អ្នកជិះស្គីលើទឹកម្នាក់ត្រូវបានវាយប្រហារដោយត្រីឆ្លាមនៅអូស្ត្រាលី

អាជ្ញាធរបាននិយាយថាអ្នកជិះស្គីលើទឹកម្នាក់ត្រូវបានវាយប្រហារនៅត្រង់ជើងដោយត្រីឆ្លាមមួយក្បាលនៅឆ្នេរសមុទ្រភាគខាងលិចប្រទេសអូស្ត្រាលីនៅថ្ងៃអាទិត្យនេះដែលជាការវាយប្រហារចុងក្រោយបំផុតមួយដែលបានសម្លាប់បុរសម្នាក់ទៀត។

មន្ត្រីជលផលបានប្រាប់សារព័ត៌មាន AFP ថាអ្នកជិះស្គីម្នាក់ដែលមានអាយុប្រហែល 20 ឆ្នាំកំពុងជិះស្គីរបស់គាត់នៅឆ្នេរ Pyramids ភាគខាងត្បូងទីក្រុង Perth ប្រទេសអូស្ត្រាលីភាគខាងលិចកាលពីព្រឹកថ្ងៃអាទិត្យនៅពេលការវាយប្រហារបានកើតឡើង។

សាក្សីម្នាក់បានប្រាប់គេហទំព័រសារព័ត៌មាន WA Today ថាបុរសនោះនៅជាមួយអ្នកជិះស្គីម្នាក់ទៀតក្នុងទឹកនៅពេលដែលហ្វូងត្រីសាម៉ុងបានហែលឆ្លងកាត់ពួកគេហើយសំឡេងត្រីឆ្លាមបានបន្លឺឡើង។

លោក Damian Baker ដែលកំពុងមើលពីច្រាំងបាននិយាយថា “បុរសនោះត្រូវបានវាយប្រហារនៅផ្នែកខាងក្រោមនៃជើងជាមួយនឹងការខាំត្របាក់ពីរដង។

អ្នកសង្គ្រោះបាននិយាយថា បុរសវ័យក្មេងម្នាក់ទៀតបានទាញខ្លួនគាត់ទៅលើថ្មបន្ទាប់ពីគាត់ត្រូវបានខាំ។ គាត់ត្រូវបានគេដឹកទៅកាន់មន្ទីរពេទ្យជាមួយនឹងការរងរបួសដែលមិនប៉ះពាល់ដល់ជីវិត។

មន្ត្រីរដ្ឋបានអះអាងពីការវាយប្រហារដោយ “ត្រីឆ្លាមដែលមិនស្គាល់អត្តសញ្ញាណ” នៅក្នុងសេចក្តីថ្លែងការណ៍មួយ។

ក្រសួងជលផលរដ្ឋបាននិយាយថាឆ្នេរសមុទ្រនៅតំបន់នោះត្រូវបានបិទ ហើយប៉ូលិសជើងទឹកបានដើរល្បាតនៅលើផ្ទៃទឹក។

ការវាយប្រហារនេះគឺជាការជួបប្រទះលើកទី 5 នៅឆ្នេរសមុទ្រអូស្ត្រាលីក្នុងរយៈពេលពីរខែនេះ។

អ្នកហែលទឹកម្នាក់បានស្លាប់កាលពីថ្ងៃចន្ទក្រោយពីត្រូវបានរងរបួសដោយត្រីឆ្លាមមួយនៅបណ្តុំកោះ Whitsunday នៅរដ្ឋ Queensland ដែលជាការជួបប្រទះលើកទី 3 នៅក្នុងតំបន់ទេសចរណ៍ចាប់តាំងពីខែកញ្ញាមក។

កាលពីថ្ងៃពុធ អ្នកជិះស្គីម្នាក់បានវាយប្រយុទ្ធជាមួយត្រីឆ្លាមជាមួយក្តាស្គីរបស់គាត់បន្ទាប់ពីគាត់ត្រូវបានខាំត្រង់ជើងនៅ Shelly Beach កន្លែងទេសចរណ៍ដ៏ពេញនិយមមួយផ្សេងទៀតនៅក្នុងរដ្ឋ New South Wales។

