ប៊ីចេងក្លែងក្លាយរាប់តោន ត្រូវបានសមត្ថកិច្ចបង្រ្កាបនៅទីតាំងផលិត ៣កន្លែង
កម្លាំងនគរបាលប្រឆាំងបទល្មើសសេដ្ឋកិច្ច ក្រសួងមហាផ្ទៃ សហការជាមួយមន្រ្តីកាំកុងត្រូល ផែស្ងួតចុងទីភ្នំពេញ បានចុះបង្ក្រាបទីតាំងផលិតប៊ីចេងក្លែងក្លាយចំនួន ៣កន្លែងក្នុងទីក្រុងភ្នំពេញ និងបានដកហូតប៊ីចេងក្លែងក្លាយជាច្រើនតោន។
កាលពីថ្ងៃទី២២-២៣ ខែមករា ឆ្នាំ២០១៨ កម្លាំងនគរបាលប្រឆាំងបទល្មើសសេដ្ឋកិច្ច និង ព្រះរាជអាជ្ញារង នៃអយ្យការអមសាលាដំបូង ដឹកនាំដោយលោក លី សុផាន់ណា បានចុះបង្រ្កាបទីតាំងផលិតប៊ីចេងក្លែងក្លាយ ៣កន្លែង ស្ថិតក្នុងសង្កាត់បឹងព្រលឹត ខណ្ឌ៧មករា និងបង្រ្កាបបានប៊ីចេងសញ្ញារូបវែកក្លែងក្លាយទាំងច្រករួច និងមិនទាន់ច្រក់ជាច្រើនតោន។ នេះបើតាមការចុះផ្សាយនៅលើបណ្ដាញហ្វេសប៊ុក សង្គម...
រដ្ឋាភិបាលគ្រោងធ្វើវិសោធនកម្មច្បាប់ស្តីពីអន្តោប្រវេសន៍ និងច្បាប់ស្តីពីសញ្ជាតិ
សម្តេចក្រឡាហោម ស ខេង រដ្ឋមន្ត្រីក្រសួងមហាផ្ទៃ បានលើកឡើងថា រដ្ឋាភិបាលគ្រោងនឹងធ្វើវិសោធនកម្មច្បាប់ស្តីពីអន្តោប្រវេសន៍ និងច្បាប់ស្តីពីសញ្ជាតិ។
ថ្លែងក្នុងពិធីបិទសន្និបាតត្រួតពិនិត្យលទ្ធផលការងារអត្តសញ្ញាណកម្មឆ្នាំ ២០១៤-២០១៧ និងលើកទិសដៅការងារបន្ដ របស់អគ្គនាយកដ្ឋានអត្តសញ្ញាណកម្មនៅរសៀលថ្ងៃទី២២ ខែមករាម្សិលមិញ សម្តេចក្រឡាហោម ស ខេង បានលើកឡើងថា ក្រសួងកំពុងរៀបចំនូវលិខិតស្នាមផ្សេងៗ ដើម្បីបង្កើតនូវក្រុមការងារធ្វើវិសោធនកម្មច្បាប់ទាំងពីរស្តីពីអន្តោប្រវេសន៍ និងច្បាប់ស្តីពីសញ្ជាតិ។នេះបើតាមការចុះផ្សាយរបស់អគ្គស្នងការនគរនបាលជាតិ។
ការចុះផ្សាយដដែលនោះអគ្គនាយកដ្ឋានអត្តសញ្ញាណកម្ម បានធ្វើការពន្យល់ថា ការផ្តល់សញ្ជាតិ គឺជាកិច្ចការអធិបតេយ្យភាពរបស់រាជរដ្ឋាភិបាល មានន័យថា ការសម្រេចផ្តល់សញ្ជាតិដល់អ្នកស្នើសុំជាឆន្ទានុសិទ្ធិរបស់រាជរដ្ឋាភិបាល ហើយអគ្គនាយកដ្ឋានគ្រាន់តែធ្វើជាសេនាធិការលើការទទួលពិនិត្យសំណុំបែបបទ...
