ដំរីព្រៃមួយក្បាលឆ្លងដែន ជាន់ស្រ្តីម្នាក់ឲ្យរបួសធ្ងន់នៅភ្នំព្រឹក
សត្វដំរីព្រៃមួយក្បាលបានឆ្លងដែនមកពីព្រំដែននៃប្រទេសថៃចូលមកទឹកដីខ្មែរហើយបានរត់ជាន់ស្រ្តីម្នាក់ដែលកំពុងស៊ីឈ្នួលដកដំឡូងឲ្យរងរបួសធ្ងន់នៅស្រុកភ្នំព្រឹក។
តាមការចុះផ្សាយរបស់អគ្គស្នងការនគរបាលជាតិបានឲ្យដឹងថាហេតុការណ៍នេះបានកើតឡើងនៅវេលាម៉ោង ២និង៣០នាទី រំលងអាធ្រាត្រឈានចូលយប់ថ្ងៃទី១៨ ខែមករា ឆ្នាំ២០១៨ ត្រង់ចំណុចភ្នំណាំសាប ស្ថិតនៅក្នុងភូមិ ដំណាក់ក្សាន្ត ឃុំបួរ ស្រុកភ្នំព្រឹក ខេត្តបាត់ដំបង ។
តាមការចុះផ្សាយដដែលសត្វដំរីនេះទំនងជាកំពុងចុះប្រេង ហើយបានដើរវិលវល់តាមស្រុកមួយចំនួន តាមខ្សែបន្ទាត់ព្រំដែន រហូតដល់យប់មិញនេះក៏ដេញជាន់មនុស្សបណ្ដាលឲ្យស្ត្រីម្នាក់ឈ្មោះ ចក់ គឹមហៃ អាយុ៣២ឆ្នាំ ដែលស្នាក់នៅស៊ីឈ្នួលកាប់ដំឡូងត្រង់ចំណុចកើតហេតុខាងលើ រងរបួសត្រង់ស្មាបោះដៃផុត និង បាក់ឆ្អឹងជំនីខាងឆ្វេង ចំនួន១០ឆ្អឹង។
តាមការចុះផ្សាយនោះបន្តថាសត្វដំរីព្រៃមួយក្បាលនេះ បានរត់ចេញពីព្រៃ...
កូនប្រសារសម្ដេច ហ៊ុន សែន ត្រូវបានតែងតាំងជាអគ្គស្នងការរង
កូនប្រសារសម្ដេចតេជោ ហ៊ុន សែន ត្រូវបានរដ្ឋាភិបាលសម្រេចតែងតាំងជាអគ្គស្នងការរង នៃអគ្គស្នងការដ្ឋាននគរបាលជាតិ។
នេះបើតាមអនុក្រឹត្យរបស់រដ្ឋាភិបាលកាលពីថ្ងៃទី១៥ មករាស្ដីពីការតែងតាំងមុខតំណែងមន្រ្តីនគរបាលជាតិ បានសម្រេចតែងតាំងលោក ឌី វិជ្ជា ដែលជាកូនប្រសារសម្ដេចហ៊ុន សែន និងជាស្វាមីលោកស្រី ហ៊ុន ម៉ាណាកូនស្រីច្បងសម្ដេចហ៊ុន សែន ជាអគ្គស្នងការរង នៃអគ្គស្នងការដ្ឋាននគរបាលជាតិ។
លោក ឌី វិជ្ជា ជាកូនប្រុសរបស់លោក ហុក ឡង់ឌី ដែលសព្វថ្ងៃមានតំណែងជាឧត្តមសេនីយ៍ឯកនៃប្រធាននាយកដ្ឋានកណ្ដាលសន្តិសុខ មានតួនាទីជាប្រធាននាយកកណ្ដាលសន្តិសុខនៃក្រសួងមហាផ្ទៃ៕
អាជ្ញាធរអប្សរាថាមិនទទួលខុសត្រូវចំពោះអ្នកទិញដីនៅអង្គរឃ្យុងយូប៉ះដីរដ្ឋ
អាជ្ញាធរអប្សរាថាមិនទទួលខុសត្រូវចំពោះការខូចខាតផលប្រយោជន៍របស់សាធារណៈជនណាដែលបានទិញដីប៉ះចំដីរបស់រដ្ឋ ក្នុងគម្រោងដីឡូត៍ ក្នុងតំបន់អង្គរឃ្យុងយូ។
អាជ្ញាធរអប្សរាបានលើកឡើងបែបនេះនៅក្នុងសេចក្ដីប្រកាសព័ត៌មានមួយចុះថ្ងៃទី ១២ ខែមករាដែលទើបផ្សព្វផ្សាយជាសាធារណៈនៅថ្ងៃនេះថា មិនទទួលខុសត្រូវចំពោះការខូចខាតផលប្រយោជន៍ពលរដ្ឋណាដែល បាន ទិញដីប៉ះចំដីរបស់រដ្ឋ ក្នុងគម្រោងដីឡូត៍ស្ថិតនៅផ្លូវ ៦០ ម៉ែត្រ ភូមិធ្លកអណ្ដូង សង្កាត់ស្លក្រាម ក្រុងសៀមរាប។
ក្នុងសេចក្ដីជូនដំណឹងនោះអាជ្ញាធរអប្សរាបានលើកឡើងថានៅថ្ងៃទី ១០ ខែមករាអាជ្ញាធរចំរុះខេត្តបានចុះកំណត់ព្រំដីរវាងដីរដ្ឋ ដែលគ្រប់គ្រងដោយអាជ្ញាធរអប្សរា និង ដីឯកជនដែលគ្រប់គ្រងដោយឈ្មោះ លី អ៊ុំអេង។
សេចក្ដីជូនដំណឹងដដែលបន្ថែមថានៅពេលចុះវាស់វែងក្រុមការងាររកឃើញថាមានក្រុមហ៊ុន ហ្គោលឌែន អ៊ីហ្គល រៀលអ៊ិសស្ទេត...
