អង្គការឃ្លាំមើលសិទ្ធិមនុស្សអន្តរជាតិ Front Line Defenders ជំរុញឲ្យតុលាការទម្លា្កក់បទចោទលើអតីតប្រធានសហជីពលោក ជា មុន្នី និង ស្នើឲ្យអាជ្ញាធរធានាសុវត្ថិភាព និង ស៊ើបអង្កេតឲ្យបានត្រឹមត្រូវលើករណីគម្រាមសម្លាប់ និងការធ្វើទុក្ខបុកម្នេញលើលោកជាមន្នី។
លោកជាមុន្នី ដែលជាអតីតប្រធានសហជីពសេរីកម្មករ និង ជាប្អូនប្រុសបង្កើតរបស់លោក ជា វិជ្ជា ត្រូវបានអយ្យការអមសាលាដំបូងរាជធានីភ្នំពេញ លោក សៀង សុខ ចេញដីកាកោះចុះថ្ងៃទី០៥ ខែមករា ឆ្នាំ២០១៧ ឲ្យចូលបំភ្លឺក្នុងនាមជនសង្ស័យនៅព្រឹកថ្ងៃទី២២ ខែមករាសប្ដាហ៍ក្រោយ។
ឆ្លើយតបទៅនឹងការកោះហៅនេះ អង្គការ Front Line Defenders បានចេញសេចក្ដីថ្លែងការណ៍មួយចុះថ្ងៃទី ១៦ ខែ មករា ស្ដីពីការកោះហៅលោកហៅលោក ជា មុន្នី ពីសំណាក់តុលាការ និង ការធ្វើទុក្ខបុកម្នេញ គម្រាមកំហែងដល់អាយុជីវិត។
ក្នុងសេចក្ដីថ្លែងការអង្គការ Front Line Defenders បានជំរុញឲ្យតុលាការទម្លា្កក់ចោលនូវបទចោទលើលោក ជា មុន្នី និង ស្នើឲ្យអាជ្ញាធរធានាសុវត្ថិភាព និង ស៊ើបអង្កេតឲ្យបានត្រឹមត្រូវលើករណីគម្រាមសម្លាប់ និងការធ្វើទុក្ខបុកម្នេញលើលោកជា មន្នី។
ក្នុងសេចក្ដីថ្លែងការណ៍ដដែល Front Line Defenders ក៏ជំរុញឲ្យអាជ្ញាធរចាត់វិធានការចាំបាច់ផ្សេងៗដើម្បីធានានូវភាពភាពត្រឹមត្រូវ និង សន្តិសុខទាំងផ្លូវកាយនិងផ្លូវចិត្តរបស់លោកជាមុនី។
បន្ថែមលើនោះអង្គការ Frontline Defenders ក៏ស្នើឲ្យរដ្ឋាភិបាលឈប់ធ្វើទុក្ខបុកម្នេញសកម្មជន និងអង្គការការពារសិទ្ធិមនុស្ស និង ធានានូវការ ធ្វើសកម្មភាពរបស់ពួកគេអាចប្រព្រឹត្តិទៅបានដោយគ្មានការភ័យខ្លាច និងរងការគាបសង្កត់ផ្សេងៗពីសំណាក់តុលាការ។
លោក ជា មុន្នី ត្រូវបានក្រុមសហជីព ដែលគេមើលឃើញថា មានទំនោរគាំទ្ររដ្ឋាភិបាលប្តឹង ដោយចោទពីបទញុះញង់ បន្ទាប់ពីលោក បានធ្វើបទសម្ភាសន៍មួយជាមួយវិទ្យុអាស៊ីសេរីកាលពីចុងឆ្នាំ២០១៧ ដែលសហជីពទាំងនោះថា លោកជា មុន្នី បានអំពាវនាវឲ្យសហគមន៍អឺរ៉ុប និងសហរដ្ឋអាមេរិកដាក់ទណ្ឌកម្មលើរដ្ឋាភិបាលកម្ពុជាក្រោយរំលាយបក្សប្រឆាំង៕