កម្មកររោងចក្រជិត ១០០ នាក់ដួលសន្លប់ជាបន្តបន្ទាប់ក្នុងតំបន់សេដ្ឋកិច្ចពិសេសកោះកុង
កម្មកររោងចក្រតំបន់សេដ្ឋកិច្ចពិសេសខេត្តកោះកុងជិត ១០០នាក់បានដួលសន្លប់ជាបន្តបន្ទាប់នៅព្រឹកនេះ ដោយសារធំក្លិនប្រេងមិនល្អ ដែលសាយភាយនៅក្នុងរោងចក្រនោះ។
តាមការចុះផ្សាយដោយសារព័ត៌មានFreshnews នៅព្រឹកថ្ងៃទី២៣ ខែមករា ឆ្នាំ២០១៨នេះ មានកម្មករ កម្មការិនីបានដួលសន្លប់ជិត១០០នាក់ ជាបន្ដបន្ទាប់នៅរោងចក្រ KNN នៅតំបន់សេដ្ឋកិច្ចពិសេស ខេត្តកោះកុង ស្ថិតក្នុងឃុំបាក់ខ្លង ស្រុកមណ្ឌលសីមា ខេត្តកោះកុង។
បើតាមការចុះផ្សាយដដែលបានឲ្យដឹងថាមូលហេតុដែលបណ្ដាលឲ្យកម្មករដួលសន្លប់នេះជាច្រើននាក់នេះ គឺដោយសារធំក្លិនប្រេងមិនល្អ ដែលសាយភាយនៅក្នុងរោងចក្រនោះ។
តាមការចុះផ្សាយដដែលនោះបានឲ្យដឹងថាក្រោយហេតុការណ៍នេះ ជនរងគ្រោះត្រូវបានបញ្ជូនទៅសង្គ្រោះភ្លាមៗ នៅមន្ទីរពេទ្យបង្អែក ស្រុកមណ្ឌលសីមា៕
ប្រហិតសាច់មាន់គ្មានគុណភាពជិត ២តោនរកឃើញនាំចូលខុសច្បាប់
ប្រហិតសាច់មាន់គ្មានគុណភាពជិត ២ តោន និងទំនិញផ្សេងៗជាច្រើនទៀតត្រូវបានសមត្ថកិច្ចរកឃើញថាបាននាំចូលខុសច្បាប់តាមរថយន្តក្រុងមួយតាមច្រក់ប៉ោយប៉ែត។
តាមការចុះផ្សាយរបស់អគ្គស្នងការនគរបាលជាតិបានឲ្យដឹងថាកម្លាំងនគរបាលឃាត់ក្រុងសិរីសោភ័ណបានឃាត់រថយន្តក្រុងក្រុមហ៊ុន ប្លូបឹស មួយគ្រឿង និងឆែកឃើញនាំចូលប្រហិតសាច់មាន់ជិត២តោន និងធុងពណ៌ជាតិគ្លុយកូស្ស៊ីរ៉ូ១៥០ធុងដុតនិងទំនិញគ្មានពន្ធជាច្រើនទៀត។
តាមការចុះផ្សាយដដែលនោះបានឲ្យដឹងថា ប្រហិតសាច់មាន់ដែលវិចខ្ចប់ខុសបច្ចេកទេសចំនួន ៥៥ការ៉ុង ស្មើ១,៧៦០គីឡូក្រាម ធុងពណ៌ជាតិគ្លុយកូស្ស៊ីរ៉ូ ១៥០ធុង និងទំនិញគ្មានពន្ធជាច្រើនទៀត ត្រូវបានសមត្ថកិច្ចធ្វើការកម្ទេច ចោលនៅទីលានចាក់សំរាម ក្រុងសិរីសោភ័ណកាលពីល្ងាចថ្ងៃទី២២ ខែមករា ឆ្នាំ២០១៨ ម្សិលមិញ។
តាមការចុះផ្សាយដដែលបានឲ្យដឹងថាកម្លាំងនគរបាលប្រឆាំងបទល្មើសសេដ្ឋកិច្ចខេត្តបន្ទាយមានជ័យបានប្រាប់ថា កាលពីយប់ថ្ងៃទី២១ ខែមករា...