ស្ករត្នោតជាច្រើនតោនសង្ស័យថាមានសាធាតុគីមី
ស្ករត្នោតជាច្រើនតោន ត្រូវបានអាជ្ញាធរចុះបង្រ្កាបដោយសង្ស័យថាមានលាយសារធាតុគីមីដែលអាចធ្វើប៉ះពាល់សុខភាពប្រជាពលរដ្ឋ។
នៅព្រឹកថ្ងៃទី ១៧ ខែ មករានេះ អាជ្ញាធរបានចុះបង្រ្កាបសិប្បកម្ម ផលិតស្ករត្នោតកែច្នៃ ២ ទីតាំងដែលស្ថិតនៅផ្ទះលេខ២១៥ និងផ្ទះលេខ២១៩ ផ្លូវលេខ៣៦៩ សង្កាត់ច្បារអំពៅទី១ ខណ្ឌច្បារអំពៅ ដែលសង្ស័យថាមានលាយសារធាតុគីមីដែលអាចធ្វើប៉ះពាល់សុខភាពប្រជាពលរដ្ឋ។ នេះបើតាមការចុះផ្សាយរបស់ព័ត៌មានFreshnews។
ការចុះផ្សាយដដែលបន្តថាក្រោយការចុះពិនិត្យ សមត្ថកិច្ចបានរកឃើញថាសិប្បកម្មផលិតស្ករត្នោតទាំង ២កន្លែងនោះ មានការប្រើប្រាស់ម្សៅដែលអាចបំលែងទៅជាស្ករត្នោតបាន។
ជាមួយគ្នានោះដែរសមត្ថកិច្ចក៏បាននាំម្ចាស់សិប្បកម្មផលិតស្ករត្នោតនោះទៅកាន់នាយកដ្ឋានប្រឆាំងបទល្មើសសេដ្ឋកិច្ច ដើម្បីធ្វើការសួរនាំ ដោយនាំយកទាំងវត្ថុតាងជា ស្ករត្នោត ស្ករស ម្សៅស និងវត្ថុផ្សេងទៀត...
ជនជាតិចិន ១២នាក់ត្រូវបានឃាត់ខ្លួនពីបទលួចឆ្លងដែន និងស្នាក់នៅធ្វើខុសច្បាប់
ជនជាតិចិនចំនួន ១២ នាក់ត្រូវបានសមត្ថកិច្ចឃាត់ខ្លួនពីបទលួចឆ្លងដែន និងកំពុងស្នាក់នៅធ្វើការងារខុសច្បាប់នៅភ្នំពេញ។
តាមការចុះផ្សាយលើវេបសាយអគ្គស្នងការនគរបាលជាតិកាលពីព្រឹកថ្ងៃទី១៦ ខែមករា ឆ្នាំ២០១៨ បានឲ្យដឹងថាសមត្ថកិច្ចចំរុះ បានចុះត្រួតពិនិត្យការដ្ឋានសំណង់ និងកន្លែងស្នាក់នៅរបស់ជនជាតិចិនដែលស្ថិតនៅផ្លូវ២៧៣ និងផ្លូវV១-១៣ សង្កាត់ទួលសង្កែ ខណ្ឌឫស្សីកែវ ហើយបានឃាត់ខ្លួនជនជាតិចិនចំនួន ១២ នាក់ដែលគ្មានលិខិតឆ្លងដែន។
អគ្គស្នងការនគរបាលជាតិបន្តថាជាមួយគ្នានោះដែរក៏មានជនជាតិចិន ២២នាក់ទៀតមានលិខិតឆ្លងដែន តែមិនមានសៀវភៅការងារក៏ត្រូវបានសមត្ថកិច្ច ដកហូតលិខិតឆ្លងដែន ហើយ បញ្ជូនទៅអគ្គនាយកដ្ឋានអន្តោប្រវេសន៍ដើម្បីអនុវត្តនីតិវិធីបន្តនៃច្បាប់។
ថ្ងៃជាមួយគ្នានោះដែរកម្លាំងនគរបាលអន្តោប្រវេសន៍នៅច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ ក៏បានឃាត់ ខ្លួនជនជាតិចិនចំនួន ៥០...
