នាយករដ្ឋមន្រ្តីកាណាដា លោក Trudeau បានប្តេជ្ញាស្វែងរកយុត្តិធម៌សម្រាប់អ្នកដែលបានស្លាប់នៅពេលដែលយន្តហោះដឹកអ្នកដំណើររបស់អ៊ុយក្រែនបានធ្លាក់នៅក្បែរទីក្រុងតេអេរ៉ង់កាលពីសប្តាហ៍មុន។
យោធាអ៊ីរ៉ង់កាលពីថ្ងៃសៅរ៍បានសារភាពថាបានបាញ់ទម្លាក់យន្តហោះដោយអចេតនា។ មនុស្សទាំងអស់ ១៧៦ នាក់នៅលើយន្តហោះបានស្លាប់។
ពិធីត្រូវបានធ្វើឡើងនៅទូទាំងប្រទេសកាណាដាកាលពីថ្ងៃអាទិត្យដើម្បីចូលរួមមរណទុក្ខជនរងគ្រោះនៃគ្រោះមហន្តរាយនេះ។ ហាសិបប្រាំពីរនាក់ក្នុងចំណោមពួកគេមកពីប្រទេសកាណាដា។
នៅក្នុងពិធី នៅទីក្រុង Edmonton រដ្ឋ Alberta លោក Trudeau បាននិយាយថា “សោកនាដកម្មនេះមិនគួរកើតមានទេ … អ្នកផ្តល់ឱ្យយើងនូវគោលបំណងដើម្បីស្វែងរកយុត្តិធម៌និងទំនួលខុសត្រូវសម្រាប់អ្នក។ យើងនឹងមិនសម្រាកទេទាល់តែមានចម្លើយ”។
ប្រទេសកាណាដាបានបញ្ជូនមន្រ្តីទៅអ៊ីរ៉ង់ដើម្បីពិនិត្យមើលឧប្បត្តិហេតុនេះជាមួយប្រទេសដទៃទៀតរួមមានអង់គ្លេសនិងស៊ុយអែត។ វាគ្រោងនឹងបញ្ជូនបុគ្គលិកបន្ថែមទៀតនៅដើមថ្ងៃចន្ទ៕