សមត្ថកិច្ចបង្រ្កាបបានសាច់និងឆ្អឹងមាន់ខូចគុណភាពជិត ១តោន
សមត្ថកិច្ចបានឲ្យដឹងថាសាច់ និងឆ្អឹងមាន់ ខូចគុណភាពជិត ១តោនត្រូវបានមន្ត្រីកាំកុងត្រូលចាប់បាន ខណៈឈ្មួញបំរុងនាំចូលពីប្រទេសថៃមកលក់នៅកម្ពុជា។
តាមការចុះផ្សាយរបស់អគ្គស្នងការនគរបាលជាតិបានឲ្យដឹងថាកាលពីថ្ងៃទី២១ ខែមករាម្សិលមិញមន្ត្រីកាំកុង ត្រូលនៅច្រកទ្វារអន្តរជាតិប៉ោយប៉ែតត្រួតពិនិត្យ និង ចាប់តាមសាច់ និងឆ្អឹងមាន់ ខូចគុណភាពជិត ១តោន។
តាមការចុះផ្សាយអគ្គស្នងការនគរបាលជាតិបានឲ្យដឹងថា មន្ត្រីកាំកុងត្រូលច្រកទ្វារអន្តរជាតិប៉ោយប៉ែតចាប់បានសាច់និងឆ្អឹងមាន់ខូចគុណភាពចំនួន ៧៦ ថង់ស្មើ និង៧៦០គីឡូក្រាម ដែលឈ្មួញដាក់បង្កប់តាមរទេះនាំចូលពីថៃ តាមច្រកទ្វារអន្តរជាតិប៉ោយប៉ែត។
ការចុះផ្សាយដដែលនោះបន្តថាសាច់ និងឆ្អឹង ដែលមន្ត្រីជំនាញចាប់បាននៅច្រកទ្វារអន្តរជាតិប៉ោយប៉ែត ត្រូវបានយកទៅដុតកម្ទេចចោល ហើយមន្ត្រីជំនាញកំពុងស្រាវជ្រាវរកឈ្មួញល្មើសច្បាប់ដែលនាំចូលសាច់ និងឆ្អឹងមាន់ខូចគុណភាពពីប្រទេសថៃ...
ជនជាតិកូរ៉េ ៨នាក់រងរបួសធ្ងន់ស្រាល ខណៈខ្មែរម្នាក់ស្លាប់ក្នុងគ្រោះថ្នាក់ចរាចរណ៍
យ៉ាងហោចណាស់មានជនជាតិកូរ៉េចំនួន ៨នាក់ បានរងរបួសធ្ងន់ស្រាល ខណៈដែលជនជាតិខ្មែរម្នាក់បានស្លាប់និងម្នាក់ទៀតរបួស ក្នុងហេតុការណ៍គ្រោះថ្នាក់ចរាចរណ៍រថយន្តបុកជាមួយរថយន្តនៅក្នុងខេត្តកំពង់ចាម។
តាមការចុះផ្សាយរបស់អគ្គស្នងការនគរបាលជាតិបានឲ្យដឹងថានៅថ្ងៃទី២២ ខែមករា ឆ្នាំ២០១៨នេះ វេលាម៉ោង ៧និង៣០នាទី មានករណីគ្រោះថ្នាក់ ចរាចរណ៍មួយកើតឡើងនៅលើផ្លូវជាតិលេខ៦ នៅចំណុចភូមិជាលា ឃុំជាលា ស្រុកបាធាយ ខេត្តកំពង់ចាម បណ្ដាលឲ្យជនជាតិកូរ៉េ ៧នាក់រងរបួសធ្ងន់ រងរបួសស្រាលម្នាក់។
តាមការចុះផ្សាយដដែលនោះបន្តថាក្នុងហេតុការណ៍គ្រោះថ្នាក់នេះក៏បណ្ដាលឲ្យជនជាតិខ្មែរម្នាក់ស្លាប់បាត់បង់ជីវិតនិងម្នាក់ទៀតរងរបួសស្រាលផងដែរ។
ការចុះផ្សាយដដែលបានឲ្យដឹងថាគ្រោះថ្នាក់ចរាចរណ៍នេះកើតឡើងដោយរថយន្ត ម៉ាកសាំយ៉ុងពណ៌សរពាក់ស្លាក់ លេខភ្នំពេញ 2R-8015 បើកបរដោយឈ្មោះ សៀ...