យ៉ាងហោចណាស់ផ្ទះ ១៦ ខ្នងត្រូវបានឆាប់ឆេះនៅសង្កាត់ទឹកថ្លា
យ៉ាងហោចណាស់ផ្ទះពលរដ្ឋចំនួន ១៦ ខ្នង និងសំភារៈផ្សេងទៀត ត្រូវបានអគ្គីភ័យឆាប់ឆេះក្នុងសង្កាត់ទឹកថ្លា ខណ្ឌសែនសុខ។
បើតាមការចុះផ្សាយរបស់អគ្គស្នងការនគរបាលជាតិបានឲ្យដឹងថាល្ងាចនៅថ្ងៃទី១៥ ខែមករា ឆ្នាំ២០១៨ វេលាម៉ោង១៨ និង០០នាទី មានករណីអគ្គីភ័យកើតឡើងស្ថិត នៅចំណុច ភូមិបូរីកម្មករ សង្កាត់ទឹកថ្លា ខណ្ឌសែនសុខ បណ្តាឲ្យឆេះផ្ទះ អស់ចំនួន១៦ខ្នង ធ្វើពីឈើ ប្រកស័ង្កសី និង ខូចខាតសម្ភារៈអស់ មួយចំនួនធំ ។
ការចុះផ្សាយដដែលនោះបន្តថាក្នុងករណីឆាប់ឆេះសមត្ថកិច្ច បានប្រើប្រាស់រថយន្តពន្លត់សរុបចំនួន...
បុរស ៣ នាក់ត្រូវបានកាប់ឲ្យរងរបួសក្នុងទំនាស់វង់ផឹកស៊ី
យ៉ាងហោចណាស់មានបុរស ៣ នាក់ ត្រូវបានជនដៃដល់កាប់ឲ្យរងរបួសធ្ងន់ ក្នុងទំនាស់ពាក្យសំដី នៅកន្លែងវង់ផឹកស៊ីក្នុងខេត្តព្រៃវែង។
បើតាមការចុះផ្សាយរបស់អគ្គស្នងការនគរបាលជាតិបានឲ្យដឹងថានៅថ្ងៃទី១៤ ខែមករា វេលាម៉ោង ២៣ និង៤៥នាទី មានករណីហិង្សាមួយបានកើតឡើង ដែលបង្កដោយជនសង្ស័យ១នាក់ ដោយបានយកកាំបិតខ្វែវកាប់ទៅលើជនរងគ្រោះ៣នាក់ បណ្តាលឲ្យរងរបួសយ៉ាងធ្ងន់ធ្ងរ។
អគ្គស្នងការនគរបាលជាតិបានឲ្យដឹងបន្ថែមថាករណីនេះកើតឡើងនៅចំណុចភូមិព្រៃស្លា ឃុំ ព្រៃព្នៅ ស្រុកពារាំង ខេត្តព្រៃវែង ដោយមូលហេតុទំនាស់ពាក្យសំដីគ្នាក្នុងពេលផឹកស៊ីដែលបន្តដោយ ជនសង្ស័យឈ្មោះ រី បូរី ភេទប្រុស អាយុ២៣ឆ្នាំ...
មនុស្ស ១០នាក់ស្លាប់ និង១៥នាក់រងរបួសធ្ងន់ ស្រាលដោយគ្រោះថ្នាក់ចរាចរណ៍
យ៉ាងហោចណាស់មនុស្ស ១០ នាក់បានស្លាប់ និង១៥ នាក់ទៀតរងរបួសធ្ងន់ស្រាលក្នុងហេតុការណ៍គ្រោះថ្នាក់ចរាចរណ៍នៅថ្ងៃនេះ។
បើតាមរបាយការណ៍ដែលចេញផ្សាយដោយអគ្គស្នងការនគរបាលជាតិបានឲ្យដឹងថានៅថ្ងៃទី១៤ ខែមករា ឆ្នាំ២០១៨ មានករណីគ្រោះថ្នាក់ចរាចរណ៍នៅទូទាំងប្រទេសកើតឡើង ១២លើក ដែលបណ្តាលឲ្យមនុស្ស ១០នាក់ស្លាប់ (ប្រុស៨នាក់) ១៥នាក់ រងរបួសធ្ងន់ និងស្រាល។
ក្នុងការចុះផ្សាយដដែលនោះបានឲ្យដឹងថាអ្នកដែលជួបគ្រោះថ្នាក់ទាំងនោះ មាន ១៦នាក់មិនបានពាក់មួកសុវត្ថិភាព នៅពេលគ្រោះថ្នាក់ចរាចរណ៍។
អគ្គស្នងការនគរបាលជាតិបន្តថាមូលហេតុដែលបណ្តាលឲ្យកើតមានករណីគ្រោះថ្នាក់ចរាចរណ៍ដោយសារបើកបរ ល្មើសល្បឿន, ស្រវឹង២លើក មិនគោរពសិទ្ធិ, មិនប្រកាន់ស្តាំ និងបើកបរប្រជែង ។
តាមរបាយការណ៍ដដែលនោះឲ្យដឹងដែរថាគ្រោះថ្នាក់ចរាចរណ៍ទូទាំងប្រទេសរយៈពេល១៤ថ្ងៃ...
