ក្រសួងសាធារណការដាក់ឲ្យដំណើរការមណ្ឌលត្រួតពិនិត្យលក្ខណៈបច្ចេកទេសយានយន្ត សាខាជ្រោយចង្វារ

(ភ្នំពេញ)៖ ដើម្បីពង្រីកនិងបង្ខិតសេវាសាធារណៈឲ្យកាន់តែជិតប្រជាពលរដ្ឋ បង្កភាពងាយ​ស្រួល ចំណេញពេលវេលា កាត់បន្ថយគ្រោះថ្នាក់ចរាចរណ៍ និងការចំណាយផ្សេងៗ ក្រសួង​សាធារណការនៅថ្ងៃនេះ បានដាក់ឲ្យដំណើរការជាផ្លូវការនូវមណ្ឌលត្រួតពិនិត្យ​លក្ខណៈ​បច្ចេក​ទេសយានយន្ត សាខាជ្រោយចង្វាររបស់ក្រុមហ៊ុន CMVIC។

មណ្ឌលត្រួតពិនិត្យលក្ខណៈបច្ចេកទេសយានយន្តនេះ គឺមានទីតាំងឋិតនៅផ្លូវជាតិលេខ ៦ អា ភូមិ គៀនឃ្លាំង សង្កាត់ ជ្រោយចង្វារ ខណ្ឌ ជ្រោយចង្វារ រាជធានីភ្នំពេញ។ ​មណ្ឌលនេះមាន​បំពាក់​ឧបករណ៍​ត្រួតពិនិត្យលក្ខណៈបច្ចេកទេសទំនើប២ខ្សែ ផលិតនៅប្រទេសចិន ឆ្នាំ២០១៧ ដែល​​​ខ្សែនីមួយៗមានឧបករណ៍វាស់ផ្សែងសាំង ឧបករណ៍វាស់ផ្សែងម៉ាស៊ូត ឧបករណ៍វាស់​ល្បឿន រណ្តៅមើលបាតយាន ឧបករណ៍វាស់ភ្លើង ហ្វាកូត ឧបករណ៍វាស់ស៊ីផ្លេ ឧបករណ៍វាស់​លំងាក​ចង្កូត ឧបករណ៍ថ្លឹងទម្ងន់ និងឧបករណ៍វាស់កម្លាំងហ្វ្រាំង។

ថ្លែងក្នុងពិធីដាក់ឲ្យដំណើរការមណ្ឌលត្រួតពិនិត្យលក្ខណៈបច្ចេកទេសយានយន្ត សាខា​ជ្រោយ​ចង្វារ នៅព្រឹកថ្ងៃទី២១ ធ្នូនេះ លោក ស៊ុន ចាន់ថុល រដ្ឋមន្រ្តីក្រសួងសាធាណការ ​បានអំពាវនាវដល់បងប្អូន​ប្រជាពល​រដ្ឋ​យក​យានយន្តរបស់ខ្លួនមកត្រួតពិនិត្យលក្ខណៈបច្ចេក​ទេស​​អោយបានត្រឹមត្រូវ ដើម្បីកាត់​បន្ថយ​គ្រោះថ្នាក់ ចរាចរណ៍ ដែលបណ្តាលមកពីបញ្ហា​បច្ចេកទេស​យានយន្តរបស់ខ្លួន។

ជាមួយគ្នានេះដែរ លោករដ្ឋមន្រ្តី ក៏បានស្នើអោយ​ប្រជាពលរដ្ឋប្រើប្រព័ន្ធអនឡាញ​ដើម្បី​ស្នើសុំ​ឈៀក​ត្រួតពិនិត្យលក្ខណៈបច្ចេកទេសយានយន្ត ការចុះបញ្ជីយានយន្ត និងការស្នើសុំសេវាចាំ​បាច់​​ផ្សេងទៀត៕