ពលរដ្ឋម្នាក់ត្រូវបានបាញ់ស្លាប់នៅពេលនគរបាលចុះបង្ក្រាបសង្វៀនជល់មាន់
ពលរដ្ឋម្នាក់ត្រូវបានសមត្ថកិច្ចបាញ់ចំបណ្ដាលឲ្យស្លាប់នៅពេលសមត្ថកិច្ចចុះប្រតិបត្តិការ បង្ក្រាបសង្វៀនជល់មាន់មួយកន្លែងស្ថិតក្នុងសង្កាត់ចោមចៅ ខណ្ឌពោធិ៍សែនជ័យ។
តាមការចុះផ្សាយលើបណ្ដាញសង្គមហ្វេសប៊ុកឈ្មោះថា «សង្គម និងយុត្តិធម៌» បានឲ្យដឹងថា បុរសម្នាក់ ត្រូវបាន បាញ់ស្លាប់នៅម៉ោងជាង ១០ព្រឹកថ្ងៃអាទិត្យម្សិលមិញ អំឡុងពេលនគរបាលចុះបង្ក្រាបទីតាំងជល់មាន់មួយកន្លែងនៅក្នុងខណ្ឌពោធិ៍សែនជ័យ ជាមួយរូបថតដែលត្រូវបានចែកចាយ បង្ហាញថាបុរសនោះប្រឡាក់ទៅដោយឈាម និងមានស្នាមត្រូវគ្រាប់កាំភ្លើងនៅត្រង់ដើមទ្រូងផ្នែកខាងស្ដាំនៅជិតបំពង់ក។
តាមការចុះផ្សាយដដែលបន្តថាបុរសដែលត្រូវបានសមត្ថកិច្ចបាញ់ចំបណ្ដាលឲ្យស្លាប់នោះឈ្មោះ ឈៀក រ៉ន អាយុ ៣៣ឆ្នាំ ជាកម្មកររោងចក្រមួយស្ថិតក្នុងសង្កាត់ចោមចៅ ២ ខណ្ឌពោធិ៍សែនជ័យស្នាក់នៅបន្ទប់ជួលជាន់ទី៣ ក្បែរកន្លែងកើតហេតុ និងមានស្រុកកំណើតភូមិសែនអោក ឃុំគុស...
សមត្ថកិច្ចរកឃើញឈើក្រញូងរាប់ពាន់ដុំ បង្កប់ក្នុងស៊ីទែនរថយន្តដឹកសាំង
សមត្ថកិច្ចខេត្តបន្ទាយមានជ័យប្រទះឃើញឈើក្រញូងជាច្រើនដុំ បង្កប់នៅក្នុងស៊ីទែនរថយន្តដឹកសាំ ១គ្រឿង ដែលបង្កគ្រោះថ្នាក់ចរាចរណ៍ ហើយត្រូវបានសមត្ថកិច្ចឃាត់រក្សាទុកអស់រយៈពេល ៧ ខែមកហើយ។
នេះបើតាមការចុះផ្សាយរបស់អគ្គស្នងការនគរបាលជាតិនៅថ្ងៃទី ២១ ខែ មករានេះបានឲ្យដឹងថា រថយន្តដឹកស៊ីទែនសាំង មួយគ្រឿងបានបង្កគ្រោះថ្នាក់ចរាចរណ៍ត្រូវបានឃាត់ទុក៧ខែនៅស្នងការដ្ឋាននគរបាលខេត្តបន្ទាយមានជ័យ ហើយត្រូវអាជ្ញាធរសង្ស័យវះឃើញសុទ្ធតែឈើក្រញូងចំនួន២,៦១០ដុំ ។
តាមការចុះផ្សាយដដែលកាលពីអំឡុងខែឧសភា ឆ្នាំ២០១៧ មានរថយន្ត១គ្រឿងដឹកស៊ីទែនសាំងដែលពាក់ស្លាក់លេខភ្នំពេញ 3C-0213 បានបង្កគ្រោះថ្នាក់ចរាចរណ៍ដោយរថយន្តខូចពេលយប់ចតចោលលើចិញ្ចើមផ្លូវគ្មានដាក់ស្លាកសញ្ញា ហើយត្រូវម៉ូតូ ១គ្រឿងជិះគ្នា២នាក់ បានបុកពីក្រោយបណ្តាលឲ្យស្លាប់ម្នាក់នៅហ្នឹងកន្លែងនិងម្នាក់ទៀតរបួសធ្ងន់ត្រូវបានសង្គ្រោះបន្ទាន់។
ការចុះផ្សាយដដែលបន្តថា ក្រោយពេលគ្រោះថ្នាក់ចរាចរណ៍កើតឡើងកម្លាំងនគរបាលជំនាញចុះទៅធ្វើការវាស់វែងហើយយករថយន្តដែលបង្កហេតុនោះមករក្សាទុកនៅស្នងការដ្ឋាននគរបាលខេត្តបន្ទាយមានជ័យ។
ការចុះផ្សាយនោះបន្ថែមថាដោយរយៈពេល ៧ ខែ...
