ខេត្ដស្វាយរៀង៖ យោងតាមរបាយការណ៍ពីសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ សាខា ក.ប.ប ខេត្តស្វាយរៀង ដែលអង្គភាពសារព័ត៌មានយើង ទទួលបាននៅព្រឹកថ្ងៃទី១ ខែកុម្ភៈ ឆ្នាំ២០២៤ បានបញ្ជាក់ថា នៅថ្ងៃទី៣១ ខែមករា វេលាម៉ោង ២១៖២០នាទី មន្ត្រីសាខា ក.ប.ប ខេត្តស្វាយរៀង សហការជាមួយកម្លាំងអាវុធហត្ថ ក្រោមការសម្របសម្រួលពីលោក ខាំ សុផារី ព្រះរាជអាជ្ញាអមសាលាដំបូងខេត្តស្វាយរៀង បានឃាត់កុងទីន័រចំនួន៤គ្រឿង ដើម្បីត្រួតពិនិត្យ។ ក្រោយការត្រួតពិនិត្យបានរកឃើញថា រថយន្តកុងតឺន័រទាំង៤គ្រឿងនេះ ផ្ទុកជើងមាន់។
តាមការអះអាងរបស់អ្នកបើកបរបញ្ជាក់ថា ទំនិញទាំងអស់នេះគឺបាននាំចូលពីប្រទេសវៀតណាម ហើយផ្ទេរទូរកុងតឺន័រនៅចំណុចសូន្យចូលមកកម្ពុជាតាមមាត់ច្រកអន្តរជាតិបាវិត ហើយដឹកទៅច្រកដូងនៅស្រុករមាសហែក រួចនាំចូលទៅវៀតណាមវិញ។ ទំនិញទាំងនេះជារបស់ក្រុមហ៊ុន SBL ដែលមានទីតាំងនៅក្រុងបាវិត។
លោក ពេញ សារ៉េត (ម្ចាស់ឡានកុងតឺន័រ) បានបញ្ជាក់ថា គាត់ជាអ្នកគ្រប់គ្រងឡានកុងតឺន័រទាំង៤គ្រឿងនេះ ហើយមិនបានដាក់ឯកសារ (ដឹកទំនិញ) មកជាមួយតាមឡានទេ ហើយទំនិញទាំងនេះមានទិសដៅទៅច្រកដូង ស្រុករមាសហែក ហើយគ្រោងនាំចូលទៅវៀតណាមវិញ។
នៅវេលាម៉ោង ២២៖១៥នាទីយប់មិញ មន្ត្រីជំនាញ ក.ប.ប បានសហការជាមួយមន្ត្រីពាក់ព័ន្ធ បានកាត់សៀលរថយន្តកុងតឺន័រទាំង៤គ្រឿងនេះមកត្រួតពិនិត្យមានលទ្ធផលជាប្រភេទជើងមាន់ រួមមាន៖
ទី១៖ កុងតឺន័រលេខ SZLU9430540 (45) មានសីតុណ្ហភាព-៥ អង្សាសេ (ធៀបនឹងស្តង់ដា-១២ អង្សាសេ)
ទី២៖ កុងតឺន័រលេខ SZLU9415762(45′) មានសីតុណ្ហភាព-២.៩ អង្សាសេ (ធៀបនឹងស្តង់ដា-១២ អង្សាសេ)
ទី៣៖ កុងតឺន័រលេខ HMMU5490786(45) មានសីតុណ្ហភាព-៦.៤ អង្សាសេ (ធៀបនឹងស្តង់ដា-១២ អង្សាសេ)
ទី៤៖ កុងតឺន័រលេខ HDMU5591398(45) មានសីតុណ្ហភាព-២.៥ អង្សាសេ (ធៀបនឹងស្តង់ដា-១២ អង្សាសេ)។
ក្រោយពិសោធន៍ដោយរថយន្តចល័តពិសោធន៍ម្ហូបអាហាររបស់ ក.ប.ប ជាលទ្ធផលនៃសំណាកគំរូជើងមាន់ ដែលបានដកចេញពីទូកុងតឺន័រទាំង៤ឃើញថា ពុំមានសារធាតុគីមីហាមឃាត់ FORMALIN។ បន្ទាប់ពីបានពិនិត្យរួច សមាសភាពបានសម្រេចបិទសៀលទូកុងតឺន័រវិញ។
លោក ហេង សំបូរ ប្រធានសាខាគយរដ្ឋាករខេត្តស្វាយរៀង បានបញ្ជាក់ថា ទំនិញជើងមាន់ទាំងនេះ ជាទំនិញដឹកឆ្លងកាត់ ហើយគ្រោងនាំចូលទៅវៀតណាមវិញ។
សូមបញ្ជាក់ថា សមត្ថកិច្ចចាប់ឃាត់រថយន្តកុងតឺន័រចំនួន៤គ្រឿង ដែលសង្ស័យថាដឹកសាច់បង្កកកាលពីល្ងាចថ្ងៃទី៣១ ខែមករា ឆ្នាំ២០២៤ ស្ថិតក្នុងភូមិអកនាគ សង្កាត់សង្ឃ័រ ក្រុងស្វាយរៀង តាមបទបញ្ជារបស់ព្រះរាជអាជ្ញាខេត្តស្វាយរៀង។
ករណីឃាត់បាននេះ បានធ្វើឡើងដោយមានការសហការជាមួយមន្ត្រីសាខាគយ និងរដ្ឋាករខេត្តស្វាយរៀង និងមន្ត្រី ក.ប.ប សាខាខេត្តស្វាយរៀង៕
