អគារលំដាប់ពិភពលោកកម្ពស់៦០០ម៉ែត្រគ្រោងនឹងជំនួសសណ្ឋាគារកាំបូឌីយ៉ាណា

រាជធានីភ្នំពេញៈ យោងតាមការចុះផ្សាយជាផ្លូវការរបស់កាសែត The Phnom Penh Post ព្រឹកថ្ងៃទី០៩ ខែកុម្ភៈ នេះ គម្រោងសាងសង់អគារលំដាប់ពិភពលោកកម្ពស់៦០០ម៉ែត្រនៅលើទីតាំងសណ្ឋាគារកាំបូឌីយ៉ាណា សព្វថ្ងៃត្រូវបានដាក់ស្នើទៅដល់ក្រសួងរៀបចំដែនដី នគរោបនីយកម្ម និង សំណង់ ហើយ។

លោក សេង ​ឡូត អ្នកនាំពាក្យនៃក្រសួងរៀបចំដែនដី បាននបញ្ជាក់ថា “វាគ្រាន់តែជាគម្រោងប៉ុណ្ណោះ ពេលនេះ…ក្រុមហ៊ុនរ៉ូយ៉ាល់គ្រុបបានស្នើសុំអាជ្ញាប័ណ្ណសម្រាប់គម្រោងនេះហើយ។ សណ្ឋាគារកាំបូឌីយ៉ាណានឹង ត្រួវវាយកម្ទេចចោល​ ហើយនឹងសង់អគារថ្មីមួយនៅទីនោះ។”

បើតាមប្រភពដដែល អគារដែលត្រូវសង់កម្ពស់៦០០ម៉ែត្រនោះនឹងក្លាយជាអគារខ្ពស់ជាងគេលំដាប់ទី៤ នៅក្នុងពិភពលោកបន្ទាប់ពីអគារ Burj Khalifa (សហព័ន្ធអារ៉ាប់រួម) ប៉មទីក្រុងសៀងហៃ (ប្រទេសចិន) និងប៉មនាឡិកា Abraj Al-Bayt (ប្រទេសអារ៉ាប៊ីសាអូឌី។ ប៉ុន្តែទោះបីជាយ៉ាងណាក៏ដោយ ក៏ថ្នាក់ដឹកនាំសណ្ឋាគារកាំបូឌីយ៉ាពុំទាន់ ចេញសេចក្តីប្រកាសផ្លូវការស្តីពីគម្រោងវាយចោលសំណង់ចាស់់និងសាងសង់អគារថ្មីលើទីតាំងចាស់នេះដែរ។

គួរកត់សម្គាល់ផងដែរថា សណ្ឋាគារកាំបូឌីយ៉ាណាត្រូវបានចាត់ទុកជាសំណង់និមិត្តរូបមួយនៃវិស័យ ស្ថាបត្យកម្មនិងទេសចរណ៍ក្នុងទីក្រុងភ្នំពេញ ព្រោះវាជាអគារប្រវត្តិសាស្រ្តដែលត្រូវបានសម្ពោធតាំងពីឆ្នាំ១៩៦៩ ចុងសម័យសង្គមរាស្រ្តនិយមដែលដឹកនាំដោយសម្តេចព្រះបរមរតនកោដ្ឋ និង​ជាស្នាដៃដ៏លេចធ្លោរបស់ស្ថាបត្យករ ខ្មែរមួយរូបក្នុងសម័យនោះ គឺ លោក លុយ បានហាប់ ​(សព្វថ្ងៃ កំពុងរស់នៅប្រទេសបារាំង)។​ សណ្ឋាគារនេះត្រូវបាន កាន់កាប់ដោយក្រុមហ៊ុនសណ្ឋាគារសឹង្ហបុរី ឈ្មោះ សូហ្វីតែល ពីឆ្នាំ១៩៩១ ដល់ឆ្នាំ២០០១ ហើយត្រូវបានផ្ទេរកម្មសិទ្ធិ​មកក្រុមហ៊ុនរ៉ូយ៉ាល់គ្រុបរបស់លោកឧកញ៉ា គិត ម៉េង ចាប់តាំងពីឆ្នាំ២០០៥ ដល់សព្វថ្ងៃ៕

