អតិផរណានៅកម្ពុជាក្នុងឆ្នាំ២០១៧ទាបជាងការរំពឹងទុក

កម្រិតអត្រាអតិផរណានៅកម្ពុជាក្នុងឆ្នាំ២០១៧កម្រិត២,៩% ដែលជាអត្រាមួយទាបជាងការរំពឹងទុកដែលត្រូវបានព្យាករថា មានកំណើន៣,៨%។ អត្រានេះ ក៏ទាបជាងកាលពីឆ្នាំ ២០១៦ បន្តិចផងដែរ មានប្រមាណ ៣ភាគរយ ដោយសារតែការកើនយឺតនៃតម្លៃម្ហូបអាហារ បន្លែ ត្រី សាច់និងអង្ករ ក៏ដូចជាប្រេងឥន្ធនៈជាដើម។

យោងតាមតួលេខធនាគារជាតិនៃកម្ពុជាបង្ហាញថា ក្រុមម្ហូបអាហារនៅតែបន្តរួមចំណែកធំជាងគេប្រ មាណ ២ភាគរយ នៃកម្រិតអតិផរណារួម ដែលរុញច្រានដោយការបន្តឡើងថ្លៃ បន្លៃ ត្រី សាច់ និងអង្ករ បន្ទាប់មកក្រុមទំនិញ និងសេវាពាក់ព័ន្ធនឹងឥន្ធនៈ បានរួមចំណែកបន្តិចបន្តួចប្រមា ណ ០,២ភាគរយ បណ្តាលមកពីការឡើងថ្លៃប្រេងសាំង និងសេវាដឹក ជញ្ជូន ខណៈថ្លៃឧស្ម័នបន្តធ្លាក់ចុះ។

លោកជំទាវ ជា សិរី អគ្គនាយកបច្ចេកទេសធនាគារជាតិនៃកម្ពុជា បានមានប្រសាសន៍ថាស្ថានភាពសេដ្ឋកិច្ចកម្ពុជាបន្តមានការរីកចម្រើនយ៉ាងរឹងមាំ ស្របពេលដែលអត្រាអតិផរណាត្រូវបានរក្សាក្នុងកម្រិតទាប ២,៩% ហើយអត្រាប្តូរប្រាក់ត្រូវបានរក្សាឱ្យមានស្ថិរភាព ជាមធ្យម ៤០៥០រៀលក្នុងមួយដុល្លារអាមេរិក ដែលបង្កបរិយាកាសអំណោយផលដល់ការអភិវឌ្ឍសេដ្ឋកិច្ច និងការកាត់បន្ថយភាពក្រីក្រ ស្របតាមគោលនយោបាយម៉ាក្រូសេដ្ឋកិច្ចរបស់រាជរដ្ឋាភិបាល។

សម្រាប់ឆ្នាំ ២០១៨នេះ អត្រាអតិផរណា ត្រូវបានរំពឹងថា នឹងមានកម្រិតប្រហាក់ប្រហែលឆ្នាំ ២០១៧ ដោយមានកម្រិតប្រមាណ ៣ភាគរយ ដោយសារការផ្គត់រូបិយវត្ថុស្ថិតក្នុងកម្រិតសម ស្រប គួបផ្សំនឹងការថយល្បឿននៃការឡើងថ្លៃប្រេង។ សេដ្ឋកិច្ចកម្ពុជា បានបន្តកើនឡើងប្រមាណ ៦,៩ភាគរយ នៅឆ្នាំ ២០១៧ គាំទ្រជាចម្បងដោយវិស័យកាត់ដេរ សំណង់ ទេសចរណ៍ និងធនាគារ៕

ព័ត៌មានផ្សេងទៀត

នាយករដ្ឋមន្រ្តីហ៊ុន សែន៖ រីករាយការផ្ដួចផ្ដើមបើកចរាចរណ៍ផ្លូវទឹកពីតាខ្មៅទៅព្រែកព្នៅ ព្រលានយន្តហោះអន្តរជាតិថ្មីមួយគ្រោងនឹងសាងសងនៅក្រុងតាខ្មៅ ការនាំចេញរបស់កម្ពុជាទៅកាន់ទីផ្សារអាមេរិកនៅឆ្នាំ២០១៧មានសញ្ញាវិជ្ជមានច្រើនជាងឆ្នាំ២០១៦ ចិនត្រៀមថវិកាជាង២រយលានដុល្លារសហរដ្ឋអាមេរិក សម្រាប់គម្រោងតូច-ធំ នៅកម្ពុជា កម្ពុជា-ចិន ចុះកិច្ចព្រមព្រៀងជាមួយគ្នាលើគម្រោងបាញ់បង្ហោះផ្កាយរណប កម្ពុជា-ចិន ឯកភាពគ្នាបង្កើតទំហំពាណិជ្ជកម្មទ្វេភាគីអោយបាន៦ប៊ីលានដុល្លារក្នុងឆ្នាំ២០២០ ក្រសួងទេសចរណ៍ថាភ្ញៀវទេសចរណ៍បរទេសកើនជិត ១២ ភាគរយ ត្រឹមរយៈពេល ១សប្តាហ៍ខែមករា ឆ្នាំ ២០១៨នេះ រាជរដ្ឋាភិបាលសម្រេចអនុម័តលើគម្រោងវិនិយោគចំនួន ៥ផ្សេងគ្នា មានតម្លៃជិត ៤០លានដុល្លារ ចិនព្រមទទួលពិនិត្យសំណើររបស់កម្ពុជាដែលចង់នាំចូលកសិផលទៅលក់នៅចិនដោយមានការអនុគ្រោះពន្ធ ក្រសួងពាណិជ្ជកម្ម​ នឹងរៀបចំពិព័រណ៍ផលិតផល១ ខេត្ត១ នៅថ្ងៃទី១៥ ធ្នូខាងមុខនេះ ក្រុង​/​ខណ្ឌ​ចំនួន​​៣៨​តម្រូវឱ្យ​មាន​បង្គន់​​សាធារណៈ​​ស្របតាម​​ស្ដង់ដារ​ត្រឹម​​ឆ្នាំ2017 ក្រុង​/​ខណ្ឌ​ចំនួន​​៣៨​តម្រូវឱ្យ​មាន​បង្គន់​​សាធារណៈ​​ស្របតាម​​ស្ដង់ដារ​ត្រឹម​​ឆ្នាំ2017