សម្ដេចហ៊ុន សែន ជំរុញឲ្យឥណ្ឌាបង្កើនការវិនិយោគមកកម្ពុជា

សម្ដេចនាយករដ្ឋមន្រ្តីកម្ពុជា ហ៊ុន សែន បានជំរុញឲ្យឥណ្ឌាបង្កើនការវិនិយោគមកកាន់កម្ពុជា ដោយសម្ដេចអះអាងពីស្ថេរភាពនយោបាយល្អ ជាមួយនឹងកំណើនសេដ្ឋកិច្ច។

សម្ដេចនាយករដ្ឋមន្រ្តី ហ៊ុន សែនលើកឡើងបែបនេះនៅក្នុងហ្វេសប៊ុករបស់ខ្លួននាល្ងាចថ្ងៃទី ២៧ មករា ក្នុង «វេទិកាធុរកិច្ចឥណ្ឌា-កម្ពុជា» ក្នុងប្រទេសឥណ្ឌា ដែលរៀបចំដោយ រដ្ឋាភិបាលឥណ្ឌា និងមានការចូលរួមពី សម្ព័ន្ធសភាពាណិជ្ជកម្ម និងឧស្សាហកម្មឥណ្ឌា សហព័ន្ធសភាពាណិជ្ជកម្មនិងឧស្សាហកម្មឥណ្ឌា និងសហព័ន្ធឧស្សាហកម្មឥណ្ឌា។

សម្ដេចហ៊ុន សែនថា វេទិកាធុរកិច្ចនេះ ផ្តល់ឱកាសអោយពាណិជ្ចករ និងអ្នកវិនិយោគទុនឥណ្ឌាមានឱកាសបានស្វែងយល់ពីសក្តារនុពលទាំងឡាយនៅកម្ពុជា និង ជាឱកាសដ៏ល្អបំផុតសម្រាប់ពាណិជ្ជករ និងអ្នកវិនិយោគគិនឥណ្ឌាមកបណ្តាក់ទុននៅកម្ពុជា។

សម្ដេច ហ៊ុន សែន បានលើកឡើងថាកន្លងមកមានគម្រោងឯកជនប្រមាណ ៥ ដែលវិនិយោគនៅកម្ពុជាក្នុងទឹកប្រាក់ប្រមាណ ១០៥ លានដុល្លារ ប៉ុន្តែលោកចង់ឃើញក្រុមហ៊ុនឥណ្ឌាជាច្រើនទៀតមកកម្ពុជា និង ចង់អោយមានជើងហោះហើរ ត្រង់ពីឥណ្ឌាទៅកម្ពុជា ដើម្បីជួយសម្រួលអ្នកទេសចរណ៍ និងពាណិជ្ជករកាន់តែងាយស្រួលក្នុងការធ្វើដំណើរ និងដឹកជញ្ជូនទំនិញទៀតផង។

សម្ដេចហ៊ុន សែនបន្តថា សក្តានុពលដែលអាចអោយអ្នកវិនិយោគឥណ្ឌាមកកាន់កម្ពុជាបាន មានដូចជាវិស័យទេសចរណ៍ ព័ត៌មានវិទ្យា កុំព្យូទ័រ សូសវែ (software) កសិកម្ម និងវិស័យផ្សេងៗទៀត។

ជាមួយគ្នានោះសម្ដេច ហ៊ុន សែន ក៏បានបញ្ជាក់ពីស្ថេរភាពនយោបាយល្អនៅកម្ពុជា ជាមួយកំណើនសេដ្ឋកិច្ចហ្នឹងល្អ មានការបើកចំហរអោយប្រើប្រាស់រូបិយប័ណ្ណបរទេស ដោយមិនតម្រូវឲ្យប្តូរមកប្រាក់រៀល ហើយពាណិជ្ជករបរទេសអាចមានសិទ្ឋិវិនិយោគ១០០% ដោយមិនបាច់មានពាណិជ្ជករក្នុងស្រុកឈរភាគហ៊ុនជាមួយ។

