ខេត្តកំពង់ធំ ៖ នៅរសៀលថ្ងៃទី ១៩ ខែមករា ឆ្នាំ២០២៤ លោកជំទាវ ម៉ែន នារីសោភ័គ អគ្គលេខាធិការស្តីទី កាកបាទក្រហមកម្ពុជា ជាអនុប្រធានអចិន្ត្រៃយ៍ក្រុមការងារឥស្សរជនឆ្នើមថ្នាក់ជាតិ និងលោកជំទាវ លំ គន្ធារី អនុប្រធានគណៈកម្មាធិការសាខាកាកបាទក្រហមកម្ពុជា ខេត្តកំពង់ធំ បានអញ្ជើញជួបសំណេះសំណាល សួរសុខទុក្ខ និងចែកអំណោយមនុស្សធម៌ ជូនដល់ស្ត្រីទើបសម្រាលកូនរួច និងត្រៀមសម្រាលចំនួន ២៣នាក់ នៅមណ្ឌលសុខភាពព្រៃប្រស់ ដែលស្ថិតក្នុងឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ។
ក្នុងឱកាសនោះ លោកជំទាវ ម៉ែន នារីសោភ័គ បានសម្តែងនូវក្តីសោមនស្សរីករាយ និងបានពាំនាំប្រសាសន៍របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិ នៃវេទិកាភាពជាអ្នកដឹកនាំតំបន់អាស៊ី -ប៉ាស៊ីហ្វិកឆ្លើយតបមេរោគអេដស៍ជំងឺអេដស៍ និងការអភិវឌ្ឍនៅកម្ពុជា និងជាឥស្សរជនឆ្នេីមថ្នាក់ជាតិ នៃផែនការសកម្មភាពរួមអគ្គលេខាធិការអង្គការសហប្រជាជាតិ ដើម្បីសុខភាពស្ត្រីនិងកុមារ ដែលផ្តាំផ្ញើសួរសុខទុក្ខ និងសារអប់រំសុខភាពស្តីពី អត្ថប្រយោជន៍នៃការមកពិនិត្យផ្ទៃពោះឱ្យបានទៀងទាត់ ពិនិត្យផ្ទៃពោះឱ្យបានយ៉ាងតិច ៤ដង មុនពេលសម្រាលការទទួលទានអាហារូបត្ថម្ភ បន្លែធម្មជាតិ ដេីម្បីសុខភាពល្អទាំងម្តាយនិងទារកក្នុងផ្ទៃ, កុំបរិភោគផ្អែមពេក-ប្រៃពេក ដែលអាចបង្កជាជំងឺផ្សេងៗ ដដូចពាក្យចាស់ពោលថា(ស្រឡាញ់ខ្លួន ឱ្យស្ងួនចំណី)(ការពារប្រសេីរជាងព្យាបាល) (ញាំអាហារជាថ្នាំ កុំញាំថ្នាំជាអាហារ)ជាដើម។ ទន្ទឹមនឹងនេះ សូមក្មួយៗបំបៅកូនដោយទឹកដោះម្តាយ ដើម្បីកូនមានសុខភាពល្អ ធន់នឹងជំងឺផ្សេងៗ, បន្តពិនិត្យសុខភាពក្រោយពេលសម្រាល ចាក់វ៉ាក់សាំង បង្ការដល់ទារក ចំណែកឯម្តាយត្រូវចាក់វ៉ាក់សាំងបង្ការជំងឺមហារីកមាត់ស្បូន និងជំងឺមហារីកសុដន់ជាដេីម។ ស្ត្រីជាមាតាទាំងអស់ត្រូវរស់នៅមានអនាម័យ ផឹកទឹកឆ្អិន បរិភោគអាហារមានជីវជាតិគ្រប់គ្រាន់ អាហារូបត្ថម្ភត្រឹមត្រូវ និងថែទាំសុខភាពឱ្យបានល្អ។
លោកជំទាវ ក៏បានថ្លែងអំណរគុណចំពោះ ក្រុមគ្រូពេទ្យនៃមណ្ឌលសុខភាព ព្រៃប្រស់ ដែលបានយកអស់កម្លាំងកាយចិត្ត មើលថែទាំប្រជាពលរដ្ឋទាំងអស់ដែលមកទទួលសេវានៅក្នុងមណ្ឌល បានយ៉ាងល្អប្រសើរ និងប្រកបដោយវិជ្ជាជីវៈត្រឹមត្រូវផងដែរ។
ស្ត្រីជាមាតាទាំង ២៣គ្រួសារ បានថ្លែងអំណរគុណយ៉ាងជ្រាលជ្រៅចំពោះ កាកបាទក្រហមកម្ពុជា និងក្រុមការងារឥស្សរជនឆ្នើមថ្នាក់ជាតិ ដែលបានចុះអប់រំ និងក្រើនរំលឹកពីសារអប់រំសុខភាព ព្រមទាំងបានផ្តល់អំណោយជួយសម្រាលការលំបាក ដល់ពួកគាត់នាពេលនេះ។