ឃាត់ខ្លួនមនុស្ស១៩នាក់ បន្ទាប់ពីក្លែងបន្លំធ្វើជាសង្ឃដើរបិណ្ឌបាត្រតាមទីផ្សារនៅខេត្តសៀមរាប
សៀមរាប ៖ សមត្ថកិច្ចនគរបាលខេត្តសៀមរាប បានធ្វើការឃាត់ខ្លួនមនុស្ស១៩នាក់ ដែលក្លែងបន្លំជាសង្ឃធ្វើសកម្មភាពដើរបិណ្ឌបាត្រតាមទីផ្សារទីសាធារណៈ និងស្នាក់នៅតាមផ្ទះសំណាក់ក្នុងក្រុងសៀមរាបបែបអនាធិបតេយ្យ។ ការឃាត់ខ្លួននេះធ្វើឡើងកាលពីថ្ងៃទី១០ ខែមករា ឆ្នាំ២០១៨។ នេះបើយោងតាមការចុះផ្សាយរបស់អគ្គស្នងការនគរបាលជាតិ។
លោកឧត្តមសេនីយ៍ត្រី ហួត ធី ស្នងការរងទទួលផែនសន្តិសុខ នៃស្នងការនគរបាលខេត្តសៀមរាបបានឲ្យដឹងថា ជនសង្ស័យដែលបានឃាត់ខ្លួនទាំងនោះ មានស្រុកកំណើតនៅខេត្តព្រៃវែង ខេត្តព្រះវិហារ ខេត្តតាកែវ ខេត្តកំពង់ស្ពឺ ខេត្តបាត់ដំបង ខេត្តកោះកុង ខេត្តកែប ខេត្តព្រះសីហនុ ខេត្តឧត្តរមានជ័យ...
កម្មករ ៥៥ រងរបួសធ្ងន់ស្រាលដោយសារគ្រោះថ្នាក់ចរាចរណ៍នៅកំពង់ស្ពឺ
កម្មករចំនួន ៥៥ នាក់បានរងរបួសធ្ងន់ និងស្រាល ក្នុងហេតុការណ៍គ្រោះថ្នាក់ចរាចរណ៍មួយនៅខេត្តកំពង់ស្ពឺកាលពីល្ងាចម្សិលមិញ។
តាមគេហទំព័រអគ្គស្នងការនគរបាលជាតិបានឲ្យដឹងថារថយន្តដឹកម្មករមួយគ្រឿងវ៉ាងជែងគ្នាក្នុងស្ថានភាពគ្រោះ ថ្នាក់បណ្តាលឲ្យជួបគ្រោះថ្នាក់ចរាចរណ៍ក្រឡាប់ដោយខ្លួនឯងធ្វើឲ្យកម្មករ ៥៥នាក់របួសធ្ងន់ស្រាល នៅថ្ងៃទី៩ ខែមករា ម្សិលមិញ។
អគ្គស្នងការនគរបាលជាតិបានបន្ថែមថាហេតុការនេះបានកើតឡើងកាលពីវេលាម៉ោង១៦និង៥០នាទី នៅលើផ្លូវជាតិលេខ៥១ ចន្លោះគីឡូម៉ែត្រលេខ១៦-១៧ នៅក្នុងភូមិតាឡាក់ ឃុំក្សេមក្សាន្ត ស្រុកឧដុង្គ ខេត្តកំពង់ស្ពឺ។
អគ្គស្នងការនគរបាលជាតិបានដកស្រងសំដីលោក តាប់ លន ស្នងការរងខេត្តកំពង់ស្ពឺថាមុនពេលកើតហេតុមានរថយន្តដឹកកម្មករមួយគ្រឿង ម៉ាក HYUNDAI PORTER ពណ៌ សពាក់ស្លាកលេខ...