ព័ត៌មានផ្សេងទៀត

រដ្ឋាភិបាលដាក់តំបន់កោះរ៉ុងជាឧទ្យានជាតិសមុទ្រ សាំងធម្មតាឡើងថ្លៃខ្ពស់ដល់ ៤០០០រៀល សណ្ឋាគារ Intercontinental ភ្នំពេញប្តូរឈ្មោះទៅជាសណ្ឋាគារ The Great Duke    ប្រហិតវេចខ្ចប់ខុសបច្ចេកទេស និងខុសច្បាប់ជិតកន្លះតោនត្រូវសមត្ថកិច្ចបង្រ្កាប រដ្ឋាភិបាលដាក់គោលដៅបង្កើនផលិតផលកៅស៊ូដល់ ២៩ម៉ឺនតោនក្នុងឆ្នាំ២០២០ រដ្ឋាភិបាលជំរុញឲ្យបង្កើនផលិតផលស្វាយចន្ទីដើម្បីនាំចេញទៅវៀតណាម សមត្ថកិច្ចឲ្យពលរដ្ឋចូលរួមដើម្បីលុបបំបាត់ទំនិញ និងអាហារមានជាតិគីមី ប៊ីចេង​ក្លែងក្លាយ​រាប់តោន ត្រូវបានសមត្ថកិច្ចបង្រ្កាប​នៅ​ទីតាំង​ផលិត ៣កន្លែង សមត្ថកិច្ចបង្រ្កាបបានសាច់និងឆ្អឹងមាន់ខូចគុណភាពជិត ១តោន ស្ករត្នោតជាច្រើនតោនសង្ស័យថាមានសាធាតុគីមី កម្ពុជា-វៀតណាមរួមគ្នាសាងសង់ផ្សារគំរូព្រំដែនមួយឈ្មោះថា «ផ្សារដា» នាយករដ្ឋមន្រ្តីហ៊ុន សែន៖ រីករាយការផ្ដួចផ្ដើមបើកចរាចរណ៍ផ្លូវទឹកពីតាខ្មៅទៅព្រែកព្នៅ ព្រលានយន្តហោះអន្តរជាតិថ្មីមួយគ្រោងនឹងសាងសងនៅក្រុងតាខ្មៅ អតិផរណានៅកម្ពុជាក្នុងឆ្នាំ២០១៧ទាបជាងការរំពឹងទុក ចិនត្រៀមថវិកាជាង២រយលានដុល្លារសហរដ្ឋអាមេរិក សម្រាប់គម្រោងតូច-ធំ នៅកម្ពុជា កម្ពុជា-ចិន ចុះកិច្ចព្រមព្រៀងជាមួយគ្នាលើគម្រោងបាញ់បង្ហោះផ្កាយរណប កម្ពុជា-ចិន ឯកភាពគ្នាបង្កើតទំហំពាណិជ្ជកម្មទ្វេភាគីអោយបាន៦ប៊ីលានដុល្លារក្នុងឆ្នាំ២០២០ ក្រសួងទេសចរណ៍ថាភ្ញៀវទេសចរណ៍បរទេសកើនជិត ១២ ភាគរយ ត្រឹមរយៈពេល ១សប្តាហ៍ខែមករា ឆ្នាំ ២០១៨នេះ រាជរដ្ឋាភិបាលសម្រេចអនុម័តលើគម្រោងវិនិយោគចំនួន ៥ផ្សេងគ្នា មានតម្លៃជិត ៤០លានដុល្លារ ក្រសួងពាណិជ្ជកម្ម​ នឹងរៀបចំពិព័រណ៍ផលិតផល១ ខេត្ត១ នៅថ្ងៃទី១៥ ធ្នូខាងមុខនេះ