ឆ្កែប៉ូលីសតូចជាងគេបំផុតនៅលើពិភពលោកបានស្លាប់បន្ទាប់ពីម្ចាស់ដែលនាងបានបម្រើស្លាប់

លោក Dan McClelland អាយុ ៦៧ ឆ្នាំនិង ឆ្កែប្រយុទ្ធប្រឆាំងបទឧក្រិដ្ឋរបស់គាត់ ឈ្មោះ Midge អាយុ ១៦ ឆ្នាំបានស្លាប់នៅតំបន់ Geauga រដ្ឋ Ohio កាលពីថ្ងៃពុធ។ លោក McClelland តម្រួតប្រចាំខណ្ឌបានស្លាប់នៅក្នុងមន្ទីរពេទ្យដោយសារជំងឺមហារីក ប៉ុន្មានម៉ោងមុនពេលសត្វចិញ្ចឹមជាទីស្រឡាញ់របស់គាត់បានស្លាប់នៅឯផ្ទះ។សុនខ Midge បានចំណាយពេល ១០ ឆ្នាំបម្រើការជាមួយកម្លាំងប្រចាំខណ្ឌ Geauga ជាមួយម្ចាស់របស់នាង មុនពេលអ្នកទាំងពីរចូលនិវត្តន៍ក្នុងឆ្នាំ ២០១៦។​​ នៅពេល Midge បានចូលរួមជាមួយប៉ូលីសក្នុងឆ្នាំ ២០០៦ នាងបានចូលក្នុងកំណត់ត្រាពិភពលោក Guinness ដោយក្លាយជាឆ្កែប៉ូលីសតូចជាងគេបំផុតនៅលើពិភពលោក។

មិនដូចសមភាគីដែលមានមាឌធំជាងនាង នៅពេលនាងវាយឆ្មក់គ្រឿងញៀន នាងនឹងមិនហែកពូករថយន្ត ឬបន្សល់ទុកស្នាមដានជើងឡើយ។ មាឌរបស់នាងបញ្ជាក់ថានាងមិនមានបញ្ហាក្នុងការអង្កេតខាងក្រោមយាន្តយន្តទេ ហើយអាចដេកនៅលើភ្លៅរបស់ម្ចាស់នាងនៅពេលគាត់អង្គុយនៅតុរបស់គាត់។Midge មានភាពល្បីល្បាញនៅក្នុងខណ្ឌនោះ អ្នកស្រុកនឹងចងចាំនាងជាញឹកញាប់ជាងម្ចាស់របស់នាងទៅទៀត។

អ្នកស្នងតំណែងរបស់លោក McClelland គឺលោក Scott Hildenbrand បានរំលឹកថា “គាត់ធ្លាប់និយាយលេងសើចថាពលរដ្ឋនឹងឃើញគាត់នៅក្នុងក្បួនដង្ហែរនៅក្នុងរថយន្ត ហើយនិយាយថា “ហេ! ទីនេះមាន Midge និង ឈ្មោះដែលមិនបានរំលឹក”។ “ខ្ញុំគិតថានាងមានប្រជាប្រិយភាពជាងគាត់”។ អតីតអ្នកនាំពាក្យការិយាល័យតម្រួត លោក Lt John Hiscox បានបន្ថែមថា “វាដូចជាការនាំ Elvis Presley ទៅកណ្តាលផ្លូវអញ្ចឹង។”

លោក McClelland បានបម្រើការជាតម្រួតអស់រយៈពេល ១៣ ឆ្នាំ និង ជាកងកម្លាំង សរុប ៤៤ ឆ្នាំ។ មិត្តរួមការងាររបស់គាត់មានការភ្ញាក់ផ្អើលនៅពេលគាត់បានប្រកាសថាគាត់ចូលនិវត្តន៍និងធ្វើដំណើរជុំវិញប្រទេសជាមួយភរិយានិងសត្វចិញ្ចឹមដ៏មានតម្លៃរបស់គាត់។

