ខេត្តកំពង់ធំ ៖ នៅព្រឹកថ្ងៃអង្គារ៍ ១៣កើត ខែបុស្ស ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៣ ខែមករា ឆ្នាំ២០២៤នេះ សាខាកាកបាទក្រហមកម្ពុជាបានបើកកិច្ចប្រជុំបូកសរុបសកម្មភាពការងារឆ្នាំ២០២៣ និងលើកទិសដៅឆ្នាំ២០២៤ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ងួន រតនៈ អភិបាលនៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជា ព្រមទាំងសមាជិកសមាជិកាគណៈកម្មាធិការសាខា ប្រធានអនុប្រធានគណៈកម្មាធិការអនុសាខាក្រុង/ស្រុកទាំង៩ រួមនឹងមន្រ្តីប្រតិបត្តិសាខាអនុសាខាផងដែរ។
ឯកឧត្តមប្រធានបានមានប្រសាសន៍ថា កាលពីឆ្នាំ២០២៣កន្លងមកនេះ ក្នុងនាមជាជំនួយការឱ្យអាជ្ញាធរសាធារណៈលើវិស័យមនុស្សធម៌ ក្រោមការដឹកនាំដ៏ឈ្លាសវៃរបស់ សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ប្រធានកាកបាទក្រហមកម្ពុជា និងការចង្អុលបង្ហាញផ្ទាល់ពីគណៈកម្មាធិការសាខា អនុសាខាទំាង៩ ព្រមទាំងមានការគាំទ្រជាថវិកា និងសម្ភាររបស់សប្បុរសជនទាំងក្នុង និងក្រៅខេត្ត ញុំាងឱ្យកាកបាទក្រហមកម្ពុជាសាខាខេត្តកំពង់ធំ បានបំពេញបេសកកម្មរបស់ខ្លួន ស្របតាមទិស យុទ្ធសាស្រ្តឆ្នាំ២០២១-២០៣០ របស់កាកបាទក្រហមកម្ពុជា ពោលគឺ (ទីណាមានទុក្ខលំបាក ទីនោះ មានកាកបាទក្រហមកម្ពុជា និងកាកបាទក្រហមកម្ពុជាមានគ្រប់ទីកន្លែងសម្រាប់គ្រប់ៗគ្នា មិនទុកអ្នក ណាម្នាក់ចោលឡើយ) ។
ក្នុងរបាយការណ៍បូកសរុបលទ្ធផលការងារឆ្នាំ២០២៣ ដែលអានដោយឯកឧត្តម ជា វ៉ាន់ចាន់ លេខាធិការនៃគណៈកម្មាធិការសាខា បានបង្ហាញថា៖ ពេញមួយឆ្នាំ២០២៣កន្លងនេះ កាកបាទក្រហម កម្ពុជាខេត្តកំពង់ធំ បានធ្វើការឆ្លើយតបជួយដល់ជនរងគ្រោះ ជនងាយរងគ្រោះ សរុបទូទាំងខេត្តចំនួន១,១៥៣គ្រួសារ ដែលអំណោយមនុស្សធម៌មាន÷ ថវិកា អង្ករ មី ទឹកត្រី ទឹកស៊ីអ៊ីវត្រីខកំប៉ុង ឃីត(មុង សារុង ក្រមា ភួយ) កន្ទេល ឃីតកូនក្មេង កៅស៊ូតង់ ឆ្នាំង ធុងទឹក សម្ភារផ្ទះបាយជាដើម។ ជនរងគ្រោះ និងងាយរងគ្រោះទំាងនោះរួមមាន៖ ភ្លើងឆេះផ្ទះ ខ្យល់កន្រ្តាក់រលំផ្ទះររបើកដំបូល ស្លាប់ដោយលង់ទឹក ស្លាប់ដោយគ្រោះថ្នាក់ចរាចរណ៍ ស្លាប់ដោយសារគ្រាប់មិនទាន់ផ្ទុះពីសង្រ្គាម រន្ទះបាញ់ស្លាប់ គ្រួសារក្រីក្រមានជំងឺ ស្រ្តីមេម៉ាយជនចាស់ជរាគ្មានទីពឹង ស្រ្តីមានផ្ទៃពោះ ស្រ្តីទើបឆ្លងទន្លេ និងករណីផ្សេងៗទៀត។
