កម្ពុជាចុះកិច្ចព្រមព្រៀងជាមួយខេត្តហ៊ូប៉ី ប្រទេសចិន ដើម្បីជំរុញកំណើនភ្ញៀវទេសចរ

(ភ្នំពេញ)៖ កម្ពុជា និងខេត្តហ៊ូប៉ី ប្រទេសចិន បានចុះកិច្ចព្រមព្រៀងជាមួយគ្នា​ដើម្បី​ជំរុញ កំណើនទេសចរចិនមកកាន់កម្ពុជា និងពីកម្ពុជាទៅខេត្តហ៊ូប៉ី ប្រទេសចិនអោយមាន
កំណើនថែមទៀតបន្ទាប់ពីមានការភ្ជាប់ជើងហោះហើរត្រង់ជាមួយ គ្នាតាំងពីឆ្នាំ២០១២មក។ នេះបើយោងតាមការចុះផ្សាយរបស់ទីភ្នាក់សារព័ត៌មានកម្ពុជានៅថ្ងៃទី២០ ធ្នូនេះ។

ការចុះហត្ថលេខាលើកិច្ចព្រមព្រៀងសហប្រតិបត្តិការលើវិស័យទេសចរណ៍ ជាមួយគ្នានេះបានធ្វើឡើងនៅក្នុងសិក្ខាសាលាស្តីពីការជំរុញវិស័យទេសចរណ៍រវាងកម្ពុជា និងខេត្តហ៊ូប៉ី ប្រទេសចិន នៅថ្ងៃទី២០ ធ្នូនេះ នាសណ្ឋាគារសុខា​ភ្នំពេញ រាជធានីភ្នំពេញ។

លោកស្រី ហ៊ូលីវ យ៉ាន់ (Puliu Yan) នាយកគណៈកម្មាធិការអភិវឌ្ឍន៍ទេសចរណ៍ ខេត្តហ៊ូប៉ី ប្រទេសចិន បានឱ្យដឹងថា តាមរយៈកិច្ចសហប្រតិបត្តិការនេះនឹងជំរុញកំណើនទេសចរ ទ្វេភាគីបន្ថែមមួយកម្រិតទៀត ខណៈដែលចំនួនប្រជាជននៅក្នុងខេត្តហ៊ូប៉ីមានរហូត ដល់៦០លាននាក់ ជាមួយនឹងខេត្តហ៊ូប៉ីមានតំបន់ ទេសចរណ៍វប្បធម៌បៃតងជាច្រើនផងដែរ។

លោក ឆាយ ឃុនឡុង អគ្គនាយករងទទួលបន្ទុកផ្នែកឧស្សាហកម្មទេសចរណ៍ នៃក្រសួងទេសចរណ៍ បានអះអាងថាចំនួនទេសចរចិនមកកាន់កម្ពុជា អាចកើនឡើង ដល់១លាននាក់នៅត្រឹមដំណាច់ឆ្នាំ២០១៧នេះ ដោយឈរចំណាត់ថ្នាក់លេខ១ ក្នុងចំណោមទេសចរបរទេសដែលបានមកដល់កម្ពុជាប្រមាណជិត៥លាននាក់។ លោក ថា កំណើនភ្ញៀវទេស​ចរចិននេះ គឺដោយសារតែកម្ពុជាបានផ្តល់ទំនុកចិត្ត និងសម្រួលទៅលើសេវាទេស​ចរណ៍ឆ្លើយតបតម្រូវការរបស់ទេសចរចិននៅតាមច្រកចេញចូល និងតំបន់ទេសចរណ៍នានារបស់កម្ពុជា។

សូមជម្រាបថា ផែនការទាក់ទាញភ្ញៀវទេសចរពីប្រទេសចិនត្រូវបានគេរំពឹងទុកថា នឹងកើនឡើងដល់២លាននាក់ នៅត្រឹមឆ្នាំ២០២០ បន្ទាប់ពីមានការបើកជើងហោះហើរត្រង់ នៅតំបន់ទេសចរណ៍មួយចំនួននៃប្រទេសចិន និងកម្ពុជា រួមនិងកិច្ចខិតខំទាក់ទាញវិនិយោគ បន្ថែមទៀតទៅលើវិស័យទេសចរណ៍៕