ក្រុមអ្នកជំនាញនិយាយថាការវាយប្រហារកំពុងកើនឡើងខណៈដែលសកម្មភាពកីឡាលើទឹកកាន់តែមានពេញនិយម ហើយត្រីដែលត្រូវបានត្រីឆ្លាមស៊ីផ្លាស់ទីទៅកាន់តែខិតជិតដល់ច្រាំងសមុទ្រ។

ទោះយ៉ាងណាក៏ដោយការស្លាប់នៅតែកម្រកើតមាន៕

ព័ត៌មានផ្សេងទៀត

មនុស្សមួយចំនួនបានស្លាប់និងរាប់រយនាក់ទៀតបាត់ខ្លួនបន្ទាប់ពីបាក់ទំនប់វារីអគ្គីសនីនៅក្នុងប្រទេសឡាវ ប្រជាជនតូក្យូ 38 នាក់បានស្លាប់ក្នុងអាកាសធាតុដ៏ក្តៅខ្លាំងក្នុងអំឡុងខែកក្កដា ក្មេងពីរនាក់ត្រូវបានវាយប្រហារដោយត្រីឆ្លាមនៅញូវយ៉កលើកដំបូងក្នុងរយៈពេល 70ឆ្នាំ ចំនួនអ្នកស្លាប់ដោយសារភ្លៀងធ្លាក់ខ្លាំងបានកើនឡើងដល់ 204 នាក់ រញ្ជួយដីយ៉ាងខ្លាំងបានវាយប្រហារភាគខាងកើតទីក្រុងតូក្យូ យ៉ាងហោចណាស់មនុស្ស 16 នាក់បានស្លាប់និង 40 នាក់កំពុងបាត់ខ្លួនបន្ទាប់ពីទូកបានលិចនៅក្នុងសមុទ្រភាគខាងត្បូងប្រទេសថៃ ការស្វែងរកក្មេងប្រុសបន្តនៅក្នុងប្រទេសថៃ មនុស្ស 6 នាក់បានស្លាប់នៅក្នុងការរអិលបាក់ដីនៅក្នុងរដ្ឋភាគខាងជើងប្រទេសមីយ៉ាន់ម៉ា ការបំផ្ទុះគ្រាប់បែកអត្តឃាតសម្លាប់មនុស្ស 25 នាក់នៅអាហ្វហ្គានីស្ថាន ប៉ូលីសរឹតបន្តឹងសន្តិសុខនៅសណ្ឋាគារដែលមេដឹកនាំទាំងពីរស្នាក់នៅ UNHCR: ចំនួនជនចំណាកស្រុកស្លាប់ដោយសារការលិចនាវាកើនឡើង ការរញ្ជួយដីកម្រិត 5.1 រ៉ិចទ័រកើតឡើងនៅខេត្តណាហ្គាណូក្នុងប្រទេសជប៉ុន យន្តហោះដឹកអ្នកដំណើរអារ៉ាប៊ីសាអ៊ូឌីតបានចុះចតជាបន្ទាន់ក្នុងទីក្រុង Jeddah ដោយសារបញ្ហាបច្ចេកទេស មនុស្សជាង 100 នាក់បានស្លាប់នៅក្នុងឧប្បត្តិហេតុធ្លាក់យន្តហោះនៅគុយបា យន្តហោះបានចុះចតជាបន្ទាន់នៅក្នុងប្រទេសចិន យ៉ាងហោចណាស់មនុស្ស 47 នាក់បានស្លាប់បន្ទាប់ពីទំនប់បាក់ក្នុងប្រទេសកេនយ៉ា ក្បួនព្យុហយាត្រាទិវាជ័យជម្នះរុស្ស៊ី: យុទ្ធភ័ណ្ឌទំនើបៗនឹងត្រូវបង្ហាញ មនុស្ស 30 នាក់ស្លាប់ខណៈពេលដែលរថយន្តក្រុងរបស់សាលារៀននៅឥណ្ឌាបានធ្លាក់ចេញពីច្រាំងថ្ម ព្រះអង្គម្ចាស់ Henrik របស់ដាណឺម៉ាកសោយទីវង្គត់ក្នុងព្រះជន្ម 83ឆ្នាំ ស្ពានហាយវ៉េនៅកូឡុំប៊ីដួលរលំសម្លាប់កម្មករ៩នាក់