(ភ្នំពេញ)៖ របាយការណ៍របស់ធនាគារពិភពលោក ស្តីពីការអភិវឌ្ឍទីក្រុងក្នុងរាជធានីភ្នំពេញ បានបង្ហាញថា ការរីកលូតលាស់ដ៏ឆាប់រហ័សរបស់រាជធានីភ្នំពេញក្នុងរយៈពេល ១០ឆ្នាំកន្លងមកនេះ បានចូលរួមចំណែកក្នុងការបង្កើនឱកាសការងារនិងកាត់បន្ថយភាពក្រីក្រ។ ប៉ុន្តែ ការយកចិត្តទុកដាក់លើការលើកកម្ពស់ផែនការ ការគ្រប់គ្រង និងហេដ្ឋារចនាសម្ព័ន្ធនៃទីក្រុង គឺត្រូវការជាចាំបាច់ដើម្បីចៀសវាងការរីករាលដាលនៃភាពគ្មានសណ្តាប់ធ្នាប់ ការស្ទះចរាចរណ៏ និងការបំពុលផ្សេងៗ។នេះបើយោងតាមការចុះផ្សាយរបស់ធនាគារពិភពលោកនៅថ្ងៃនេះ។
របាយការណ៍ដែលមានចំណងជើងថា ការអភិវឌ្ឍទីក្រុងក្នុងរាជធានីភ្នំពេញ របស់ធនាគារពិភពលោក បានលើកឡើងពីភាពប្រឈមជាច្រើន ក្នុងការផ្តល់ជាសេវាកម្មជាមួលដ្ឋាន ដែលរួមមាន ប្រព័ន្ធបង្ហូរទឹកស្អុយ ស្ថានីយកែច្នៃទឹកស្អុយ សេវាដឹកជញ្ជូនសាធារណៈ និងការគ្រប់គ្រងកាកសំណល់រឹង។ ការគ្រប់គ្រងនិងការផ្តល់ហិរញ្ញប្បទានលើការរៀបចំក្រុង ការពង្រឹងអភិបាលកិច្ច និងការផ្តល់សេវាកម្ម ក៏ជួបបញ្ហាប្រឈមដែរ។
លោកស្រី អ៊ីហ្គូណា ដូប្រាចា នាយិកាគ្រប់គ្រងធនាគារពិភពលោកប្រចំាកម្ពុជា បានមានប្រសាសន៍ថា រាជធានីភ្នំពេញប្រឈមនឹងឱកាសដ៏សំខាន់មួយក្នុងការកែខៃទីក្រុងជាវិជ្ជមានមួយសម្រាប់អនាគតរបស់ខ្លួន ការបង្កើតការងារអោយបានច្រើនថែមទៀត និងការបង្កលទ្ធភាពអោយមានសេវាកម្មកាន់តែប្រសើរជាងមុន។ លោកស្រី ថាការអភិវឌ្ឍទីក្រុងដែលមានការគ្រប់គ្រងនិងរៀបចំផែនការបានល្អ អាចជួយធ្វើអោយទីក្រុងមានភាពល្បីល្បាយក្នុងការធានាឲ្យមានស្តងដាររស់នៅប្រសើរសម្រាប់អនាគតមនុស្សជំនាន់ក្រោយផងដែរ។
របាយការណ៍ដដែល ក៏បានផ្តល់នូវអនុសាសន៍ជាច្រើន ដើម្បីធ្វើអោយការរីកលូតលាស់នៅក្នុងទីក្រុងកាន់តែមានលក្ខណៈប្រកួតប្រជែង កាន់តែមាននិរន្តរភាព និងកាន់តែគ្របដណ្តប់ទូលំទូលាយលើវិស័យសំខាន់ៗចំនួន៤។
វិស័យទាំង៤នោះរួមមាន៖ ទី១ គឺត្រូវកែលម្អស្ថាប័ន និងអភិបាលកិច្ច ដើម្បីអោយទីក្រុងអាចអភិវឌ្ឍន៍ទៅបានប្រកបដោយភាពសុខដុមនិងមានប្រសិទ្ធិភាពជាងមុន។ ទី២ គឺត្រូវកែលម្អផែនការរៀបចំទីក្រុងនិងការអនុវត្តផែនការ តាមរយៈការបង្កើតបទដ្ឋានគតិយុទ្ធ ក្របខ័ណ្ឌច្បាប់ និងពង្រឹងផែនការរៀបចំទីក្រុងដែលមានស្រាប់។ ទី៣ គឺត្រូវវិនិយោគលើហេដ្ឋារចនាសម្ព័ន្ធទីក្រុងដែលប្រកបដោយនិរន្តរភាព ដើម្បីលើកកម្ពស់កម្រិតជីវភាពរស់នៅនិងភាពប្រកួតប្រជែង និងទី៤ គឺត្រូវធានាថា ការរៀបចំទីក្រុងត្រូវគិតគូរអោយបានគ្រប់ជ្រុងជ្រោយដើម្បីចៀសវាងកុំអោយមានវិសមភាព៕
