ទូរស័ព្ទ Sony មិនផ្លូវការមួយបានលេចឡើងនៅលើ AnTuTu ជាមួយនឹងលេខម៉ូដែល I8134 និងពិន្ទុ 395K។ វាទំនងជាទូរស័ព្ទ Xperia XZ4 ដែលនឹងមានវត្តមាននាពេលខាងមុខ ហើយបន្ទះ chip ដែលវាកំពុងប្រើប្រាស់គឺ Snapdragon 855។ពិន្ទុ 395K ខ្ពស់ជាង 360K ដែលយើងបានឃើញពីការធ្វើតេស្ត AnTuTu Snapdragon 855។ វាក៏ខ្ពស់ជាងទូរស័ព្ទរបស់ក្រុមហ៊ុន Huawei ដែលប្រើបន្ទះ chip Kirin 980 (~ 270K) និង Apple ប្រើបន្ទះ chip A12 Bionic (~ 350K) ដែលយើងបានឃើញ។អ្វីដែលយើងបានដឹងរហូតមកដល់ពេលនេះ ទូរស័ព្ទ Xperia XZ4 នឹងមិនមាន Notch ជាមួយអេក្រង់ 21:9 មានន័យថាវាមានអេក្រង់វែងជាងអេក្រង់បច្ចុប្បន្នដែលមានត្រឹមតែ 18:9 និង 19:9។
យើងក៏ដឹងដែរថា Xperia XZ4 នឹងមានរន្ធដោតកាសទំហំ 3.5 មីលីម៉ែត្រ ហើយទំនងជាមានកាមេរ៉ាបីនៅខាងក្រោយ។ ស្មាតហ្វូន Xperia XZ4 ក៏នឹងភ្ជាប់មកជាមួយខ្សែរសាកដែលមានល្បឿនលឿនរហូតដល់ទៅ 46.5W៕