ស្ករត្នោតជាច្រើនតោនសង្ស័យថាមានសាធាតុគីមី
ស្ករត្នោតជាច្រើនតោន ត្រូវបានអាជ្ញាធរចុះបង្រ្កាបដោយសង្ស័យថាមានលាយសារធាតុគីមីដែលអាចធ្វើប៉ះពាល់សុខភាពប្រជាពលរដ្ឋ។
នៅព្រឹកថ្ងៃទី ១៧ ខែ មករានេះ អាជ្ញាធរបានចុះបង្រ្កាបសិប្បកម្ម ផលិតស្ករត្នោតកែច្នៃ ២ ទីតាំងដែលស្ថិតនៅផ្ទះលេខ២១៥ និងផ្ទះលេខ២១៩ ផ្លូវលេខ៣៦៩ សង្កាត់ច្បារអំពៅទី១ ខណ្ឌច្បារអំពៅ ដែលសង្ស័យថាមានលាយសារធាតុគីមីដែលអាចធ្វើប៉ះពាល់សុខភាពប្រជាពលរដ្ឋ។ នេះបើតាមការចុះផ្សាយរបស់ព័ត៌មានFreshnews។
ការចុះផ្សាយដដែលបន្តថាក្រោយការចុះពិនិត្យ សមត្ថកិច្ចបានរកឃើញថាសិប្បកម្មផលិតស្ករត្នោតទាំង ២កន្លែងនោះ មានការប្រើប្រាស់ម្សៅដែលអាចបំលែងទៅជាស្ករត្នោតបាន។
ជាមួយគ្នានោះដែរសមត្ថកិច្ចក៏បាននាំម្ចាស់សិប្បកម្មផលិតស្ករត្នោតនោះទៅកាន់នាយកដ្ឋានប្រឆាំងបទល្មើសសេដ្ឋកិច្ច ដើម្បីធ្វើការសួរនាំ ដោយនាំយកទាំងវត្ថុតាងជា ស្ករត្នោត ស្ករស ម្សៅស និងវត្ថុផ្សេងទៀត...
អ្នកជាប់ឃុំ ៥នាក់ត្រូវបានសមត្ថកិច្ចចាប់ចូលគុកវិញក្រោយព្យាយាមរត់គេច
អ្នកជាប់ឃុំ ៥នាក់នៅខេត្តស្ទឹងត្រែងត្រូវបានសមត្ថកិច្ចចាប់បញ្ជូនទៅឃុំខ្លួនវិញក្រោយពួកគេព្យាយាមរត់ចេញពីមន្ទីរឃុំឃាំង។
តាមការចុះផ្សាយរបស់អគ្គស្នងការនគរបាលជាតិនៅរសៀលថ្ងៃនេះបានលើកយកសំដីរបស់លោកឧត្តម សេនីយ៍ទោ ម៉ៅ ច័ន្ទតារា ស្នងការនគរបាលខេត្តស្ទឹងត្រែងឲ្យដឹងថាអ្នកទោស ៥នាក់ដែលហែកគុកបម្រុងរត់គេចខ្លួននៅរសៀលថ្ងៃទី០៣ ខែមករានេះ ត្រូវបានកម្លាំងនគរបាលឃាត់ខ្លួនបានវិញអស់ហើយ។
ការចុះផ្សាយដដែលបន្តថាមុនពេលកើតហេតុអ្នកទោសទាំងនោះ ត្រូវមន្ត្រីជំនាញអោយមកធ្វើការសម្អាតជុំវិញបរិវេណពន្ធនាគារ ហើយមានឱកាសល្អក៏មានបំណងចង់រត់គេច តែត្រូវកម្លាំងនគរបាលប្រឃាត់មកវិញទាំងអស់៕
យ៉ាងហោចណាស់ផ្ទះ ១៦ ខ្នងត្រូវបានឆាប់ឆេះនៅសង្កាត់ទឹកថ្លា
យ៉ាងហោចណាស់ផ្ទះពលរដ្ឋចំនួន ១៦ ខ្នង និងសំភារៈផ្សេងទៀត ត្រូវបានអគ្គីភ័យឆាប់ឆេះក្នុងសង្កាត់ទឹកថ្លា ខណ្ឌសែនសុខ។
បើតាមការចុះផ្សាយរបស់អគ្គស្នងការនគរបាលជាតិបានឲ្យដឹងថាល្ងាចនៅថ្ងៃទី១៥ ខែមករា ឆ្នាំ២០១៨ វេលាម៉ោង១៨ និង០០នាទី មានករណីអគ្គីភ័យកើតឡើងស្ថិត នៅចំណុច ភូមិបូរីកម្មករ សង្កាត់ទឹកថ្លា ខណ្ឌសែនសុខ បណ្តាឲ្យឆេះផ្ទះ អស់ចំនួន១៦ខ្នង ធ្វើពីឈើ ប្រកស័ង្កសី និង ខូចខាតសម្ភារៈអស់ មួយចំនួនធំ ។
ការចុះផ្សាយដដែលនោះបន្តថាក្នុងករណីឆាប់ឆេះសមត្ថកិច្ច បានប្រើប្រាស់រថយន្តពន្លត់សរុបចំនួន...
