រដ្ឋាភិបាលដាក់គោលដៅបង្កើនផលិតផលកៅស៊ូដល់ ២៩ម៉ឺនតោនក្នុងឆ្នាំ២០២០

ប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទលោក យឹម ឆៃលី បានឲ្យដឹងថា រដ្ឋាភិបាលកម្ពុជា ដាក់គោលដៅបង្កើនផ្ទៃដីដាំដុះកៅស៊ូឲ្យបាន បរិមាណផលិតផល ២៩ម៉ឺនតោន នៅឆ្នាំ២០២០ ខណៈបច្ចុប្បន្ន​កម្ពុជាប្រមូលផលបានត្រឹមជិត ១២ម៉ឺនតោន។

លោក យឹម ឆៃលី បានលើកឡើងបង្ហាញការរំពឹងទុកបែបនេះនាថ្ងៃទី២៦ ខែមករា ក្នុង ឱកាសសម្ពោធ​ដាក់ឲ្យ​ដំ​ណើរ​ការជាផ្លូវការ រោងចក្រកែច្នៃកៅស៊ូស្ទោង ស៊ីអស៊ីខេ២ របស់ក្រុមហ៊ុនកៅស៊ូ ជីសេ របស់វៀតណាមដែលស្ថិត​ក្នុងឃុំពពក ស្រុកស្ទោង ខេត្តកំពង់ធំ។នេះបើតាមការចុះផ្សាយរបស់សារព័ត៌មាន Freshnews។

ប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទលោក យឹម ឆៃលី បានថ្លែងថា៖ «គោលដៅរបស់រាជ​រដ្ឋា​ភិបាល គឺត្រូវធ្វើយ៉ាងណាបង្កើនផ្ទៃដីដាំដុះកៅស៊ូឲ្យបានច្រើន ដោយកំណត់បរិមាណផលិតផលចំនួនប្រមាណ ២៩​​ម៉ឺនតោន នៅឆ្នាំ២០២០»។

តាមការចុះផ្សាយដដែលលោក ង្វៀន យីលិញ អគ្គនាយកក្រុមហ៊ុនកៅស៊ូ ជីសេ របស់វៀតណាមនៅខេត្ត កំពង់ធំ បានឲ្យដឹងថា ក្រុមហ៊ុនកៅស៊ូនេះបានចាប់ផ្តើមអនុវត្តគម្រោងនៅឆ្នាំ២០០៩ និងបានដាំដុះកៅស៊ូនៅឆ្នាំ២០១០ និងបញ្ចប់ការដាំនៅឆ្នាំ២០១៤ លើផ្ទៃដីប្រមាណ ១២,៦៦៨ហិចតា ហើយបើគិតមកដល់ឆ្នាំ២០១៧ ក្រុមហ៊ុន​បានចំណាយទុនវិនិយោគចំនួន ១២០លានដុល្លាអាមេរិក។

តាមការចុះផ្សាយដដែលលោក ង្វៀន យីលិញ បន្ថែមថាត្រឹមឆ្នាំ២០១៧នេះ ក្រុមហ៊ុនប្រមូលផលជ័រកៅស៊ូ បាន ៣ ៨៧៦ហិចតា ដែលមានបរិមាណ ២ ៣៦៧តោន។

បើតាមការចុះផ្សាយរបស់ទីផ្សារកៅស៊ូពិភពលោក (Global Rubber Markets) កាលពីខែតុលា ឆ្នាំ ២០១៧ បាន​ឲ្យ​ដឹងថា ចាប់ពីខែ​ មករាដល់ ខែកញ្ញាឆ្នាំ២០១៧​ កម្ពុជាប្រមូលផលពីដំណាំកៅស៊ូបានជិត ១១ម៉ឺន៦ពាន់តោន (១១៥, ៨៤៣តោន) ហើយនាំចេញបានជិត ១១ម៉ឺន៥ពាន់តោន (១១៤, ៩៩១តោន) និងរកចំណូលបាន ១៩២​ លានដុល្លារអាមេរិក ដែលចំនួននៃការនាំចេញនេះកើតឡើង​៣០ភាគរយ៕

