នំពេញ លោក សៀង សុខ បានឲ្យមេធាវី​តំណាង​​​​ដោយអាណត្តិរបស់សហភាព និងសហព័ន្ធសហជីពកម្មករ​ចូលមកបំភ្លឺនៅ​តុលាការ​នៅ​​​ថ្ងៃទី៩ ខែមករា ឆ្នាំ២០១៨ ខាងមុខនេះ ជុំវិញដំណើររឿងនៃបណ្តឹងប្តឹងលោក ជា មុន្នី ពាក់​ព័ន្ធនឹងបទញុះញង់។ នេះបើយោងតាមលិខិតអញ្ជើញចុះថ្ងៃទី២២ ខែធ្នូនេះ របស់សាលាដំបូង​រាជធានីភ្នំពេញ។

នៅពេលចូលបំភ្លឺនៅតុលាការនេះដែរ ព្រះរាជអាជ្ញារងសាលាដំបូងរាជធានីភ្នំពេញ បានតម្រូវ ឲ្យមេធាវីរបស់សហភាព និងសហព័ន្ធសហជីពកម្មករ ត្រូវយកឯកសារផ្សេងៗមួយចំនួន ដែល​ពាក់ព័ន្ធនឹង​បណ្តឹងនេះមកជាមួយផងដែរ។

សូមជម្រាបថា មេធាវីតំណាងឲ្យសហភាព និងសហព័ន្ធសហជីពកម្មករចំនួន១២០ កាលពីថ្ងៃ ទី១៨ ខែធ្នូកន្លងទៅនេះ បានដាក់បណ្តឹងទៅសាលាដំបូងដោយប្តឹងលោក ជា មុន្នី សមាជិក​ក្រុម​ប្រឹក្សាឃ្លាំមើលកម្ពុជា និងជាអតីតប្រធានសហជីពសេរីកម្មករកម្ពុជាពីបទញុះញុង។

បណ្តឹងរបស់ក្រុមសហជីពនេះ គឺធ្វើឡើងបន្ទាប់ពីលោក ជា មុន្នី បាននិយាយតាមវិទ្យុអាស៊ី​សេរីកាលពីថ្ងៃទី១៥ ខែធ្នូ ឆ្នាំ២០១៧ ដោយអំពាវនាវឲ្យសហគមន៍អឺរ៉ុបដាក់ទណ្ឌកម្មមក​លើ​រដ្ឋាភិបាលកម្ពុជា ឲ្យកាន់តែលឿនបើរដ្ឋាភិបាលមិនអើពើចំពោះកង្វល់របស់សហគមន៍អឺរ៉ុប​ជុំវិញស្ថានការនយោបាយនៅកម្ពុជាក្រោយរំលាយបក្សប្រឆាំង។

ក្នុងពាក្យបណ្តឹងរបស់មេធាវីតំណាងឲ្យសហភាព និងសហព័ន្ធសហជីពកម្មករ បានចាត់ទុក​ការអំពាវនាវរបស់លោក ជា មុន្នី ថាមានចេតនាចង់ឲ្យអ្នកបញ្ជាទិញទាំងអស់ ឈប់ធ្វើការ​បញ្ជា​ទិញលើផលិតផលវាយនភ័ណ្ឌ និងផលិតផលផ្សេងៗដែលនាំចេញពីកម្ពុជា ទៅលក់​នៅបណ្តាប្រទេសក្នុងទ្វីបអឺរ៉ុបដើម្បីដាក់គំនាបឲ្យរដ្ឋាភិបាលមកធ្វើការចរចា និងដោះ​ស្រាយ​វិបត្តិនយោបាយជាគណបក្សប្រឆាំងឡើងវិញ។

ជាមួយគ្នានេះដែរ ពាក្យសម្តីរបស់លោក ជា មុន្នី ក៏ជាការបង្ហាញឲ្យឃើញនូវហានិភ័យធំៗ​ចំនួន​ពីរ រួមមាន សហគមន៍អឺរ៉ុប ក៏ដូចជាអ្នកបញ្ជាទិញនឹងឈប់ធ្វើការបញ្ជាទិញ ហើយពាក្យ​សម្តី​នេះទៀតសោត ក៏ជាការញុះញង់ឲ្យកម្មករទាំងអស់មានការថ្នាំងថ្នាក់ ឬស្អប់ខ្ពើមរដ្ឋាភិ​បាល ហើយងើបមកប្រឆាំង។ នេះគឺជាបញ្ជាក់របស់មេធាវីនៅក្នុងពាក្យបណ្តឹង។

រហូតមកដល់ពេលនេះ គេមិនទាន់ឃើញមានការប្រតិកម្មរបស់លោក ជា មុន្នី ជុំវិញបណ្តឹង​នេះនៅឡើយនោះទេ។ ហើយក៏មិនដឹងថាលោកនឹងដាក់មេធាវីដើម្បីការពារខ្លួននោះដែរ។