រថយន្ត ២គ្រឿងត្រូវអគ្គិភ័យឆាប់ឆេះនៅខណ្ឌសែន សុខ
អគ្គិភ័យមួយកើតឡើងនៅតាមបណ្តោយផ្លូវហាន់ណូយ សង្កាត់ភ្នំពេញថ្មី ខណ្ឌសែនសុខ បណ្ដាលឲ្យឆេះរថយន្តអស់ ២គ្រឿង។
តាមការចុះផ្សាយរបស់អគ្គស្នងការដោយលើកសំដីសមត្ថកិច្ចថាអគ្គីភ័យនេះបានកើតឡើង នៅថ្ងៃទី២២ ខែកុម្ភៈ ឆ្នាំ២០១៨ វេលាម៉ោង១១និង២២នាទីព្រឹក ដោយម្ចាស់ឈ្មោះ អន រិទ្ធ ភេទប្រុស អាយុ ៣២ឆ្នាំ មុខរបរលក់រថយន្ត។
តាមការចុះផ្សាយសមត្ថកិច្ចបានបន្ថែមថាមូលហេតុគឺបណ្តាលមកពីឆ្លងក្បាលអាគុយរថយន្ត បណ្ដាលឲ្យ ឆេះរថយន្តកូរ៉េម៉ាកសាំយ៉ុង អស់ចំនួន២គ្រឿង និងពុំបណ្តាលឲ្យឆេះរាលដាលដល់ផ្ទះអ្នកជិតខាងឡើយ។
ក្នុងប្រតិបត្តិការខាងលកម្លាំងការិយាល័យអគ្គិភ័យបានប្រើប្រាស់ទឹកអស់ចំនួន ៣គ្រឿង ស្មើនឹង ១២ម៉ែត្រគូប ៕
កម្មកររោងចក្រជិត ១០០ នាក់ដួលសន្លប់ជាបន្តបន្ទាប់ក្នុងតំបន់សេដ្ឋកិច្ចពិសេសកោះកុង
កម្មកររោងចក្រតំបន់សេដ្ឋកិច្ចពិសេសខេត្តកោះកុងជិត ១០០នាក់បានដួលសន្លប់ជាបន្តបន្ទាប់នៅព្រឹកនេះ ដោយសារធំក្លិនប្រេងមិនល្អ ដែលសាយភាយនៅក្នុងរោងចក្រនោះ។
តាមការចុះផ្សាយដោយសារព័ត៌មានFreshnews នៅព្រឹកថ្ងៃទី២៣ ខែមករា ឆ្នាំ២០១៨នេះ មានកម្មករ កម្មការិនីបានដួលសន្លប់ជិត១០០នាក់ ជាបន្ដបន្ទាប់នៅរោងចក្រ KNN នៅតំបន់សេដ្ឋកិច្ចពិសេស ខេត្តកោះកុង ស្ថិតក្នុងឃុំបាក់ខ្លង ស្រុកមណ្ឌលសីមា ខេត្តកោះកុង។
បើតាមការចុះផ្សាយដដែលបានឲ្យដឹងថាមូលហេតុដែលបណ្ដាលឲ្យកម្មករដួលសន្លប់នេះជាច្រើននាក់នេះ គឺដោយសារធំក្លិនប្រេងមិនល្អ ដែលសាយភាយនៅក្នុងរោងចក្រនោះ។
តាមការចុះផ្សាយដដែលនោះបានឲ្យដឹងថាក្រោយហេតុការណ៍នេះ ជនរងគ្រោះត្រូវបានបញ្ជូនទៅសង្គ្រោះភ្លាមៗ នៅមន្ទីរពេទ្យបង្អែក ស្រុកមណ្ឌលសីមា៕
អ្នកនេសាទម្នាក់ត្រូវបានរន្ទះបាញ់ស្លាប់លើទូក
បុរសម្នាក់ដែលជាអ្នកនេសាទត្រូវបានរន្ទះបាញ់បណ្ដាលឲ្យស្លាប់នៅលើទូកក្នុងខេត្តកោះកុងកាលពីម្សិលមិញ។
បើតាមការចុះផ្សាយរបស់អគ្គស្នងការនគរបាលជាតិបានឲ្យដឹងថានៅថ្ងៃទី២៩ ខែមករា វេលាម៉ោង១២និង២០ថ្ងៃត្រង់ មានករណីរន្ទះបាញ់មួយបណ្ដាឲ្យមនុស្សម្នាក់ស្លាប់នៅលើទូក នៅចំណុចព្រែកពយពេច ស្ថិតក្នុងភូមិ កំពង់ស្តាំ ឃុំជ្រោយស្វាយ ស្រុកស្រែអំបិល ។
