ប្រធានបក្សកាន់អំណាចចង់ឲ្យអតីតសមាជិកបក្សប្រឆាំងបង្កើតបក្សថ្មីដើម្បីចូលរួមប្រកួតការបោះឆ្នោតខាងមុខ

(ភ្នំពេញ)៖ សម្តេច ហ៊ុន សែន នាយករដ្ឋមន្រ្តី និងជាប្រធានបក្សកាន់អំណាច បានផ្តល់យោ បល់ឲ្យអតីតសមាជិកគណបក្សសង្រ្គោះជាតិ ដែលបក្សខ្លួនត្រូវបានរំលាយដោយសារសាល​ដីការបស់តុលាការកំពូលហើយនោះ បង្កើតគណបក្សថ្មីដើម្បីចូលរួមប្រកួតប្រជែងការ បោះឆ្នោតជាតិខាងមុខនេះ។ នេះបើយោងតាមការចុះផ្សាយរបស់ផេកសម្តេច នៅថ្ងៃអាទិត្យ ទី១៧ ធ្នូនេះ។

ការប្រកាសរបស់សម្តេច ហ៊ុន សែន បែបនេះ គឺធ្វើឡើងបន្ទាប់ពីសម្តេចទទួលបានព័ត៌មាន ថាមានការនិយាយថាគណបក្សសង្រ្គោះជាតិនឹងរស់ឡើងវិញ។ បើតាមសម្តេច បានបញ្ជាក់ថា គណបក្សសង្រ្គោះជាតិនឹងមិនរស់ឡើងវិញនោះទេ ដោយសារតែសាលដីកាតុលាការកំពូល គឺចប់ជាស្ថាពរហើយ។

សម្តេច ហ៊ុន សែន បញ្ជាក់ថា «ដោយសារមានការខ្សឹបខ្សៀវ និងការប្រឌិតព័ត៌មានមិនពិត​ដដែលជាដដែលអំពីការរស់ឡើងវិញនៃអតីតបក្សសង្រោះជាតិ គឺខ្ញុំសូមផ្តាំផ្ញើ និងបញ្ជាក់សាជាថ្មីថា អតីតបក្សដែលត្រូវបាន​រំលាយហើយ ដោយសាលដីការតុលាកំពូល គឺចប់ជាស្ថាពរហើយ។ ឈ្មោះអតីតបក្សនេះ គឺនឹងគ្មានកើតឡើងសាជាថ្មីទៀតឡើយ។ ខ្ញុំសូមឲ្យយោបល់ខ្លះៗដែលអាចមានប្រយោជន៍ ហើយកុំឲ្យខាតពេលច្រើន គឺមានតែវិធីមួយគត់ គឺបង្កើតបក្សថ្មីចូលរួមប្រកួតប្រជែងតាមលក្ខណៈប្រជាធិបតេយ្យនៅក្នុងការបោះឆ្នោតខាងមុខ គឺវាប្រសើរជាងដើរនិយាយឃោសនាមិនពិត ហើយខាត​បង់ពេលវេលាកាន់តែច្រើន»។

គួររំលឹកថា គណបក្សសង្រ្គោះជាតិ ត្រូវបានតុលាការកំពូលចេញដីកាសម្រេចរំលាយកាលពីថ្ងៃទី១៦ ខែវិច្ឆិកា ឆ្នាំ២០១៧ កន្លងទៅនេះ តាមបណ្តឹងទាមទាររបស់មេធាវីក្រសួងមហាផ្ទៃ។ មិនត្រឹមតែរំលាយគណបក្សសង្រ្គោះជាតិនោះទេ តុលាការក៏បានសម្រេចមិនឲ្យមន្រ្តី ជាន់ខ្ពស់បក្សនេះចំនួន១១៨រូបមិនឲ្យធ្វើនយោបាយចំនួន០៥ឆ្នាំទៀតផង។

ក្រោយការសម្រេចរបស់តុលាការ ធ្វើឲ្យសហគមន៍អន្តរជាតិបង្ហាញនូវប្រតិកម្មផ្សេងៗគ្នា ជុំវិញការរំលាយនេះ។ សហគមន៍អន្តរជាតិ ដែលរួមសហរដ្ឋអាមេរិក បារាំង អូស្រ្តាលី ជាដើម បានទាមទារឲ្យរដ្ឋាភិបាលកម្ពុជាធ្វើយ៉ាងណាឲ្យស្ថានការណ៍នយោបាយត្រឡប់ទៅរកភាពដើមវិញ។ បើមិនដូច្នេះដំណើរការបោះឆ្នោតនៅពេលខាងមុខនេះពិបាកនឹងអាចទទួលយកបានដោយសារតែគ្មានវត្តមានបក្សប្រឆាំង៕

