ប្រជាជននៅប្រទេសកូរ៉េខាងត្បូងបានធ្វើការតវ៉ាប្រឆាំងនឹងវិធីសាស្រ្តផ្សះផ្សាររបស់រដ្ឋាភិបាលចំពោះកូរ៉េខាងជើង។
មានមនុស្សជាង 10,000 នាក់បានចូលរួមនៅក្នុងការជួបជុំគ្នាមួយនៅទីក្រុងសេអ៊ូលកាលពីថ្ងៃព្រហស្បតិ៍ដែលជាខួបនៃការចាប់ផ្ដើមនៃការបះបោរឆ្នាំ 1919 ប្រឆាំងនឹងការគ្រប់គ្រងរបស់ប្រទេសជប៉ុនលើប្រទេសកូរ៉េ។ក្រុមអ្នកតវ៉ាអភិរក្សបាននិយាយថារដ្ឋបាលលោកប្រធានាធិបតី Moon Jae-in គឺជាការគំរាមកំហែងចំពោះលទ្ធិប្រជាធិបតេយ្យរបស់ប្រទេសកូរ៉េខាងត្បូង ហើយប្រទេសនេះគួរតែពង្រឹងសម្ព័ន្ធមិត្តរបស់ខ្លួនជាមួយសហរដ្ឋអាមេរិក។
ពួកគេបានលើកបដាដែលនិយាយថាលោក Moon គឺជាអ្នកដឹកនាំឆ្វេងនិយមនិងគួរតែចុះចេញពីតំណែង។
បាតុករពាក់ម៉ាសរូបមេដឹកនាំកូរ៉េខាងជើងលោក Kim Jong Un និងឯកសណ្ឋានយោធាបានកាន់រូបអាយ៉ងរបស់ប្រធានាធិបតីកូរ៉េខាងត្បូង។
ការគាំទ្រសម្រាប់ការធ្វើឱ្យប្រសើរឡើងនូវទំនាក់ទំនងបានកើនឡើងចាប់តាំងពីកូរ៉េខាងជើងសម្រេចចិត្តចូលរួមក្នុងព្រឹត្តិការណ៍កីឡាអូឡាំពិក PyeongChang និងប៉ារ៉ាឡាំពិកព្រមទាំងការពិភាក្សាអន្តរកូរ៉េ។
ប៉ុន្តែការជួបជុំគ្នានៅថ្ងៃព្រហស្បតិ៍បង្ហាញពីការប្រឆាំងយ៉ាងខ្លាំងក្លាក្នុងចំណោមក្រុមអភិរក្សទៅនឹងគោលនយោបាយផ្លូវការរបស់កូរ៉េខាងជើង៕
