រដ្ឋាភិបាលវ៉េណេស៊ុយអេឡានិងបក្សប្រឆាំងត្រៀមខ្លួនចរចា

ក្រុមអ្នកតំណាងរដ្ឋាភិបាលនៃប្រធានាធិបតីវ៉េណេស៊ុយអេឡា លោក Nicolas Maduro និងមេដឹកនាំបក្សប្រឆាំងលោក Juan Guaido នឹងធ្វើកិច្ចចរចាក្នុងគោលបំណងដើម្បីបំបែកភាពជាប់គាំងនយោបាយដែលត្រូវបានសម្របសម្រួលដោយប្រទេសន័រវេស។

វិបត្តិនយោបាយរបស់វ៉េណេស៊ុយអេឡានៅតែបន្ត ខណៈដែលលោក Maduro គ្រប់គ្រងប្រទេសដោយកណ្តាប់ដៃដែកដែលមានប្រទេសចិននិងរុស្ស៊ីនៅពីក្រោយ ខណៈលោក Guaido ប្រកាសខ្លួនឯងថាជាប្រធានាធិបតីបណ្ដោះអាសន្នដែលមានការគាំទ្រពីសហរដ្ឋអាមេរិក។

វិបត្តិបានរីកធំឡើងដោយមានប្រជាជនវេណេហ្ស៊ុយអេឡាច្រើនជាង 4 លាននាក់ភៀសខ្លួនទៅកាន់ប្រទេសជិតខាង។

ការចរចានេះនឹងត្រូវបានរៀបចំឡើងនៅក្នុងប្រទេសបាបាដូសនៅសប្តាហ៍នេះ។

ការប្រកាសនេះធ្វើឡើងបន្ទាប់ពីលោក Maduro បានស្នើកាលពីថ្ងៃអង្គារថារដ្ឋាភិបាលរបស់លោកអាចឈានដល់កិច្ចព្រមព្រៀងមួយជាមួយក្រុមប្រឆាំងដើម្បីដោះស្រាយវិបត្តិនេះ។

ដោយផ្លាស់ប្តូរពីតំណែងមុនរបស់លោកដើម្បីបដិសេធការចរចាជាមួយរដ្ឋាភិបាល លោក Guaido បាននិយាយថាលោកត្រៀមខ្លួនរួចជាស្រេចសម្រាប់កិច្ចពិភាក្សាដើម្បីបញ្ចប់របបផ្តាច់ការរបស់លោក Maduro។

ការជាប់គាំងផ្នែកនយោបាយបានបន្ត ខណៈលោក Maduro ដែលគ្រប់គ្រងបណ្តាញយោធានិងតុលាការបានបង្កើនសម្ពាធលើលោក Guaido ខណៈសហរដ្ឋអាមេរិកបានបង្កើនការដាក់ទណ្ឌកម្មសេដ្ឋកិច្ចប្រឆាំងនឹងមន្ត្រីរដ្ឋាភិបាលរបស់លោក Maduro។

វាមិនច្បាស់ទេថាតើកិច្ចពិភាក្សានាពេលខាងមុខនេះនឹងបញ្ចប់ភាពច្របូកច្របល់នៅពេលដែលលោក Maduro បានច្រានចោលទាំងស្រុងនូវការអំពាវនាវពីគណបក្សប្រឆាំងនិងសហគមន៍អន្ដរជាតិចំពោះការរៀបចំបោះឆ្នោតប្រធានាធិបតីឡើងវិញ៕

ព័ត៌មានផ្សេងទៀត

លោក Maduro ហាក់ដូចជាបន្តគ្រប់គ្រងវ៉េណេស៊ុយអេឡា មេធាវីសិទិ្ធមនុស្សចិនត្រូវបានកាត់ទោសជាប់ពន្ធនាគារ មេដឹកនាំបក្សប្រឆាំងកុងហ្គោឈ្នះការបោះឆ្នោតប្រធានាធិបតី លោក Rajapaksa លាលែងពីតំណែងជានាយករដ្ឋមន្ត្រីស្រីលង្កា Pence ចាប់ផ្តើមដំណើរទស្សនកិច្ចទៅកាន់ 4 ប្រទេស អតីតប្រធានាធិបតីម៉ាល់ឌីវវិលត្រឡប់ពីការនិរទេសខ្លួនវិញ Trump ស្វាគមន៍ចំពោះការដោះលែងគ្រូគង្វាល អតីតប្រធានាធិបតីលីត្រូវបានកាត់ទោសឱ្យជាប់ពន្ធនាគារ 15 ឆ្នាំ គណបក្សប្រឆាំងហ្ស៊ីមបាវ៉េប្តឹងមិនទទួលស្គាល់ការបោះឆ្នោត ណាជីបត្រូវបានចោទប្រកាន់ពីបទលាងលុយកខ្វក់ បាតុករនិងកងទ័ពប៉ះទង្គិចគ្នាជុំវិញការបោះឆ្នោតនៅហ្សីមបាវេ តួកគីបន្ទោសអូទ្រីសដែលបិទវិហារអ៊ីស្លាមនិងបណ្តេញមេដឹកនាំសាសនាអ៊ីស្លាម អតីតស្ត្រីទីមួយម៉ាឡេស៊ីត្រូវបានចោទសួរ ប្រទេសអ៊ីតាលីបរាជ័យក្នុងការបង្កើតរដ្ឋាភិបាល នាយករដ្ឋមន្ត្រីថ្មីម៉ាឡេស៊ីលោកបណ្ឌិត Mahathir នឹងពិនិត្យគម្រោងជាមួយវិនិយោគិនបរទេស ពលរដ្ឋអាម៉េរិកចំនួន 3 នាក់បានមកដល់ប្រទេសខ្លួនវិញហើយ អតីតមន្រ្តីជាន់ខ្ពស់ចិនម្នាក់ត្រូវបានកាត់ទោសជាប់ពន្ធនាគារអស់មួយជីវិត អតីតនាយករដ្ឋមន្ត្រីថៃលោកស្រីយីងឡាក់ និង លោកថាក់ស៊ីន បច្ចុប្បន្ននៅក្នុងប្រទេសជប៉ុន គណៈរដ្ឋមន្ត្រីថ្មីរបស់កោះតៃវ៉ាន់បានបង្កើត Trump ព្រមានពី ដំណាក់កាលទី2 ប្រឆាំងនឹងកូរ៉េខាងជើង