តាមការចុះផ្សាយដដែលបានឲ្យដឹងថាជនរងគ្រោះឈ្មោះ សិង្ហ ហឿន ភេទប្រុស អាយុ៤៩ឆ្នាំ មុខរបរ នេសាទ និង ជាអនុប្រធានប្រជាការពារ ត្រូវបានរន្ទះបាញ់ស្លាប់ពេលបើកទូកទៅលើកលបក្តាមពេលមេឃកំពុងភ្លៀងជាមួយកូនចំនួន ២នាក់។
តាមការចុះផ្សាយដដែលបានឲ្យដឹងថាក្រោយពេលកម្លាំងជំនាញធ្វើកោសល្យវិច្ច័យរួច សាកសពសមត្ថកិច្ចបានប្រគល់ជូនក្រុមគ្រួសារ រៀបចំធ្វើបុណ្យតាមប្រពៃណី ៕
កុមារតូចដុតភ្លើងលេងលើពូកបណ្ដាលឲ្យឆេះផ្ទះអស់២ ខ្នង
ផ្ទះ ២ខ្នងនៅខេត្តកំពង់ចាមត្រូវបានអគ្គីភ័យឆាប់ឆេះគ្មានសល់ ដោយសារតែកូនតូចបានយកប្លាស្ទិក ដុតលេង នៅលើពូក។
តាមការចុះផ្សាយពីអគ្គស្នងការនគរបាលជាតិបានឲ្យដឹងថានៅព្រឹកថ្ងៃទី២៥ ខែកុម្ភៈ ឆ្នាំ២០១៨ វេលាម៉ោង ៧និង០០នាទី នៅចំណុចភូមិថ្មគោល ឃុំរអាង ស្រុកកំពង់សៀម ខេត្តកំពង់ចាម មានករណីអគ្គិភ័យឆេះផ្ទះប្រជាពលរដ្ឋមួយកើតឡើង ផ្ទះឈើ ប្រក់ស័ង្គសី ២ខ្នង ទំហំប្រវែង ៦ម៉ែត្រគុណ ១០ម៉ែត្រ មានបន្ទប់ឥដ្ឋខាងក្រោម។
តាមការចុះផ្សាយដដែលផ្ទះនោះជាកម្មសិទ្ធរបស់ឈ្មោះ តឿន ចិន្តា (ប្តី)...
ក្រសួងថាឆ្នាំនេះជំងឺគ្រុនឈាមអាចនឹងរាតត្បាតទ្រងទ្រាយធំ និងជំរុញឲ្យប្រុងប្រយ័ត្ន
ក្រសួងសុខាភិបាលថាឆ្នាំ២០១៨ គឺជាឆ្នាំដែលត្រូវដល់វដ្តនៃការរាតត្បាតខ្លាំងនៃជំងឺគ្រុនឈាម ហើយជំរុញឲ្យភាគីពាក់ព័ន្ធក្តាប់អោយបាននូវសភាពការជំងឺគ្រុឈាម និងចាត់វិធានការបន្ទាន់។
កាលពីថ្ងៃទី ០១ ខែកុម្ភៈកន្លងទៅកម្មវិធីជាតិប្រយុទ្ធនឹងជំងឺគ្រុនឈាម នៃមជ្ឃមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្ត្រ នៃក្រសួងសុខាភិបាលបានចេញនូវ សេចក្ដីជូនដំណឹង និងអនុសាសន៍ ស្តីអំពីស្ថានភាពជំងឺគ្រុនឈាមឆ្នាំ២០១៨។
ក្រសួងសុខាភិបាលបានលើកឡើងថាការទស្សន៍តាមបែបអេពីដេមីសាស្ត្រសំគាល់ឃើញថាស្ថានភាពជំងឺគ្រុនឈាមនឹងមានការរាតត្បាតខ្លាំងនៅរៀងរាល់ ៥ ទៅ ៦ឆ្នាំម្តង មានន័យថា ឆ្នាំ២០១៨គឺជាឆ្នាំដែលត្រូវដល់វដ្តនៃការរាតត្បាតធំម្តងទៀត បន្ទាប់ពីការរាតត្បាតចុងក្រោយគឺឆ្នាំ ២០១២។
ក្រសួងបន្តថាជំងឺគ្រុនឈាមនេះបង្កឡើងដោយវីរុសដាំងដែលមានបួនប្រភេទ គឺវីរុស DENV1 DENV2 DENV3...