អំណោយត្រូវបានចែកជូនដោយក្នុងគ្រួសារនីមួយៗទទួលបាន ៖ អង្ករ ២៥គីឡូក្រាម អង្ករសុខភាព២គីឡូក្រាម មី០១កេស ត្រីខ ១០កំប៉ុង ទឹកត្រី០១យួរ ទឹកស៊ីអ៉ីវ០១យួរ ឃីត(មុង ភួយ សារុង ក្រមា) ១កញ្ចប់ កន្សែងពោះគោ ១ សាប៊ូដុសខ្លួន ២ដុំ និងថវិកា ២ម៉ឺនរៀល៕
ព័ត៌មានផ្សេងទៀត
អធិការដ្ឋាន នគរបាល ស្រុកកំពង់ត្រឡាច ចុះអប់រំសិស្សសាលា ចំនួន២០នាក់ និងធ្វើកិច្ចសន្យា បញ្ឈប់ការគេចសាលា
ឧត្តមសេនីយ៍ទោ សោម ស៊ុន យកអំណោយ សម្តេចមហាបវរធិបតី ហ៊ុន ម៉ាណែត និងលោកជំទាវ ឧបត្ថម្ភជូនក្រុមគ្រួសារ អតីតយុទ្ធជន ១២គ្រួសារ នៅឃុំក្រយា ស្រុកសន្ទុក
រដ្ឋបាលខេត្ដ ខេត្ដកំពង់ឆ្នាំង បើកសន្និបាត បូកសរុបលទ្ធផលការងារ ប្រចាំឆ្នាំ២០២៣ និង លើកទិសដៅការងារ សម្រាប់អនុវត្ត ឆ្នាំ២០២៤
Pacquiao និងមានគម្រោង ជួបប្រដាល់ជាមួយ Floyd ម្តងទៀត នៅក្នុងឆ្នាំ២០២៤ នៅប្រទេសជប៉ុន
ក្រុមការងារថ្នាក់ខេត្តតាកែវ សម្រេចប្រគល់ រូបចម្លាក់ព្រះពុទ្ធបដិមា ទាំងពីរព្រះអង្គ មករក្សាទុកនៅសារមន្ទីរជាតិកម្ពុជា
រដ្ឋមន្ត្រីក្រសួងព័ត៌មាន អញ្ជើញចុះពិនិត្យមើល ដំណើរការផ្សាយវិទ្យុ និងទូរទស្សន៍ របស់មន្ទីរព័ត៌មានខេត្តត្បូងឃ្មុំ
ក្រសួងអប់រំឲ្យពង្រឹងវិន័យ និងការគ្រប់គ្រងនៅសាលារដ្ឋ
កម្ពុជាព្រមានការមកដល់នៃសត្វល្អិតចង្រៃដែលមានឈ្មោះថា «ខ្មួតកាប្រា»
ចិនត្រៀមថវិកាជាង២រយលានដុល្លារសហរដ្ឋអាមេរិក សម្រាប់គម្រោងតូច-ធំ នៅកម្ពុជា
កម្ពុជា-ចិន ចុះកិច្ចព្រមព្រៀងជាមួយគ្នាលើគម្រោងបាញ់បង្ហោះផ្កាយរណប
កម្ពុជា-ចិន ឯកភាពគ្នាបង្កើតទំហំពាណិជ្ជកម្មទ្វេភាគីអោយបាន៦ប៊ីលានដុល្លារក្នុងឆ្នាំ២០២០
លោក ស៊ុន ចាន់ថុល ថា ចិនគឺជាដៃគូដ៏ល្អឥតខ្ចោះលើវិស័យហេដ្ឋារចនាសម្ព័ន្ធនៅកម្ពុជា
អាកាសធាតុនៅកម្ពុជា នឹងចុះត្រជាក់នៅថ្ងៃទី១០ ខែមករាខាងមុខនេះ
សម្រាប់ឆ្នាំ២០១៧នេះ មជ្ឈមណ្ឌលជាតិផ្តល់ឈាមទទួលបានការបរិច្ចាកឈាមពីវិស័យឯកជនចំនួន ២០ភាគរយប៉ុណ្ណោះ
ទិន្នផលនេសាទបង្កងទឹកសាបនៅខេត្តតាកែវ កើនឡើងជិត២០ភាគរយ ក្នុងឆ្នាំ២០១៧នេះ
សាលារាជធានីភ្នំពេញគ្រោងសាងសង់ទីតាំងចំនួន៦ សម្រាប់ធ្វើស្ថានីយ៍អ្នកដំណើរសេវាដឹកជញ្ជូនផ្លូវទឹកតាមដងទន្លេ
សម្តេច ហ៊ុន សែន ចង់ប្រើឲ្យអស់សក្តានុពលរបស់កូនខ្មែរក្នុងការរៀបចំគោលនយោបាយជាតិ
ក្រុង/ខណ្ឌចំនួន៣៨តម្រូវឱ្យមានបង្គន់សាធារណៈស្របតាមស្ដង់ដារត្រឹមឆ្នាំ2017
ក្រុង/ខណ្ឌចំនួន៣៨តម្រូវឱ្យមានបង្គន់សាធារណៈស្របតាមស្ដង់ដារត្រឹមឆ្នាំ2017
គណបក្សយុវជនគ្រោងដាក់ពាក្យប្តឹងស្នើសុំ រំលាយគណបក្សសង្រ្គោះជាតិ