បន្ថែមលើនោះសម្ដេច ហ៊ុន សែន ក៏បានបង្ហាញពីភាពសំបូរធនធានមនុស្សដែលជាកម្លាំងពលករប្រមាណ ៧០% ដែលអាចជួយអោយកិច្ចការវិនិយោគនៅកម្ពុជាទទួលបានជោគជ័យផងដែរ៕

ព័ត៌មានផ្សេងទៀត

រដ្ឋាភិបាលដាក់គោលដៅបង្កើនផលិតផលកៅស៊ូដល់ ២៩ម៉ឺនតោនក្នុងឆ្នាំ២០២០ រដ្ឋាភិបាលជំរុញឲ្យបង្កើនផលិតផលស្វាយចន្ទីដើម្បីនាំចេញទៅវៀតណាម សមត្ថកិច្ចឲ្យពលរដ្ឋចូលរួមដើម្បីលុបបំបាត់ទំនិញ និងអាហារមានជាតិគីមី ប៊ីចេង​ក្លែងក្លាយ​រាប់តោន ត្រូវបានសមត្ថកិច្ចបង្រ្កាប​នៅ​ទីតាំង​ផលិត ៣កន្លែង ប្រហិតសាច់មាន់គ្មានគុណភាពជិត ២តោនរកឃើញនាំចូលខុសច្បាប់ សមត្ថកិច្ចបង្រ្កាបបានសាច់និងឆ្អឹងមាន់ខូចគុណភាពជិត ១តោន ស្ករត្នោតជាច្រើនតោនសង្ស័យថាមានសាធាតុគីមី កម្ពុជា-វៀតណាមរួមគ្នាសាងសង់ផ្សារគំរូព្រំដែនមួយឈ្មោះថា «ផ្សារដា» នាយករដ្ឋមន្រ្តីហ៊ុន សែន៖ រីករាយការផ្ដួចផ្ដើមបើកចរាចរណ៍ផ្លូវទឹកពីតាខ្មៅទៅព្រែកព្នៅ ព្រលានយន្តហោះអន្តរជាតិថ្មីមួយគ្រោងនឹងសាងសងនៅក្រុងតាខ្មៅ ការនាំចេញរបស់កម្ពុជាទៅកាន់ទីផ្សារអាមេរិកនៅឆ្នាំ២០១៧មានសញ្ញាវិជ្ជមានច្រើនជាងឆ្នាំ២០១៦ អតិផរណានៅកម្ពុជាក្នុងឆ្នាំ២០១៧ទាបជាងការរំពឹងទុក ចិនត្រៀមថវិកាជាង២រយលានដុល្លារសហរដ្ឋអាមេរិក សម្រាប់គម្រោងតូច-ធំ នៅកម្ពុជា កម្ពុជា-ចិន ចុះកិច្ចព្រមព្រៀងជាមួយគ្នាលើគម្រោងបាញ់បង្ហោះផ្កាយរណប កម្ពុជា-ចិន ឯកភាពគ្នាបង្កើតទំហំពាណិជ្ជកម្មទ្វេភាគីអោយបាន៦ប៊ីលានដុល្លារក្នុងឆ្នាំ២០២០ ក្រសួងទេសចរណ៍ថាភ្ញៀវទេសចរណ៍បរទេសកើនជិត ១២ ភាគរយ ត្រឹមរយៈពេល ១សប្តាហ៍ខែមករា ឆ្នាំ ២០១៨នេះ រាជរដ្ឋាភិបាលសម្រេចអនុម័តលើគម្រោងវិនិយោគចំនួន ៥ផ្សេងគ្នា មានតម្លៃជិត ៤០លានដុល្លារ ចិនព្រមទទួលពិនិត្យសំណើររបស់កម្ពុជាដែលចង់នាំចូលកសិផលទៅលក់នៅចិនដោយមានការអនុគ្រោះពន្ធ ក្រសួងពាណិជ្ជកម្ម​ នឹងរៀបចំពិព័រណ៍ផលិតផល១ ខេត្ត១ នៅថ្ងៃទី១៥ ធ្នូខាងមុខនេះ ក្រុង​/​ខណ្ឌ​ចំនួន​​៣៨​តម្រូវឱ្យ​មាន​បង្គន់​​សាធារណៈ​​ស្របតាម​​ស្ដង់ដារ​ត្រឹម​​ឆ្នាំ2017