ខេត្តកំពង់ឆ្នាំង ៖ ប្រជាពលរដ្ឋ ដែលធ្វើដំណើរឆ្លងកាត់ ទីតាំងលក់ដូវមួយកន្លែង គេតែងសង្កេតឃើញយកមកដាក់តាំងលក់ទាំងយប់ទាំងថ្ងៃ នៅនឹង បង្គោលប៉ាណូ ខ្លោងទ្វារ ស្វាគមន៍ខេត្តកំពង់ឆ្នាំង ការដាក់តាំងលក់ដូរមួយនេះបានរងការរិះគន់ពីសំណាក់ភ្ញៀវទេសចរនិង អ្នកធ្វើដំណើរ ធ្វើឱ្យប៉ះពាល់ដល់សោភណភាពនិងបរិស្ថានក្រុងកំពង់ឆ្នាំង។
កន្លែងលក់ដូរមួយនេះមិននៅឆ្ងាយណាស់ណានោះទេ គឺនៅកណ្តាលក្រុងកំពង់ឆ្នាំងជាប់នឹងរបងទីបញ្ជាការកងរាជអាវុធហត្ថខេត្តកំពង់ឆ្នាំង ដែលករណីនេះគេសង្កេតឃើញថាបានដាក់លក់តាំងពីយូរណាស់មកហើយ ។ បើទោះបីខ្លោងទ្វារស្វាគមន៍ខេត្តកំពង់ឆ្នាំងដែលអាជ្ញាធរខេត្តបានដាក់ស្អាតយ៉ាងណានោះក៏ត្រូវបាត់បង់សោភណភាពដែរ ដោយការលក់ដូរនៅទីនេះ បានដាក់ទាំងយប់ទាំងថ្ងៃព័ទ្ធជុំវិញ សសរខ្លោងទា្វរ។
ប្រជាពលរដ្ឋបានលើកឡើងថា នៅតាមកន្លែងមួយចំនួនក្នុងក្រុងកំពង់ឆ្នាំងមានសោភណភាពបានល្អប្រសើរហើយ ប៉ុន្តែកន្លែងមួយនេះបានធ្វើឱ្យរងការរិះគន់ ពីសំណាក់អ្នកធ្វើដំណើរឆ្លងកាត់ក្រុងកំពង់ឆ្នាំងជាញឹកញាប់ផងដែរ។
ពាក់ព័ន្ធនឹងករណីនេះ លោក ហ៊ីង ភ័ព្វមិនា អភិបាលក្រុងកំពង់ឆ្នាំងនៅព្រឹកថ្ងៃទី១៦ ខែកុម្ភៈ ឆ្នាំ២០២៤ បានបញ្ជាក់តាមប្រព័ន្ធតេឡេក្រាមថា កន្លងមកអាជ្ញាធរក្រុងធ្លាប់បានធ្វើការណែនាំជាច្រើនដងមកហើយ តែអ្នកលក់ដូរនៅទីតាំងនេះមិនបានស្តាប់ការណែនាំរបស់អាជ្ញាធរនោះទេ នៅតែដាក់លក់អនាធិបតេយ្យដែលបង្កការប៉ះពាល់ដល់សោភណភាពរបស់ក្រុងជាខ្លាំង ។
លោកអភិបាលក្រុងក៏បានស្នើឱ្យសួរទៅខាងបញ្ជាការដ្ឋានកងរាជអាវុធហត្ថផងដែរ ព្រោះការលក់ដូរនេះគឺនៅជាប់នឹងរបងកងរាជអាវុធហត្ថខេត្ត ។
យោងតាមប្រភពដែលស្នើសុំមិនបញ្ចេញឈ្មោះបានបញ្ជាក់ថា អ្នកលក់ដូរនេះដែលមិនបានអនុវត្តតាមការណែនាំរបស់អាជ្ញាធរក្រុង គឺគាត់មានសាច់ញាតិនៅក្នុងកងរាជអាវុហត្ថនេះ ដូចនេះបានជារាល់ការណែនាំរបស់អាជ្ញាធរក្រុងពុំសូវមានប្រសិទ្ធភាពនោះ។
ពាក់ព័ន្ធនឹងករណីនេះ លោក សាក់ សារ៉ាំង មេបញ្ជាការកងរាជអាវុធហត្ថខេត្តកំពង់ឆ្នាំងពុំអាចទាក់ទងសុំការបញ្ជាក់បាននោះទេ នៅព្រឹកថ្ងៃទី១៦ ខែកុម្ភៈឆ្នាំ២០២៤ នេះ។
ចំណែកលោក ហ៊ឹង ភ័ព្វមិនា អភិបាលក្រុងកំពង់ឆ្នាំង បានអោយដឹងតាមតេឡេក្រាម នៅរសៀលថ្ងៃទី១៦ ខែកុម្ភៈ ឆ្នាំ២០២៤ថា ៖ ពាក់ព័ន្ធ ជាមួយនិងតូបលក់ដូរ នៅជាប់បង្គោលប៉ាន់ណូ គឺខាងអាជ្ញាធរ បានជូនដំណឹងទៅអោយម្ចាស់ សម្ភារៈ រុះរើរៀបចំ ចេញហើយ។ ចំណែកខាងមន្រ្តីអាវុធហត្ថ ក៏បានជូនដំណឹងអោយរុះរើរួចហើយដែរ៕
ព័ត៌មានផ្សេងទៀត
អភិបាលខេត្តពោធិ៍សាត់ ចាប់ផ្តើមរៀបចំសោភ័ណភាពសួនច្បារ និងផ្លូវថ្មើជើង រ៉បតាមច្រាំងស្ទឹង ពោធិសាត់
ស្ត្រីមេម៉ាយ ទីទាល់ក្រីក្រ រងគ្រោះដោយភ្លើងឆេះផ្ទះទាំងស្រុង ទទួលអំណោយសម្តេចហ៊ុន ម៉ាណែត និងលោកជំទាវ
រ៉េចង្កូតក្រឡាប់រថយន្ត ធ្លាក់ចូលប្រឡាយ របួស៤នាក់ នៅស្រុករលាប្អៀរ ខេត្តកំពង់ឆ្នាំង
ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត៖ ក្រុមការងារចុះបញ្ជីដីក្នុងតំបន់២ និងតំបន់៣កាត់ឆ្វៀលមកតំបន់២ ត្រូវអនុវត្តការងារប្រកបដោយក្រមសីលធម៌វិជ្ជាជីវៈឲ្យបានល្អ
ករណី ឃុបឃិតគ្នានាំចូលជេីងមាន់ខុស ច្បាប់ ៤កុងតែន័រ ទម្ងន់ ជាង ១០០ តោន បានបញ្ជូនទៅដល់អយ្យការអមសាលាដំបូងខេត្តស្វាយរៀង?