ជាទិសដៅអនុវត្តបន្តសម្រាប់ឆ្នាំ២០២៤ សាខាកាកបាទក្រហមកម្ពុជាខេត្តកំពង់ធំ ដែលមានក្រុមប្រតិបត្តិសាខា អនុសាខាទាំង០៩ក្រុង/ស្រុក ត្រូវបន្តអនុវត្តតាមផែនការសកម្មភាពរបស់ខ្លួនដែលបានដាក់ចុះ គឺស្របតាមវិស័យអាទិភាពទាំង៤របស់កាកបាទក្រហមកម្ពុជា÷ ទី១.ការគ្រប់គ្រងគ្រោះមហន្តរាយ វិបត្តិភ័យ និងការប្រែប្រួលអាកាសធាតុ ទី២.សុខភាព និងការថែទាំសុខភាព ក្នុងសហគមន៍ ទី៣. ការលើកកម្ពស់គោលការណ៍គ្រឹះ និងតម្លៃមនុស្សធម៌ និងទី៤. ការអភិវឌ្ឍស្ថាប័ន។
ក្នុងមតិផ្តំាផ្ញើចុងនៃកិច្ចប្រជុំ ឯកឧត្តម ងួន រតនៈអភិបាលខេត្ត និងជាប្រធានគណៈកម្មាធិការ បានជំរុញឲ្យគ្រប់អនុសាខាទាំងអស់ ដែលមានក្រុមកាកបាទក្រហមទាំង៨១ឃុំ/សង្កាត់ ជាពិសេស អ្នកស្ម័គ្រចិត្តកាកបាទក្រហមដែលជាឆ្នឹងខ្នងមាននៅគ្រប់ភូមិទាំងអស់ ត្រូវបន្តរុករកឲ្យឃើញនូវ ជនងាយរងគ្រោះ និងរងគ្រោះទាំងឡាយនៅគ្រប់មូលដ្ឋានរបស់ខ្លួនអោយបានច្បាស់លាស់ ដោយមិនទុកឱ្យពួកគាត់រងគ្រោះដោយសារយើងមិនបានដឹងនោះទេ។ បន្ថែមពីលើនេះទៀត ឯកឧត្តមប្រធានក៏បានថ្លែងអំណរគុណដល់ជួរគណៈកម្មាធិការសាខា អនុសាខា មន្រ្តីប្រតិបត្ត អ្នកស្ម័គ្រចិត្ត យុវជនកាកបាទក្រហម ជាពិសេសប្បុរសជនទាំងក្នុងនិងក្រៅខេត្តទាំងអស់ ដែលបានលះ បង់កម្លាំងកាយចិត្ត និងធនធានប្រកបដោយទឹកចិត្តសប្បុរសធម៌ ដើម្បីសាខាកាកបាទក្រហមខេត្ត មានលទ្ធភាពបន្តជួយដល់ជនរងគ្រោះ និងជនងាយរងគ្រោះនៅទូទាំងខេត្តកំពង់ធំ។
គួរបញ្ជាក់ថា៖ ក្នុងឆ្នាំ២០២៣កន្លងទៅនេះ ខេត្តកំពង់ធំបានទទួលរងនូវគ្រោះមហន្តរាយ ផ្សេងៗជាច្រើន ជាពិសេសគ្រោះទឹកជំនន់ ដោយសារភូមិសាស្រ្តខេត្តមានស្ទឹងសែនដែលជាស្ទឹងវែង និងធំជាងគេក្នុងប្រទេសកម្ពុជា។ ជាមួយគ្នានោះដែរ សាខាកាកបាទក្រហមខេត្ត បានធូរស្រាលមួយ អន្លើរ ដោយសារជំនួយឧបត្ថម្ភដែលគ្រួសាររងគ្រោះ និងងាយរងគ្រោះបានទទួល គឺបានពី គណៈកម្មាធិការគ្រប់គ្រងគ្រោះមហន្តរាយថ្នាក់ជាតិនិងថ្នាក់ខេត្ត៕
ព័ត៌មានផ្សេងទៀត
រដ្ឋមន្ត្រីក្រសួងព័ត៌មាន លើកឡើងថា ការគ្រប់គ្រងសន្តិសុខព័ត៌មានឱ្យល្អ គឺដើម្បីកុំឱ្យ ប្រជាពលរដ្ឋយល់ច្រឡំ