អគ្គិភ័យឆាបឆេះអស់ផ្ទះ៤ខ្នងនៅសង្កាត់ព្រែកប្រា
យ៉ាងហោចណាស់ផ្ទះ ៤ខ្នងនៅសង្កាត់ព្រែកប្រា ខណ្ឌច្បារអំពៅ ត្រូវបានខូចខាតទាំងស្រុងក្នុងហេតុការណ៍អគ្គិភ័យឆាប់ឆេះកាលពីព្រឹកមិញ។
អគ្គស្នងការនគរបាលជាតិបានចុះផ្សាយឲ្យដឹងថានៅវេលាម៉ោង ៣និង១០នាទីទាបភ្លឺឈានចូលថ្ងៃទី២១ ខែមករា ឆ្នាំ២០១៨ មានអគ្គីភ័យមួយកន្លែងកើតឡើងនៅតាមបណ្តោយផ្លូវលេខ369 ភូមិ ព្រះពន្លា សង្កាត់ព្រែកប្រា ខណ្ឌច្បារអំពៅ ។
ការចុះផ្សាយនោះបន្តថាក្នុងហេតុការណ៍អគ្គិភ័យនេះមានផ្ទះឈើ និង ផ្ទះថ្មប្រក់ស័ង្កសីចំនួន 4ខ្នង ត្រូវបានឆាបឆេះទាំងស្រុក តែមិនបណ្ដាលឲ្យមានគ្រោះថ្នាក់ដល់មនុស្សនោះទេ ។
ក្នុងហេតុការនោះអាជ្ញាធរបានប្រើប្រាស់រថយន្តពន្លត់អគ្គិភ័យអស់ចំនួន 17គ្រឿង ដែលប្រើប្រាស់ទឹកអស់ចំនួន ១៤០ម៉ែត្រគូប ។
តាមរបាយការណ៍របស់ក្រសួងមហាផ្ទៃកាលពីឆ្នាំ ២០១៧...
អគ្គិភ័យកើតឡើងចំនួន ៥១៤លើក សម្លាប់មនុស្ស ២២នាក់
អគ្គិភ័យបានកើតឡើងចំនួន ៥១៤ លើកនៅក្នុងឆ្នាំ ២០១៧ សម្លាប់មនុស្សអស់ ២២នាក់ (ស្រី១៣នាក់) និងបង្ករបួសមនុស្ស ១២៨នាក់ តែចំនួននេះបានថយចុះរហូតដល់ ១៩ ភាគរយ បើប្រៀបធៀបករណីអគ្គិភ័យកើតឡើងកាលពីឆ្នាំ ២០១៦។
នេះបើតាមការចុះផ្សាយរបស់អគ្គស្នងការនគរបាលជាតិកាលពីថ្ងៃទី ១៨ ខែ មករា ម្សិលមិញ ក្នុងពីធីប្រជុំផ្សព្វផ្សាយលិខិតបទដ្ឋានគតិយុត្តិ ផែនការយុទ្ធសាស្រ្តរយៈពេល ៣ឆ្នាំ (២០១៨-២០២០) របស់នាយកដ្ឋាននគរបាលបង្ការពន្លត់អគ្គិភ័យ និងសង្រ្គោះបន្ទាន់។
ការចុះផ្សាយលើកឡើងថាគ្រោះអគ្គិភ័យក្នុងឆ្នាំ២០១៧...