ព័ត៌មានផ្សេងទៀត

ជនជាតិវៀតណាម ២៥នាក់ត្រូវបានឃាត់ខ្លួនពីបទស្នាក់នៅខុសច្បាប់ រដ្ឋាភិបាលថាមួយខែចំណាយអស់ ១៥ម៉ឺនដុល្លារលើសេវារថយន្តក្រុង រដ្ឋាភិបាលគ្រោងធ្វើវិសោធនកម្មច្បាប់ស្តីពីអន្តោប្រវេសន៍ និងច្បាប់ស្តីពីសញ្ជាតិ ពលរដ្ឋម្នាក់ត្រូវបានបាញ់ស្លាប់នៅពេលនគរបាលចុះបង្ក្រាបសង្វៀនជល់មាន់ រដ្ឋាភិបាល​ដាក់​ចេញ​ផ្សព្វផ្សាយ​នូវ​គោល​នយោបាយ​មនុស្ស​ចាស់​ឆ្នាំ​ ២០១៧-២០៣០ ជនរងគ្រោះពីការជួញដូរ ២៩នាក់ត្រូវបានជួយឲ្យវិលមកកម្ពុជាវិញ ជនជាតិចិន ១២នាក់ត្រូវបានឃាត់ខ្លួនពីបទលួចឆ្លងដែន និងស្នាក់នៅធ្វើខុសច្បាប់ យ៉ាងហោចណាស់ផ្ទះ ១៦ ខ្នងត្រូវបានឆាប់ឆេះនៅសង្កាត់ទឹកថ្លា បេក្ខជន​ជិត​ ៤​ពាន់នាក់​ប្រលង ខណៈការជ្រើសរើសមន្ដ្រីក្របខ័ណ្ឌពន្ធនាគារតែ ៣៥០នាក់ មនុស្ស ១០នាក់ស្លាប់ និង១៥នាក់រងរបួសធ្ងន់ ស្រាលដោយគ្រោះថ្នាក់ចរាចរណ៍ សីតុណ្ហភាពចុះត្រជាក់ខ្លាំងដល់ ១៣ និង ១៥ អង្សា ពលករខ្មែរនៅក្រៅប្រទេស បានផ្ញើប្រាក់ឲ្យគ្រួសារប្រមាណជា៣៨០០លាន ដុល្លារក្នុងមួយឆ្នាំៗ អាកាសធាតុនៅកម្ពុជា នឹងចុះត្រជាក់នៅថ្ងៃទី១០ ខែមករាខាងមុខនេះ សម្រាប់ឆ្នាំ២០១៧នេះ មជ្ឈមណ្ឌលជាតិផ្តល់ឈាមទទួលបានការបរិច្ចាកឈាមពីវិស័យឯកជនចំនួន ២០ភាគរយប៉ុណ្ណោះ ទិន្នផលនេសាទបង្កងទឹកសាបនៅខេត្តតាកែវ កើនឡើងជិត២០ភាគរយ ក្នុងឆ្នាំ២០១៧នេះ ភ្លៀងនឹងធ្លាក់ក្នុងក្របខណ្ឌទូទាំងប្រទេសចាប់ពីថ្ងៃទី២៦ ធ្នូខាងមុខនេះតទៅ ម្ចាស់ជ័យលាភីធ្វើឡូហ្គោខួបអនុស្សាវរីយ៍៦៥ឆ្នាំនៃទំនាក់ទំនងមិត្តភាពជប៉ុន-កម្ពុជា គឺបានទៅលើអ្នកសៀមរាប រដ្ឋមន្រ្តីក្រសួងព័ត៌មានហាមមិនអោយវិទ្យុ ទូរទស្សន៍ក្នុងស្រុកទាំងអស់ចាក់ផ្សាយ​ចម្រៀង​«គ្រូបង្រៀនស្រវឹងស្រា»របស់ផលិតកម្មថោន ចាប់ពីថ្ងៃទី១៨ ធ្នូខាងមុខនេះតទៅ អាកាសធាតុនឹងចុះត្រជាក់ខ្លាំងនៅតាមតំបន់ និងខេត្តមួយចំនួនរបស់កម្ពុជា របាយការណ៍ក្រសួងសាធារណការ៖ រថយន្តដឹកលើសទម្ងន់ជាង៣០០គ្រឿង ចាប់បានក្នុងខែ វិច្ឆិកា ឆ្នាំ២០១៧