(ភ្នំពេញ)៖ កាលពីថ្ងៃទី៥ វិច្ឆិកា ម្សិលមិញនេះ សម្តេច ហ៊ុន សែន នាយករដ្ឋមន្រ្តីកម្ពុជា បានជួបពិភាក្សាការងារជាមួយលោក គីម វ៉ុនជីន ឯកអគ្គរដ្ឋទូតផុតអាណត្តិ របស់សាធារណរដ្ឋកូរ៉េ ។ ក្នុងជំនួបនោះ សម្តេច ហ៊ុន សែន បានលើកឡើងថា ទំនាក់ទំនងការទូតរវាងកម្ពុជា និងសាធារណរដ្ឋកូរ៉េ គឺជាទំនាក់ទំនងដ៏ជោគជ័យដ៏ធំបំផុតមួយ ដែលបានវិវត្តន៍យ៉ាងឆាប់រហ័ស។
សម្តេច ហ៊ុន សែន បន្តថា ជាអាទិ៍គឺយើងអាចឃើញតាមរយៈការហោះហើរជាច្រើនជើងពីកម្ពុជាទៅកូរ៉េ និងពីកូរ៉េមកកម្ពុជា ហើយតាមរយៈទំនាក់ទំនងការងារ, ទំនាក់ទំនងប្រជាជននិងប្រជាជន ហើយជាមួយនឹងជំនួយ ដែលកូរ៉េបានជួយដល់កម្ពុជារហូតមកដល់ពេលនេះបានចូលរួមចំណែកក្នុងការអភិវឌ្ឍន៍ប្រទេស។
ជាមួយគ្នានេះដែរ សម្តេច ក៏បានសាទរចំពោះការនាំចេញផ្លែស្វាយកម្ពុជាទៅកាន់ទីផ្សាររបស់សាធារណរដ្ឋកូរ៉េនៅឆ្នាំក្រោយនេះ៕ ដោយ៖ Rush News