សមត្ថកិច្ចបង្រ្កាបបានសាច់និងឆ្អឹងមាន់ខូចគុណភាពជិត ១តោន
សមត្ថកិច្ចបានឲ្យដឹងថាសាច់ និងឆ្អឹងមាន់ ខូចគុណភាពជិត ១តោនត្រូវបានមន្ត្រីកាំកុងត្រូលចាប់បាន ខណៈឈ្មួញបំរុងនាំចូលពីប្រទេសថៃមកលក់នៅកម្ពុជា។
តាមការចុះផ្សាយរបស់អគ្គស្នងការនគរបាលជាតិបានឲ្យដឹងថាកាលពីថ្ងៃទី២១ ខែមករាម្សិលមិញមន្ត្រីកាំកុង ត្រូលនៅច្រកទ្វារអន្តរជាតិប៉ោយប៉ែតត្រួតពិនិត្យ និង ចាប់តាមសាច់ និងឆ្អឹងមាន់ ខូចគុណភាពជិត ១តោន។
តាមការចុះផ្សាយអគ្គស្នងការនគរបាលជាតិបានឲ្យដឹងថា មន្ត្រីកាំកុងត្រូលច្រកទ្វារអន្តរជាតិប៉ោយប៉ែតចាប់បានសាច់និងឆ្អឹងមាន់ខូចគុណភាពចំនួន ៧៦ ថង់ស្មើ និង៧៦០គីឡូក្រាម ដែលឈ្មួញដាក់បង្កប់តាមរទេះនាំចូលពីថៃ តាមច្រកទ្វារអន្តរជាតិប៉ោយប៉ែត។
ការចុះផ្សាយដដែលនោះបន្តថាសាច់ និងឆ្អឹង ដែលមន្ត្រីជំនាញចាប់បាននៅច្រកទ្វារអន្តរជាតិប៉ោយប៉ែត ត្រូវបានយកទៅដុតកម្ទេចចោល ហើយមន្ត្រីជំនាញកំពុងស្រាវជ្រាវរកឈ្មួញល្មើសច្បាប់ដែលនាំចូលសាច់ និងឆ្អឹងមាន់ខូចគុណភាពពីប្រទេសថៃ...
អាជ្ញាធរឲ្យប្រុងប្រយត្នគ្រោះថ្នាក់ចរាចរណ៍ថ្ងៃបុណ្យចូលឆ្នាំចិន វៀតណាម
គណៈកម្មាធិការចរាចរណ៍ផ្លូវគោក ជំរុញឲ្យអ្នកបើកបរទាំងអស់ប្រុងប្រយត្នគ្រោះថ្នាក់ចរាចរណ៍ថ្ងៃបុណ្យចូលឆ្នាំចិន វៀតណាម នៅពាក់កណ្តាលខែកុម្ភៈ ដើម្បីការពារសុវត្ថិភាព ដោយថា គ្រោះថ្នាក់មានកំណើនខ្ពស់ជារៀងរាល់ឆ្នាំ។
ក្នុងលិខិតមួយរបស់គណៈកម្មាធិការជាតិសុវត្ថិភាពចរាចរណ៍ផ្លូវគោក ចុះថ្ងៃទី៩នេះ ឲ្យដឹងថា គ្រោះថ្នាក់ចរាចរណ៍ផ្លូវគោក មានកំណើនខ្ពស់ នៅរាល់ពិធីបុណ្យផ្សេងៗ បណ្ដាលឲ្យមានកំណើនជនរងគ្រោះ ជាអតិបរមា និងមានការខូចខាតទ្រព្យសម្បត្ដិជាច្រើន។
ហេតុនេះហើយគណៈកម្មាធិការអំពាវនាវទៅអ្នកធ្វើដំណើរក្នុង ថ្ងៃបុណ្យចូលឆ្នាំចិន វៀតណាម ចាប់ពីថ្ងៃទី១៦-១៧-១៨ ខែកុម្ភៈនេះ ឲ្យគោរពច្បាប់ចរាចរណ៍ទាំងអស់គ្នា ដោយមិនត្រូវបើកបរក្នុងស្ថានភាពស្រវឹង មិនគោរពសិទ្ធិអាទិភាព មិនពាក់មួកសុវត្ថិភាព ការវ៉ាជែងប្រថុយប្រថាន...