លោក Hildenbrand បានបន្ថែមទៀតថា “គាត់បានចំណាយពេល ៤៤ ឆ្នាំដើម្បីការពារប្រជាជននៅក្នុងខណ្ឌនេះ ហើយនិយាយដោយត្រង់ទៅគាត់ស្រឡាញ់ការងាររបស់គាត់គ្រប់វិនាទី។ ខ្ញុំគិតថាគាត់នឹងមិនចូលនិវត្តន៍ទេ”។

ក្រុមគ្រួសារ លោក McClelland បាននិយាយថាអ្នកជាទីស្រឡាញ់ទាំងពីរនាក់នឹងត្រូវបានបញ្ចុះជាមួយគ្នា៕

ព័ត៌មានផ្សេងទៀត

កូរ៉ូណាវីរុស៖ វេជ្ជបណ្ឌិតឯកទេសខាងវះកាត់ប្រព័ន្ធសរសៃប្រសាទដ៏ល្បីលើពិភពលោកស្លាប់បន្ទាប់ពីត្រូវបានគេធ្វើរោគវិនិច្ឆ័យឃើញថាមាន COVID-19 ប្រជាជនហ្វីលីពីនកែច្នៃផេះភ្នំភ្លើង សំរាមប្លាស្ទិកទៅជាឥដ្ឋ ព្រះអង្គម្ចាស់ក្សត្រីជប៉ុន Kako មានព្រះជន្ម ២៥ ព្រះវស្សា ICC ធ្វើការស៊ើបអង្កេតអំពីវិបត្តិជនជាតិរ៉ូហ៊ីងយ៉ា ចិនបើកសារមន្ទីរតែខ្មៅឥដ្ឋដំបូងគេ ប្រទេសនានាសន្យាផ្តល់ថវិកាចំនួន ៩,៨ កោដិដុល្លារសម្រាប់មូលនិធិអាកាសធាតុ ពិធីដង្ហែការឡើងគ្រងរាជ្យនឹងរៀបចំឡើងវិញនៅថ្ងៃទី ១០ ខែវិច្ឆិកា អាស៊ានចាត់វិធានការកាត់បន្ថយកាកសំណល់ប្លាស្ទិកមហាសមុទ្រ ពិធីបុណ្យ Kumbh Mela សាសនាហិណ្ឌូចាប់ផ្តើម ពាណិជ្ជករបំផុសតួអង្គវីដេអូហ្គេម Super Mario បានស្លាប់នៅអាយុ 84 ឆ្នាំ លោក Duterte ប្រឈមនឹងបណ្តឹងថ្មីរបស់ ICC ព្រះមហាក្សត្រិយានីរបស់ថៃត្រូវបានបញ្ជូនទៅមន្ទីរពេទ្យ កាសែតនៅទូទាំងអាមេរិកបានរិះគន់លោក Trump អតីតជំនួយការប្រធានាធិបតីហៅលោក Trump ប្រកាន់ពូជសាសន៍ ក្មេងប្រុស 11 នាក់និងគ្រូបង្វឹករបស់ពួកគេកោសក់បួសជាលោកនេននិងព្រះសង្ឃ ភរិយារបស់នាយករដ្ឋមន្ត្រីអ៊ីស្រាអែល Netanyahu ត្រូវបានចោទប្រកាន់ពីបទក្លែងបន្លំ ថៃកាត់ទោសប្រហារជីវិតជាលើកដំបូងក្នុងរយៈពេល 9ឆ្នាំ ត្រីបាឡែនមួយក្បាលស្លាប់ក្រោយពីលេបថង់ប្លាស្ទីក សកម្មជនសិទ្ធិមនុស្សនៅអារ៉ាប់ត្រូវបានចាប់ខ្លួន ការប្រមូលផ្តុំគ្នានៅកូរ៉េខាងត្បូងបានជំទាស់ជំហររបស់លោក Moon លើកូរ៉េខាងជើង