អ្នកនាំពាក្យក្រសួងការបរទេសចិន លោក Geng Shuang បាននិយាយកាលពីថ្ងៃសុក្រថាប្រទេសចិនបានធ្វើការតវ៉ាជាមួយសហរដ្ឋអាមេរិកបន្ទាប់ពីនាវាកងទ័ពជើងទឹកអាម៉េរិកកាលពីថ្ងៃចន្ទបានចូលជិតកោះដែលមានជម្លោះនៅក្នុងសមុទ្រចិនខាងត្បូង។
នាវានេះបានចូលទៅក្បែរកោះប៉ារ៉ាស៊ែលដែលជាផ្នែកមួយនៃអ្វីដែលត្រូវបានគេស្គាល់ថាជាប្រតិបត្តិការសេរីភាពនៃការធ្វើនាវាចរណ៍។ កោះទាំងនេះត្រូវបានគ្រប់គ្រងដោយចិន។ របបក្រុងប៉េកាំងអះអាងថាភាគច្រើននៃសមុទ្រចិនខាងត្បូងជារបស់ខ្លួន។
សហរដ្ឋអាមេរិកបានធ្វើប្រតិបត្តិការស្រដៀងគ្នានេះនៅក្នុងអតីតកាលដើម្បីរុញច្រានប្រឆាំងនឹងវត្តមានកើនឡើងរបស់ចិននៅក្នុងតំបន់។
លោក Geng បាននិយាយថាសកម្មភាពកងទ័ពជើងទឹកអាមេរិកបានចាប់ផ្តើមរំលោភលើអធិបតេយ្យភាពរបស់ចិនហើយបានបំផ្លាញសន្តិភាពនិងសណ្តាប់ធ្នាប់នៅក្នុងដែនទឹក។
លោកបាននិយាយថាប្រទេសចិនបានប្រឆាំងយ៉ាងដាច់អហង្ការចំពោះសកម្មភាពរបស់អាមេរិក ហើយបានអំពាវនាវឱ្យរដ្ឋាភិបាលក្រុងវ៉ាស៊ីនតោនបញ្ឈប់សកម្មភាពបង្កររឿងដែលរំលោភលើអធិបតេយ្យភាពរបស់ចិននិងគំរាមកំហែងដល់សន្តិសុខរបស់ខ្លួន៕