ព័ត៌មានផ្សេងទៀត
រដ្ឋាភិបាលដាក់ចេញផ្សព្វផ្សាយនូវគោលនយោបាយមនុស្សចាស់ឆ្នាំ ២០១៧-២០៣០
ស្ករត្នោតជាច្រើនតោនសង្ស័យថាមានសាធាតុគីមី
ជនរងគ្រោះពីការជួញដូរ ២៩នាក់ត្រូវបានជួយឲ្យវិលមកកម្ពុជាវិញ
ជនជាតិចិន ១២នាក់ត្រូវបានឃាត់ខ្លួនពីបទលួចឆ្លងដែន និងស្នាក់នៅធ្វើខុសច្បាប់
យ៉ាងហោចណាស់ផ្ទះ ១៦ ខ្នងត្រូវបានឆាប់ឆេះនៅសង្កាត់ទឹកថ្លា
បេក្ខជនជិត ៤ពាន់នាក់ប្រលង ខណៈការជ្រើសរើសមន្ដ្រីក្របខ័ណ្ឌពន្ធនាគារតែ ៣៥០នាក់
មនុស្ស ១០នាក់ស្លាប់ និង១៥នាក់រងរបួសធ្ងន់ ស្រាលដោយគ្រោះថ្នាក់ចរាចរណ៍
សីតុណ្ហភាពចុះត្រជាក់ខ្លាំងដល់ ១៣ និង ១៥ អង្សា
គយជប៉ុន នឹងផ្តល់នាវាល្បាតពីរគ្រឿង ជូនរដ្ឋបាលគយ និងរដ្ឋាករកម្ពុជា
ពលករខ្មែរនៅក្រៅប្រទេស បានផ្ញើប្រាក់ឲ្យគ្រួសារប្រមាណជា៣៨០០លាន ដុល្លារក្នុងមួយឆ្នាំៗ
អាកាសធាតុនៅកម្ពុជា នឹងចុះត្រជាក់នៅថ្ងៃទី១០ ខែមករាខាងមុខនេះ
សម្តេច ស ខេង ប្រកាសលុបបំបាត់ការដាក់ប៉ុស្តិ៍ត្រួតពិនិត្យនៅទូទាំងប្រទេស
សម្រាប់ឆ្នាំ២០១៧នេះ មជ្ឈមណ្ឌលជាតិផ្តល់ឈាមទទួលបានការបរិច្ចាកឈាមពីវិស័យឯកជនចំនួន ២០ភាគរយប៉ុណ្ណោះ
ទិន្នផលនេសាទបង្កងទឹកសាបនៅខេត្តតាកែវ កើនឡើងជិត២០ភាគរយ ក្នុងឆ្នាំ២០១៧នេះ
ក្រសួងសាធារណការដាក់ឲ្យដំណើរការមណ្ឌលត្រួតពិនិត្យលក្ខណៈបច្ចេកទេសយានយន្ត សាខាជ្រោយចង្វារ
ភ្លៀងនឹងធ្លាក់ក្នុងក្របខណ្ឌទូទាំងប្រទេសចាប់ពីថ្ងៃទី២៦ ធ្នូខាងមុខនេះតទៅ
ម្ចាស់ជ័យលាភីធ្វើឡូហ្គោខួបអនុស្សាវរីយ៍៦៥ឆ្នាំនៃទំនាក់ទំនងមិត្តភាពជប៉ុន-កម្ពុជា គឺបានទៅលើអ្នកសៀមរាប
រដ្ឋមន្រ្តីក្រសួងព័ត៌មានហាមមិនអោយវិទ្យុ ទូរទស្សន៍ក្នុងស្រុកទាំងអស់ចាក់ផ្សាយចម្រៀង«គ្រូបង្រៀនស្រវឹងស្រា»របស់ផលិតកម្មថោន
ចាប់ពីថ្ងៃទី១៨ ធ្នូខាងមុខនេះតទៅ អាកាសធាតុនឹងចុះត្រជាក់ខ្លាំងនៅតាមតំបន់ និងខេត្តមួយចំនួនរបស់កម្ពុជា
របាយការណ៍ក្រសួងសាធារណការ៖ រថយន្តដឹកលើសទម្ងន់ជាង៣០០គ្រឿង ចាប់បានក្នុងខែ វិច្ឆិកា ឆ្នាំ២០១៧