លោកជំទាវ ម៉ែន នារីសោភ័គ និងលោកជំទាវ លំ គន្ធារី អញ្ជើញចុះសួរសុខទុក្ខ និងចែកអំណោយមនុស្សធម៌ ជូនដល់ស្ត្រីទើបសម្រាលកូនរួច និងត្រៀមសម្រាលកូន នៅមណ្ឌលសុខភាពព្រៃប្រស់
បញ្ជូនខ្លួនជនសង្ស័យ២នាក់ ទៅតុលាការ ពាក់ព័ន្ធករណីគ្រឿងញៀន
ក្រសួងសុខាភិបាល ប្រកាសព័ត៌មាន អំពីផលប៉ះពាល់សុខភាព ដោយសារគ្រឿងស្រវឹង
បញ្ជាការដ្ឋាន តំបន់ប្រតិបត្តិការសឹករងកំពង់ធំ ប្រារព្ធមីទិ្ទង អបអរសាទរ ខួបលើកទី៤៥ឆ្នាំ នៃទិវាជ័យជម្នះ៧ មករា ( ០៧-០១-១៩៧៩/-០៧-០១-២០២៤)
ក្រសួងអធិការកិច្ច មានសមត្ថកិច្ច ចុះត្រួតពិនិត្យស្រាវជ្រាវ នៅតាមស្ថាប័ន ទាំងរឿងល្អ និងមិនល្អ
ឯកឧត្តម នេត្រ ភក្ត្រា អញ្ជើញជាអធិបតី ពិធីផ្សព្វផ្សាយ សេចក្តីសម្រេចចិត្តនៃ មហាសន្និបាតវិសាមញ្ញ តំណាងទូទាំងប្រទេស របស់គណបក្សប្រជាជនកម្ពុជា នៅខេត្តក្រចេះ
កម្ពុជា-ចិន ឯកភាពគ្នាបង្កើតទំហំពាណិជ្ជកម្មទ្វេភាគីអោយបាន៦ប៊ីលានដុល្លារក្នុងឆ្នាំ២០២០
ក្រសួងសាធារណការផាកពិន័យរថយន្តដឹកលើសទម្ងន់បានជាង៥រយលានរៀល សម្រាប់ខែធ្នូ ឆ្នាំ២០១៧
មន្រ្តីជាប់កិច្ចសន្យាត្រូវបានដំឡើងប្រាក់ខែពី៥០ម៉ឺនរៀល ទៅ៦០ម៉ឺនរៀល ចាប់ពីខែមករា នេះតទៅ
សង្គមស៊ីវិលសាទរចំពោះវិធានការក្តៅរបស់សមត្ថកិច្ចក្នុងការចាប់អ្នកជិះម៉ូតូដែលមិនពាក់មួកសុវត្ថិភាព
ស្នងការនគរបាលរាជធានីភ្នំពេញនឹងប្រើប្រាស់កម្លាំងអន្តរាគមន៍ពិសេសដើម្បីធ្វើការរឹតបន្តឹងច្បាប់ចរាចរណ៍
សម្តេច ហ៊ុន សែន៖ ថ្ងៃនេះ គឺជាថ្ងៃប្រវត្តិសាស្រ្ត ដែលខ្មែរគ្រប់និន្នាការនយោបាយឈ្នះទាំងអស់គ្នា
សាលារាជធានីភ្នំពេញគ្រោងសាងសង់ទីតាំងចំនួន៦ សម្រាប់ធ្វើស្ថានីយ៍អ្នកដំណើរសេវាដឹកជញ្ជូនផ្លូវទឹកតាមដងទន្លេ
តុលាការក្រុងភ្នំពេញកោះហៅលោក ម៉ម សូណង់ដូ មកបំភ្លឺជុំវិញសំណុំរឿង លោក កឹម សុខា
រដ្ឋាភិបាលកម្ពុជា សម្រេចបង្កើតក្រុមការងារដើម្បីធ្វើវិសោធនកម្មរដ្ឋធម្មនុញ្ញ
តុលាការឲ្យមេធាវីសហជីពចូលមកបំភ្លឺជុំវិញបណ្តឹងប្តឹងលោក ជា មុន្នី នៅថ្ងៃទី៩ ខែមករា ខាងមុខនេះ
ចៅក្រមស៊ើបសួរ បដិសេធសំណើរលោក រ៉ុង ឈុន សុំជួបលោក កឹម សុខា នៅពន្ធនាគារ
ក្រុង/ខណ្ឌចំនួន៣៨តម្រូវឱ្យមានបង្គន់សាធារណៈស្របតាមស្ដង់ដារត្រឹមឆ្នាំ2017
ក្រុង/ខណ្ឌចំនួន៣៨តម្រូវឱ្យមានបង្គន់សាធារណៈស្របតាមស្ដង់ដារត្រឹមឆ្នាំ ២០១៨ជាតិ