ករណីគាស់ផ្នូរនៅទីទួលស្មសាន ក្នុងស្រុកបរិបូរណ៍ ត្រូវបានផ្អាកជាបណ្តោះអាសន្ន ដោយមិនមានការគាស់ផ្នូរបន្តទៀតទេ
រយ;ពេល២ថ្ងៃទៀតសែនធំ ក្នុងពិធីបុណ្យចូលឆ្នាំប្រពៃណីចិន វៀតណាម អាជីវករនៅផ្សារក្រោម និងផ្សារលើ ក្នុងខេត្តកំពង់ឆ្នាំង ត្អួញត្អែរថានៅតែលក់មិនសូវដាច់
ក្មេងប្រុសអាយុ៤ឆ្នាំ ជាប់ក្នុងរថយន្តសាលាអន្ដរជាតិកុលបុត្របញ្ញា ជាង៤ម៉ោង រហូតថប់ដង្ហើមស្លាប់
កម្លាំងអធិការដ្ឋាននគរបាលស្រុកកំពង់ត្រឡាច ឃាត់អ្នកបើកបរ១០៥នាក់ និងម៉ូតូ៦៦គ្រឿង អប់រំ ណែនាំអនុវត្តន៍ច្បាប់ចរាចរណ៍ផ្លូវគោក
ឯកឧត្តម ជា វ៉ាន់ចាន់ ដឹកនាំក្រុមការងារចុះសំអាត និងរើសសំរាមនៅតាមដងផ្លូវបេតុងចូលទៅទីលានទុកដាក់សំរាម និងហូបនំបញ្ចុកសាមគ្គី
មន្ទីរកសិកម្ម និងលោកអភិបាលស្រុក បានចុះពិនិត្យស្រែប្រាំងប្រជាកសិករ៨០ហិចតា ដែលរងការខ្វះខាតទឹក នៅស្រុកស្ទោង
អាវុធហត្ថខេត្តក្រចេះបាននាំខ្លួនមន្រ្តីអ.ហម្នាក់មកសាកសួរក្រោយពីផ្ទុះរូបភាពវីដេអូជិះឡានដើរ បា.ញ់សត្វស្លាប(សត្វកុក)
បញ្ជាការដ្ឋានតំបន់ប្រតិបត្តិការសឹករងកំពង់ធំ ប្រជុំបូកសរុបលទ្ធផលការងារយោធាសន្តិសុខ ប្រចាំខែមករា និងដាក់ចេញទិសដៅអនុវត្តបន្តខែកុម្ភៈឆ្នាំ២០២៤។
ផ្ទៃដីដាំដុះស្វាយចន្ទីសុទ្ឋ១១៥.០២១ហិចតា នៅក្នុងខេត្តកំពង់ធំ
អាជ្ញាធរខេត្តកំពង់ធំ ចេញបទបញ្ជាលុបក្បាលប្រឡាយបង្ហូរទឹកទៅកាន់តំបន់ដីរក្សាទុករបស់រដ្ឋ បន្ទាប់ពីមានជនខិលខូចលួចកាយ
អភិបាលស្រុកតាំងគោក ស្ទុះស្ទាយ៉ាងមុតមាំដើម្បីដោះស្រាយទឹកជូនប្រជាពលរដ្ឋធ្វើស្រែប្រាំងប្រមាណ៣៥០ហិកតា
អភិបាលខេត្តកំពង់ធំ ដឹកនាំកិច្ចប្រជុំបូកសរុបលទ្ធផលការងារដីតំបន់បី ក្នុងភូមិសាស្ត្រខេត្តកំពង់ធំ
អភិបាលខេត្តកំពង់ធំចុះត្រួតពិនិត្យទីតាំងដីតំបន់៣ ដែលរងការទន្ទ្រានឈូសឆាយជាច្រើនហិចតាដោយខុសច្បាប់ នៅស្រុកស្ទោង
បទល្មើសនេសាទ លបកន្ទុយកណ្តុរខ្លះហៅថាលប់ប្រើសមួយរយ២០គ្រឿង រួមទាំងសម្រាស់៣៥កន្លែង ត្រូវបានសមត្ថកិច្ចជលផលកំពង់ឆ្នាំងសហការ បន្តបង្ក្រាប២ករណីផ្សេងគ្នា
ពលរដ្ឋជិត ៥០០គ្រួសារស្នើសម្ដេចអន្តរាគមន៍ទំនាស់ដីធ្លី