ព័ត៌មានផ្សេងទៀត

តុលាការសម្រេចផ្តន្ទាទោសឲ្យលោក លឺ ឡាយស្រេងបង់ជំងឺចិត្តជាង ១០ម៉ឺនដុល្លារទៅរដ្ឋាភិបាល រដ្ឋាភិបាលព្រមានកម្ទេចចលនាសង្គ្រោះជាតិបើកើតមាននៅកម្ពុជា អង្គការឃ្លាំមើលសិទ្ធិមនុស្សអន្តរជាតិជំរុញឲ្យតុលាការទម្លាក់បទចោទលើលោក ជា មុន្នី រដ្ឋាភិបាល​ដាក់​ចេញ​ផ្សព្វផ្សាយ​នូវ​គោល​នយោបាយ​មនុស្ស​ចាស់​ឆ្នាំ​ ២០១៧-២០៣០ សម្ដេចហ៊ុន សែនប្រកាសធ្វើជានាយករដ្ឋមន្រ្តី ២ អាណត្តិទៀត ឯកសារសំខាន់ៗចំនួន១៩ ត្រូវចុះហត្ថលេខារវាងរាជរដ្ឋាភិបាលកម្ពុជា និងរដ្ឋាភិបាលចិន ក្រសួងការបរទេសចេញសេចក្តីប្រកាសព័ត៌មានក្រោយបញ្ចប់កិច្ចប្រជុំកំពូលមេគង្គ-ឡានឆាង លើកទី២ សម្តេច ហ៊ុន សែន៖ ថ្ងៃនេះ គឺជាថ្ងៃប្រវត្តិសាស្រ្ត ដែលខ្មែរគ្រប់និន្នាការ​នយោ​បាយឈ្នះ​ទាំង​អស់គ្នា អង្គបោះឆ្នោតព្រឹទ្ធសភានីតិកាលទី៤ ឆ្នាំ២០១៨ខាងមុខនេះ មានចំនួនជាង១ម៉ឺននាក់ តុលាការឲ្យមេធាវីសហជីពចូលមកបំភ្លឺជុំវិញបណ្តឹងប្តឹងលោក ជា មុន្នី នៅថ្ងៃទី៩ ខែមករា ខាងមុខនេះ គ.ជ.ប ទាត់ចោលការលើកឡើងថា ការបោះឆ្នោតខាងមុខនឹងមិនស្របច្បាប់ ពេលគ្មានវត្តមានបក្សប្រឆាំង កម្ពុជាចង់ឲ្យវៀតណាមជួយចែករំលែកបទពិសោធន៍ និងការងារប្រយុទ្ធប្រឆាំងបដិវត្តន៍ពណ៍ សម្តេច ហ៊ុន សែន ណែនាំមន្រ្តីរដ្ឋាភិបាលកុំអោយឆ្លងឆ្លើយជាមួយអតីតបក្សប្រឆាំង កម្ពុជា បង្ហាញការមិនពេញចិត្ត​ចំពោះការរៀបចំវេទិកាស្តីពីការធ្លាក់ចុះប្រជាធិបតេយ្យ​នៅ​កម្ពុជា​​នៅ​យូអិន​ពីសំណាក់​អាមេរិក លោក ជា មុន្នី រងការប្តឹងពីបទញុះញង់ បន្ទាប់ពីអំពាវនាវឲ្យសហគមន៍អឺរ៉ុបដាក់ទណ្ឌកម្មមកលើរដ្ឋាភិបាល ព្រឹទ្ធសភាកម្ពុជា ហៅការសម្រេចរបស់សភាអឺរ៉ុប គឺជាការជ្រៀតជ្រែកចូលកិច្ចការផ្ទៃក្នុងកម្ពុជា គ.ជ.ប អះអាងថា ដំណើរការរៀបចំការបោះឆ្នោតនៅតែទៅមុខ បើទោះបី EU ព្បួរជំនួយក៏​ដោយ កម្ពុជា ចាត់ទុកការ​រឹតបន្តឹង​ទិដ្ឋាការ​របស់​អាមេរិក ថា​ពុំបានពិចារណាលើអង្គហេតុ និងអង្គច្បាប់ជុំវិញការវិឌ្ឍនយោបាយនៅកម្ពុជា បារាំងចង់ឲ្យរដ្ឋាភិបាលកម្ពុជា អនុញ្ញាតឲ្យបក្សប្រឆាំង និងសង្គមស៊ីវិល ដំណើរការដោយគ្មានការរារាំង អគ្គមេបញ្ជាការកងទ័ព ប្រកាសប្តឹងលោក សម រង្ស៊ី ពីបទប្រកាសឲ្យកងទ័ពប្រឆាំងរដ្ឋាភិបាល