ព័ត៌មានផ្សេងទៀត
ស្លាប់ម្នាក់ និង៦៤នាក់ទៀតកំពុងសង្គ្រោះនៅមន្ទីរពេទ្យ សង្ស័យពុលនំបញ្ចុក
អាវុធហត្ថខេត្តក្រចេះបាននាំខ្លួនមន្រ្តីអ.ហម្នាក់មកសាកសួរក្រោយពីផ្ទុះរូបភាពវីដេអូជិះឡានដើរ បា.ញ់សត្វស្លាប(សត្វកុក)
បញ្ជាការដ្ឋានតំបន់ប្រតិបត្តិការសឹករងកំពង់ធំ ប្រជុំបូកសរុបលទ្ធផលការងារយោធាសន្តិសុខ ប្រចាំខែមករា និងដាក់ចេញទិសដៅអនុវត្តបន្តខែកុម្ភៈឆ្នាំ២០២៤។
មន្ទីរធម្មការខេត្តប្រារព្ធពិធីផ្សព្វផ្សាយខ្លឹម សារសង្ឃប្រកាសអនុសំវិច្ឆរៈមហាសន្និ បាតមន្ត្រីសង្ឃទូទាំងប្រទេសលើកទី៣១ ដែលមានមន្ត្រីសង្ឃនិងមន្ត្រីរាជការចូល រួមជាង៧០០នាក់
សមត្ថកិច្ចជល់ផល់បង្ក្រាបលៀសខុសច្បាប់ចំនួន២៧០ការ៉ុង និងរបាំងស្បៃមុង០៧កន្លែង
ផ្ទៃដីដាំដុះស្វាយចន្ទីសុទ្ឋ១១៥.០២១ហិចតា នៅក្នុងខេត្តកំពង់ធំ
អាជ្ញាធរខេត្តកំពង់ធំ ចេញបទបញ្ជាលុបក្បាលប្រឡាយបង្ហូរទឹកទៅកាន់តំបន់ដីរក្សាទុករបស់រដ្ឋ បន្ទាប់ពីមានជនខិលខូចលួចកាយ
សមត្ថកិច្ចចម្រុះក្រុងកំពង់ឆ្នាំងសហការចុះធ្វើការផ្សព្វផ្សាយដល់បងប្អូនមានមុខរបរឆ្អើត្រីអោយមានការប្រុងប្រយ័ត្នចំបងអូសដុតឆ្អើត្រីខណះរដូវនេះមានខ្យល់ផង
សន្និបាតបូកសរុបរបស់សមាគមម៉ូស្លីមអាម៉ាឌីយ៉ាកម្ពុជាលើកទី ១៧នៅខេត្តកំពង់ឆ្នាំង
អភិបាលស្រុកតាំងគោក ស្ទុះស្ទាយ៉ាងមុតមាំដើម្បីដោះស្រាយទឹកជូនប្រជាពលរដ្ឋធ្វើស្រែប្រាំងប្រមាណ៣៥០ហិកតា
អភិបាលខេត្តកំពង់ធំ ដឹកនាំកិច្ចប្រជុំបូកសរុបលទ្ធផលការងារដីតំបន់បី ក្នុងភូមិសាស្ត្រខេត្តកំពង់ធំ
អភិបាលខេត្តកំពង់ធំចុះត្រួតពិនិត្យទីតាំងដីតំបន់៣ ដែលរងការទន្ទ្រានឈូសឆាយជាច្រើនហិចតាដោយខុសច្បាប់ នៅស្រុកស្ទោង
អាជ្ញាធរខេត្តកំពង់ធំ ហាមដាច់ខាតចំពោះជនខិលខូចណា ដែលមករុករានទន្ទ្រានរំលោភយកដីរដ្ឋនៅតំបន់បី ក្នុងស្រុកកំពង់ស្វាយ មកធ្វើជាកម្មសិទ្ធិរបស់ខ្លួនឡើយ
ឯកឧត្តម ងួន រតនៈ ដឹកនាំកម្លាំងចម្រុះចុះពិនិត្យមើលស្ថានភាពដែលរំលោភដីរដ្ឋ ក្នុងតំបន់ហាមឃាត់(តំបន់បី) នៅសង្កាត់ស្រយ៉ូវ
បទល្មើសនេសាទ លបកន្ទុយកណ្តុរខ្លះហៅថាលប់ប្រើសមួយរយ២០គ្រឿង រួមទាំងសម្រាស់៣៥កន្លែង ត្រូវបានសមត្ថកិច្ចជលផលកំពង់ឆ្នាំងសហការ បន្តបង្ក្រាប២ករណីផ្សេងគ្នា
ស្រែប្រាំងប្រជាកសិករ ក្នុងឃុំគោកបន្ទាយ ប្រមាណ៣៨០ហិកតា ត្រូវបានជួយសង្គ្រោះ
អាជ្ញាធរថាស្ពានថ្មើរជើងរង្វង់មូលនាងគង្ហីងសាងសង់បានពាក់កណ្ដាល
ក្រសួងបរិស្ថានរំលែកទុក្ខការស្លាប់មន្ត្រី ៣រូបក្នុងបុព្វហេតុការពារធនធានធម្មជាតិ
ពលរដ្ឋជិត ៥០០គ្រួសារស្នើសម្ដេចអន្តរាគមន៍ទំនាស់ដីធ្លី
ក្រសួងសុខាភិបាលឲ្យប្រុងប្រយ័ត្នត្រីក្រពត ៣ប្រភេទដែលពុលបណ្ដាលឲ្យស្លាប់