ព័ត៌មានផ្សេងទៀត

សមត្ថកិច្ចបង្រ្កាបទីតាំងផលិតប្រេងម៉ាស៊ីនក្លែងក្លាយបានរាប់តោន រដ្ឋាភិបាលជំរុញឲ្យបង្កើនផលិតផលស្វាយចន្ទីដើម្បីនាំចេញទៅវៀតណាម សមត្ថកិច្ចឲ្យពលរដ្ឋចូលរួមដើម្បីលុបបំបាត់ទំនិញ និងអាហារមានជាតិគីមី ប៊ីចេង​ក្លែងក្លាយ​រាប់តោន ត្រូវបានសមត្ថកិច្ចបង្រ្កាប​នៅ​ទីតាំង​ផលិត ៣កន្លែង សមត្ថកិច្ចបង្រ្កាបបានសាច់និងឆ្អឹងមាន់ខូចគុណភាពជិត ១តោន ស្ករត្នោតជាច្រើនតោនសង្ស័យថាមានសាធាតុគីមី កម្ពុជា-វៀតណាមរួមគ្នាសាងសង់ផ្សារគំរូព្រំដែនមួយឈ្មោះថា «ផ្សារដា» នាយករដ្ឋមន្រ្តីហ៊ុន សែន៖ រីករាយការផ្ដួចផ្ដើមបើកចរាចរណ៍ផ្លូវទឹកពីតាខ្មៅទៅព្រែកព្នៅ ព្រលានយន្តហោះអន្តរជាតិថ្មីមួយគ្រោងនឹងសាងសងនៅក្រុងតាខ្មៅ ការនាំចេញរបស់កម្ពុជាទៅកាន់ទីផ្សារអាមេរិកនៅឆ្នាំ២០១៧មានសញ្ញាវិជ្ជមានច្រើនជាងឆ្នាំ២០១៦ អតិផរណានៅកម្ពុជាក្នុងឆ្នាំ២០១៧ទាបជាងការរំពឹងទុក ចិនត្រៀមថវិកាជាង២រយលានដុល្លារសហរដ្ឋអាមេរិក សម្រាប់គម្រោងតូច-ធំ នៅកម្ពុជា កម្ពុជា-ចិន ចុះកិច្ចព្រមព្រៀងជាមួយគ្នាលើគម្រោងបាញ់បង្ហោះផ្កាយរណប កម្ពុជា-ចិន ឯកភាពគ្នាបង្កើតទំហំពាណិជ្ជកម្មទ្វេភាគីអោយបាន៦ប៊ីលានដុល្លារក្នុងឆ្នាំ២០២០ ក្រសួងទេសចរណ៍ថាភ្ញៀវទេសចរណ៍បរទេសកើនជិត ១២ ភាគរយ ត្រឹមរយៈពេល ១សប្តាហ៍ខែមករា ឆ្នាំ ២០១៨នេះ រាជរដ្ឋាភិបាលសម្រេចអនុម័តលើគម្រោងវិនិយោគចំនួន ៥ផ្សេងគ្នា មានតម្លៃជិត ៤០លានដុល្លារ ចិនព្រមទទួលពិនិត្យសំណើររបស់កម្ពុជាដែលចង់នាំចូលកសិផលទៅលក់នៅចិនដោយមានការអនុគ្រោះពន្ធ ក្រសួងពាណិជ្ជកម្ម​ នឹងរៀបចំពិព័រណ៍ផលិតផល១ ខេត្ត១ នៅថ្ងៃទី១៥ ធ្នូខាងមុខនេះ ក្រុង​/​ខណ្ឌ​ចំនួន​​៣៨​តម្រូវឱ្យ​មាន​បង្គន់​​សាធារណៈ​​ស្របតាម​​ស្ដង់ដារ​ត្រឹម​​ឆ្នាំ2017 ក្រុង​/​ខណ្ឌ​ចំនួន​​៣៨​តម្រូវឱ្យ​មាន​បង្គន់​​សាធារណៈ​​ស្របតាម​​ស្ដង់ដារ​ត្រឹម​​ឆ្នាំ2017