ក្រសួងការពារជាតិអាមេរិកនិយាយថាអ៊ីរ៉ង់បានបាញ់មីស៊ីលផ្លោងច្រើនជាងរាប់សិប គ្រាប់សំដៅទៅលើកម្លាំងយោធានិងសម្ព័ន្ធមិត្តអាមេរិកនៅអ៊ីរ៉ាក់។
ឆ្មាំបដិវត្តអ៊ីស្លាមអ៊ីរ៉ង់និយាយថាវាជាការសងសឹកចំពោះការសម្លាប់របស់សហរដ្ឋអាមេរិកលើមេបញ្ជាការយោធាកំពូលរបស់ខ្លួនគឺលោក Qassem Soleimani។
មន្ទីរបញ្ចកោណនិយាយថាការវាយប្រហារត្រូវបានធ្វើឡើងនៅម៉ោងប្រហែល ១ និង ៣០ នាទីព្រឹកម៉ោងក្នុងស្រុក។
ទីភ្នាក់ងារសារព័ត៌មាន Fars របស់អ៊ីរ៉ង់ដែលមានទំនាក់ទំនងជាមួយរដ្ឋាភិបាលបានបញ្ចេញវីដេអូរយៈពេល ៣ នាទីដែលបង្ហាញថាមីស៊ីលកំពុងត្រូវបានបាញ់ផ្លោង។
ប្រព័ន្ធផ្សព្វផ្សាយរដ្ឋអ៊ីរ៉ង់និយាយថាក្រុមឆ្មាំបដិវត្តអ៊ីស្លាមរបស់ប្រទេសបានបាញ់មីស៊ីលទៅកាន់មូលដ្ឋានអាកាស Ain al-Assad នៅភាគខាងលិចអ៊ីរ៉ាក់ជាទីដែលទាហានអាមេរិកកំពុងឈរជើង។
វានិយាយថាប្រតិបត្តិការនេះត្រូវបានគេហៅថា “Martyr Soleimani”។
មន្ទីរបញ្ចកោណនិយាយថាមូលដ្ឋានមួយទៀតនៅ Arbil ក៏ជាគោលដៅផងដែរ។
គេនៅមិនទាន់ច្បាស់ថាតើមានអ្នកស្លាប់និងរបួសទេ ហើយទំហំនៃការខូចខាតក៏មិនទាន់ដឹងដែរ៕