ព័ត៌មានផ្សេងទៀត

ស្ករត្នោតជាច្រើនតោនសង្ស័យថាមានសាធាតុគីមី ជនរងគ្រោះពីការជួញដូរ ២៩នាក់ត្រូវបានជួយឲ្យវិលមកកម្ពុជាវិញ ជនជាតិចិន ១២នាក់ត្រូវបានឃាត់ខ្លួនពីបទលួចឆ្លងដែន និងស្នាក់នៅធ្វើខុសច្បាប់ យ៉ាងហោចណាស់ផ្ទះ ១៦ ខ្នងត្រូវបានឆាប់ឆេះនៅសង្កាត់ទឹកថ្លា បេក្ខជន​ជិត​ ៤​ពាន់នាក់​ប្រលង ខណៈការជ្រើសរើសមន្ដ្រីក្របខ័ណ្ឌពន្ធនាគារតែ ៣៥០នាក់ មនុស្ស ១០នាក់ស្លាប់ និង១៥នាក់រងរបួសធ្ងន់ ស្រាលដោយគ្រោះថ្នាក់ចរាចរណ៍ សីតុណ្ហភាពចុះត្រជាក់ខ្លាំងដល់ ១៣ និង ១៥ អង្សា គយជប៉ុន នឹងផ្តល់នាវាល្បាតពីរគ្រឿង ជូនរដ្ឋបាលគយ និងរដ្ឋាករកម្ពុជា ពលករខ្មែរនៅក្រៅប្រទេស បានផ្ញើប្រាក់ឲ្យគ្រួសារប្រមាណជា៣៨០០លាន ដុល្លារក្នុងមួយឆ្នាំៗ អាកាសធាតុនៅកម្ពុជា នឹងចុះត្រជាក់នៅថ្ងៃទី១០ ខែមករាខាងមុខនេះ សម្តេច ស​ ខេង ប្រកាសលុបបំបាត់ការដាក់ប៉ុស្តិ៍ត្រួតពិនិត្យនៅទូទាំងប្រទេស សម្រាប់ឆ្នាំ២០១៧នេះ មជ្ឈមណ្ឌលជាតិផ្តល់ឈាមទទួលបានការបរិច្ចាកឈាមពីវិស័យឯកជនចំនួន ២០ភាគរយប៉ុណ្ណោះ ទិន្នផលនេសាទបង្កងទឹកសាបនៅខេត្តតាកែវ កើនឡើងជិត២០ភាគរយ ក្នុងឆ្នាំ២០១៧នេះ ភ្លៀងនឹងធ្លាក់ក្នុងក្របខណ្ឌទូទាំងប្រទេសចាប់ពីថ្ងៃទី២៦ ធ្នូខាងមុខនេះតទៅ ធនាគារពិភពលោក៖ ការរីកចម្រើនដ៏ឆាប់រហ័សនៃរាជធានីភ្នំពេញ បានចូលរួមបង្កើតការងារ និងកាត់បន្ថយភាពក្រីក្រ ម្ចាស់ជ័យលាភីធ្វើឡូហ្គោខួបអនុស្សាវរីយ៍៦៥ឆ្នាំនៃទំនាក់ទំនងមិត្តភាពជប៉ុន-កម្ពុជា គឺបានទៅលើអ្នកសៀមរាប រដ្ឋមន្រ្តីក្រសួងព័ត៌មានហាមមិនអោយវិទ្យុ ទូរទស្សន៍ក្នុងស្រុកទាំងអស់ចាក់ផ្សាយ​ចម្រៀង​«គ្រូបង្រៀនស្រវឹងស្រា»របស់ផលិតកម្មថោន ចាប់ពីថ្ងៃទី១៨ ធ្នូខាងមុខនេះតទៅ អាកាសធាតុនឹងចុះត្រជាក់ខ្លាំងនៅតាមតំបន់ និងខេត្តមួយចំនួនរបស់កម្ពុជា អគ្គស្នងការរងនគរបាលជាតិ ណែនាំឲ្យមន្រ្តីនគរបាលចរាចរណ៍បង្កើនការរឹតបណ្តឹងច្បាប់ ខណៈចំនួនអ្នកស្លាប់មានការកើនឡើង របាយការណ៍ក្រសួងសាធារណការ៖ រថយន្តដឹកលើសទម្ងន់ជាង៣០០គ្រឿង ចាប់បានក្នុងខែ វិច្ឆិកា ឆ្នាំ២០១៧