មេធាវីតំណាងឲ្យសហភាព និងសហព័ន្ធសហជីពកម្មករ បានស្នើឲ្យអយ្យការ​តុលាការ​ក្រុង​ភ្នំពេញ ធ្វើការចោទប្រកាន់លោក ជា មុន្នី និងបក្ខពួក និងទាមទារសំណងជំងឺចិត្ត​ចំនួន១​លាន​ដុល្លារផងដែរ៕

ព័ត៌មានផ្សេងទៀត

លោក កឹម សុខា មិនចូលរួមចលនាសង្គ្រោះជាតិទេ អង្គការឃ្លាំមើលសិទ្ធិមនុស្សអន្តរជាតិជំរុញឲ្យតុលាការទម្លាក់បទចោទលើលោក ជា មុន្នី ឯកសារសំខាន់ៗចំនួន១៩ ត្រូវចុះហត្ថលេខារវាងរាជរដ្ឋាភិបាលកម្ពុជា និងរដ្ឋាភិបាលចិន ក្រសួងការបរទេសចេញសេចក្តីប្រកាសព័ត៌មានក្រោយបញ្ចប់កិច្ចប្រជុំកំពូលមេគង្គ-ឡានឆាង លើកទី២ តុលាការកោះហៅលោក ជា មុន្នី អោយចូលមកបំភ្លឺជុំវិញបណ្តឹងរបស់សហជីព លោក ខៀវ សុភ័គ៖ សម្តេច ហ៊ុន សែន ឯកភាពអោយក្រសួងមហាផ្ទៃរៀបចំមាត្រាច្បាប់បន្ថែមដើម្បីដាក់ទោសអ្នកប្រមាថព្រះមហាក្សត្រ លោក សម រង្ស៊ី ចាញ់ក្តីសម្តេច ហ៊ុន​ សែន ក្នុងសំណុំរឿងបរិហារកេរ្តិ៍អស់១លានដុល្លារ សម្តេច ហ៊ុន សែន៖ ថ្ងៃនេះ គឺជាថ្ងៃប្រវត្តិសាស្រ្ត ដែលខ្មែរគ្រប់និន្នាការ​នយោ​បាយឈ្នះ​ទាំង​អស់គ្នា អង្គបោះឆ្នោតព្រឹទ្ធសភានីតិកាលទី៤ ឆ្នាំ២០១៨ខាងមុខនេះ មានចំនួនជាង១ម៉ឺននាក់ ទិន្នផលនេសាទបង្កងទឹកសាបនៅខេត្តតាកែវ កើនឡើងជិត២០ភាគរយ ក្នុងឆ្នាំ២០១៧នេះ តុលាការក្រុងភ្នំពេញកោះហៅលោក ម៉ម សូណង់ដូ មកបំភ្លឺជុំវិញសំណុំរឿង លោក កឹម សុខា រដ្ឋាភិបាលកម្ពុជា សម្រេចបង្កើតក្រុមការងារដើម្បីធ្វើវិសោធនកម្មរដ្ឋធម្មនុញ្ញ ចិនផ្តល់ជំនួយជាសម្ភារ បរិក្ខារ ចំនួន៣០មុខ ដល់គ.ជ.ប សម្រាប់ដំណើរការបោះឆ្នោតជាតិ​ខាង​មុខនេះ ជប៉ុន ថា ឆ្នាំ២០១៧នេះ ទំនាក់ទំនងរវាងជប៉ុន និងកម្ពុជា គឺមានការវិឌ្ឍន៍លើគ្រប់វិស័យ សម្តេច ហ៊ុន សែន ចង់ប្រើឲ្យអស់សក្តានុពលរបស់កូនខ្មែរក្នុងការរៀបចំគោលនយោបាយ​ជាតិ លោក អេង ឆៃអ៊ាង អះអាងថា អតីតបក្សប្រឆាំងមិនបង្កើតបក្សថ្មី តាមការចង់បានរបស់​បក្ស​កាន់អំណាចនោះទេ ព្រឹទ្ធសភាកម្ពុជា ហៅការសម្រេចរបស់សភាអឺរ៉ុប គឺជាការជ្រៀតជ្រែកចូលកិច្ចការផ្ទៃក្នុងកម្ពុជា លោក រ៉ុង ឈុន សុំការអនុញ្ញាតពីតុលាការដើម្បីជួបលោក កឹម សុខា នៅពន្ធនាគារ ក្រុង​/​ខណ្ឌ​ចំនួន​​៣៨​តម្រូវឱ្យ​មាន​បង្គន់​​សាធារណៈ​​ស្របតាម​​ស្ដង់ដារ​ត្រឹម​​ឆ្នាំ2017 ក្រុង​/​ខណ្ឌ​ចំនួន​​៣៨​តម្រូវឱ្យ​មាន​បង្គន់​​សាធារណៈ​​ស្របតាម​​ស្ដង់ដារ​ត្រឹម​​ឆ្នាំ2017